未講上面呢兩枝前，閃閃先講一下其實閃閃係 Sonia Rykiel 家的用家。
化妝品方面用過 SR 家的王牌豆腐粉底 (最近因為試用其他和敗了其他新品牌，所以暫時未有敗第八代的豆腐粉底)，最近的限量眼影、胭脂及唇彩套裝都有入手！
而SKINCARE 方面，Hydra Premier Primer Moisture Essence 高效保濕精華之前也有在用，而清潔方面，舊版的 7th Day Purifying Cleanser 深層潔膚粉末一直到在用，而家右手邊的 Refreshing Cleansing Gel ，平日淡妝都係用佢！
.jpg)
當然是好用所以一直在用啦！
多謝 iMore 抽中試用 (遲了交文，唔好打閃閃)，可以率先試用新品
柔滑卸妝油 Cleansing Oil 195ml/HK$295
有埋個揼，可以自己安裝上！粉橙色既樽身，好鬼靚！
呢個帶有深層清潔作用既卸妝油，添加左容易同彩妝融合既天然萃取礦物油，可以充分咁融合同埋溶解彩妝，而另含有美容成份薏仁籽油、深海魚油、亞麻仁油 (生物亞麻酸) 及白芒花籽油，多種親膚性既油脂，可以係清潔既同時又可以保護肌膚﹐由最基本既清潔開住調理同保護肌膚！
先黎做測試，搵黎一堆彩妝產品，當中有啲係會防水防油的！
畫係手上面，等大約半小時！
跟住就去用 SR 家的柔滑卸妝油卸去彩妝
然後開始慢慢打圈
部份唔防油的已經甩左，防油的真係要打多幾個圈，不過都唔係要好用力先甩到。過左清水就乾淨左！
到面啦，先泵 2-3 泵係手心，然後在輕輕咁搽上面上按摩
眼位既彩妝，因為閃閃用的應該都不是很難卸的，不過眼線就要仔細點去搽了，不過這個卸妝油出乎意料之外冇"拿"眼既感覺！好好呢！
睇返資料佢冇乳化呢part的，不過閃閃加少少水浮化都可以，而且都容易洗乾淨，同埋皮膚都會感覺到柔軟左！
以份量計，HK$295 得 195ml 唔係平呢，不過因為佢唔"拿"眼，感覺更溫和，所以回購度好高。(不過平日閃閃唔係成日化妝，可以用返 Refreshing Cleansing Gel，去落胭脂就可以了。所以一枝都應該可以用好耐喎。
深層潔膚粉末 Purifying Facial Care 2g x 30 sachets / HK$275
呢個係 7th Day Purifying Cleanser 深層潔膚粉末既升級版黎，好耐之前，閃閃都有介紹過 (相關文章) ，其實我地皮膚，每日都會不斷咁推出角質層，所以平日要定期做去角質既工作，咁先對得住買返黎貴一貴既護膚品 (因為角質層過厚會吸唔到架，只會停係表面！)
深層潔膚粉，以天然黏土(高嶺土)和分解蛋白質酵素 (Protein-cutting papain enzyme)黎幫皮膚去角質，天然黏土(高嶺土)的粒子表面能吸附毛孔污垢與多餘皮脂，而分解蛋白質酵素能分解造成肌膚暗沉既老廢角質，配合溫和既氨基酸洗淨成分，可以帶走污垢角質同埋毛孔裡黑頭，係清潔既同時，都添加具有保濕效果既麥芽糖、甘草酸納、糖原和牡蠣精華成分，為肌膚補充滋潤，令肌膚保有水嫩潤澤。
每次卸妝後，將潔膚粉末倒係掌心，加入冷水或溫水混和成粉漿狀，好似敷面膜咁均勻搽係整塊臉，係有黑頭，粗糙，暗啞部位輕輕按摩，以冷水或溫水徹底究洗淨。
為確保產品質素，每次必須使用一整包潔膚粉，開封後不可保留下次使用架。
使用方法就要因應你既肌膚性質黎使用，如果你係油性皮膚可以當深層清潔面膜咁敷 2-3分鐘後再按摩，然後清洗乾淨。如果你好似閃閃咁係乾性或者係中性既普通皮膚就無需敷面，搽係整塊臉後可按摩然後清洗乾淨。
今次既升級版，比起舊版有咁強既潔力，已經唔只係去角質，仲可以吸走污垢，用完之後塊面好乾淨，黑頭都少左好多，就算仲黑頭用黑頭針咁一咁都好易走出黎！
大家家都應該唔只一款去角質既產品，呢個可以溫和咁去角質，好好，大家可以入手一個黎用唷。
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言