最近，之前閃閃都有係淘寶買日啲原單衫，不過返黎既質素真係好睇你好唔好彩，閃閃都真係試過買到啲質素好既衫，但係大部份都好易出事。大約買四件有一個係 OK 的，但就真係好浪費錢！
所以閃閃而家都好少網購了，一來睇唔到實物又真係好難估係岩唔岩自己 (有時有實物上手度身都會買錯啦！)，二來頭先講好易買左貨不對版既衫。
而家買衫，閃閃最近去兩間店買，今日就同大家分享下！ (唔係邀稿黎，純分享唷！)
*記著要無視衣服的不順滑，鄒鄒的，不好意思！(因為一直放在一邊還未有處理)
先來的，只一件，是在 RED GARDEN 家購買的，因為之前買的都介紹過，所以不再重覆介紹了。
他們家的衣服很美，但不是件件岩閃閃的 Style，而且去貨去得太快，有時在FACEBOOK 見到更新，但轉就沒有了，原本是 ONLINE SHOP 的 RG ，因為是實體店，所以不可留貨，所以呢，要定期去睇下衫先得呢！
這件大約HK$289元 (所有價錢都係記憶中的，可能有出入唷！)，你或者會發現以下的衣服色系都是同一類，因為春天的關係，大地回春麻 (其實就是因為喜歡而已......)
這類的雪紡衫，是閃閃最近挑戰成功的服飾，因為一直覺得自己會穿得不好看，是因為另一間店員拍心口話岩我，唔岩返去同佢換，點知又真係OK 喎，所以就在不同的地方入手了幾衫，這個是 RG 家入手的。
這類衣服都是不同領口的設計，這個粉紅色搭粉藍色的，襯得很好看，那天到RG家睇衫時，因為可能店主岩岩係韓國返，所以好多FANS 去睇下有咩衫買，閃閃就係人海中快手揀左呢件比錢閃！
然後是介紹另一家閃閃會定期去既店，店舖係旺角新の城，叫 akiba ，先介紹鞋仔，因為閃閃貼了在 FACEBOOK PAGE ，大家都有問。
閃閃買的是粉色，同款還有杏色的，看中的時候沒有40號 (對閃閃的腳板很大唷！)，akiba 就幫閃閃訂40號回來，但閃閃決定不了顏色，店員一次訂兩對唔同色，勁好呢！
是牛皮來的，不是軟軟那種，但又不會太硬唔好著，而且鞋跟粗，所以挺好行的。
價錢應該是HK$499
買鞋那天，也買了這件，就是第一次挑戰的款式。
淡米色，加尖領
前後都是尖領呢！這類雪紡都是很薄的，一定一定要打底！價錢約 HK$238
然後這件是剛過的星期五買，說起來， akiba 有姊妹店，就在面向店的隔個舖位 (一個定兩個呢...)，這件事在另一店買！
因為夏天快來，所以入手短袖試試看，這個又是粉紅色，加可以拆的白色領邊。
有機會穿上影相給大家看看，這個應該也是HK$238
這件很喜歡，上兩次經過已經看中，但天氣仲係凍凍地冇入手既意欲，岩岩入手左件短袖，就順道唷！聽店員講這件很多人喜歡，他們已經入了兩三轉貨了。
配上小黑TIE，可拆唷！
前後也很美，有LACE邊唷！靚靚唷。
這件質地好似唔係雪紡，好似有啲似絲絹之類，好令身的，淡淡粉橙色的，靚唷，期待穿上身的效果。
好了，講完平時閃閃去開的店，就講返最近隨街敗的。
這對鞋仔，最大39號，其實有點偏小了對閃閃來說，不過應該會著著下會鬆，又平底喎，所以入手左，價錢好似係HK$249，鞋底好得意呀！
然後一出舖頭係對面舖見到呢件衫，好衫咁，又入手，點知.... 回家穿過好似唔係好岩著，希望瘦一瘦身後再試下。
另外見到呢件，都入手左，夏天應該幾舒服唷！
不過這兩件買的店家不老實，明明說買兩件有九折，咁第一件係HK$180，第二件係HK$160，咁九折應該係HK$306，但佢收我HK$320，本來應該平HK$34架麻，但只係平HK$20，呃人呃人呃人！
閃閃搵返店舖位置再話比大家知，千萬唔好去買野！
最後就係閃閃既小LOOKBOOK，外套係係 akiba買的，背包係 Citysuper ，上衣都係 akiba，下面既裙褲係淘寶的！
Red Garden
地址: 尖沙咀加拿芬道41-43號SOLO BUILDING 1樓13室(尖沙咀地鐵站B2出口直行, 鴻福堂隔離)
營業時間: 星期二至日3:00pm至9:00pm;
(逄星期一休息)
akiba
Shop 210 Newtown mall, Mongkok
tel: 2787 3298
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言