[分享] 閃閃的美白習慣 ❤ 你的美白習慣？

以前，閃閃有個習慣，就係冬天會著重保濕多啲，因為以前既美白產品都冇咁保濕，所以閃閃會係冬天著重保濕，但係而家既產品同以前唔同左好多，已經冇以前咁乾了，所以冬天而家都好安心咁用美白產品。

有啲女仔會係夏天先做美白，但閃閃又唔覺得係咁，因為陽光係一年 365日都有，應該要全年都做好美白既工作，咁先可以減低黑色素既出現。

閃閃有個 DIY 既天然美白，就係用豆腐黎磨面，皮膚會變得好滑，不過冬天用就覺得好凍了，雖然要好耐先有效，但係都不失係一個天然又平價既美白小 DIY。

以往都用過好多唔同既美白產品，不過美白真係要講下耐性的，唔可以一用就一下子就可以白到，由其係皮膚有28日既更新週期麻，唔好話用一星期唔WORK就唔再用，起碼都要用返一個月以上先真正見到效果架？

仲有呢，美白MASK 都唔以缺少，當然平貴既產品用既成份都唔同啦！但係有時平平地密啲敷都有用，當然有啲日子要重點出擊就要駛下錢用啲貴少少既產品。

你又有咩美白既習慣，可以用閃閃分享嗎？

[好康] ONE2FREE 與迪士尼 ❤ 和你歡度雪亮聖誕

話明係好康，緊係有好野介紹比大家啦，早幾日迪士尼既米奇．米妮 係旺角既 one2free 同佢地既客戶歡渡左雪亮聖誕，閃閃諗米奇同米妮都係第一次去旺角呢！

點解會搞呢個活動呢，原來佢地黎緊有個活動，只要係 2013年1月1日前選購$237『樂無憂』服務計劃，無論新登記號碼或攜號轉台客戶，都可以獲贈『香港迪士尼樂園』門票兩張，可以同朋友仔一齊去迪士尼玩呢！

講返活動當日，兩位迪士尼朋友米奇老鼠及米妮老鼠換上聖誕服飾，同 one2free 客戶拍照留念。而 one2free 亦即場安排了聖誕卡設計比賽，等嘉賓發揮創作空間，仲獲得 one2free 及香港迪士尼樂園送出聖誕禮物添唷。

[試用] 唔"拿"口的藥用漱口水 ❤ BETADINE 冰涼消毒漱口水

雖然標題有寫，但係閃閃諗如果閃閃就咁見到上面呢枝野，唔睇內容真係唔知佢係一枝漱口水黎，呢個包裝真係好似藥咁呢！

而且個牌子名「BETADINE」都真係聽都未聽過，BETADINE全線殺菌護理系列都含有殺菌成份Povidone-Iodine(PVP-I)，能夠同時有效咁殺滅細菌 (Bacteria)、過濾性病毒 (Viruses)同埋真菌 (Fungi) 呢三大主要致病源。聽到呢到，真係唔止普通漱口水咁簡單呢！

有研究顯示，BETADINE只需30秒內便發揮功效，能快速消滅有害病源，真正做到殺菌消毒添唷！

睇包裝，佢仲係有效咁舒緩喉嚨痛、消除痱滋、同埋口腔發炎徵狀，唔同一般只係殺菌！

倒出黎真係好似藥水，以一個蓋加兩份水就可以要黎漱口 30秒！

見到佢咁茶色，唔駛擔心，係藥物成份黎，唔會整到牙齒染上茶色的。

閃閃最近有啲感冒同喉嚨發炎，用佢黎做漱喉(Gargle)，可以更加接觸同清潔口咽部位，咁可以殺死引致喉痛的病源！閃閃覺得比起平時乜都唔用，喉嚨會好得快啲呢！
漱喉(Gargle)是漱口時從喉底發出的咕嚕聲。

而且如果有痱滋既話，仲可以舒緩痱滋，咁當然要減少進食比較刺激和硬的食物(例如薯片)，
以免傷口受到觸碰或擦傷。同埋用埋 BETADINE冰涼消毒漱口水，除了有助減輕痛楚之餘，更可防止傷口受到細菌感染，加快痱滋傷口癒合。

最驚喜係，閃閃好怕啲漱口水好"拿"口，呢個就冇"拿"口既感覺！而且佢有藥用成份，只要每星期用一兩次或者有需要時用呢！^^

所以閃閃用完呢枝，會再回購呢！

多謝 She.com 同埋 BETADINE，閃閃又認識多一隻好用牌子了！嘻嘻！

[Lookbook] 20121103 ❤ All Black with Sunshine

即係咁，閃閃知道呢個標題係呢個12月頭先出現係實在太遲太遲，請原諒閃閃太忙了，亦太病了，而且感情生活出了點問題，用了很多時間去思考人生既方向 (對，這事一件很很很認真的事！) ，作出了人生一項很重大既決定。死了很多細胞呢，不過，閃閃會努力去迎接新的生活！

好了，不開心的事，不想說太多太多，放在心底好了！很快很快，閃閃會變回愛笑的閃閃的！

講回正題，LOOKBOOK 大家有去看的嗎？如果有，請入內給一個 HYPE 吧！

這條是閃閃很喜歡的裙子，喜歡到很想當制服穿，因為上面有閃閃很喜歡的星星元素！

HK$299 @HEATER

Bag: around HK$50 @Thailand

Shoe: HK$699 @le saunda

[活動&試用] Oral-B x she.com 全方位閃亮牙齒工作坊

十二月了，好快又到聖誕節，又係普世歡騰既日子，不過.... 閃閃黎緊要考試，加上自己既生活出現左啲問題，又身體唔好啦！十一月份既BLOG竟然得一篇文章 (-,-) ，非常！係非常地對唔住黎探閃閃既網友們，希望黎緊可以寫返多啲 BLOG ，不過閃閃都唔肯定，因為.... 十二月中至尾會考試呢... ...(天呀！請大家為閃閃祈禱，合格已經好開心了！)

好啦！睇到標題都知今次係同牙刷有關， ORAL-B 既電動牙刷閃閃以前都有用，個時用既係最BASIC 個枝$200左右既電動牙刷，個時閃閃都覺得好好用，因為講真，就咁手動用牙刷真係冇咁乾淨的，後來閃閃都仲有買左另一牌子既聲波牙刷，點知用唔夠一年就壞了！(激氣，閃閃老闆話個個牌子唔好用...但買左成八百蚊架麻....無奈)，最近正想物色另一枝電動牙刷，咁當然係買返 ORAL-B啦！不過 ORAL-B 其實都有好多選擇，正係苦惱緊既時候，收到試用，太好了！！！

今次既活動 SHE.COM 首先安排左比我地先試用電動牙刷，今次係試用 Professional Care 1000 充電電動牙刷！比啲資料大家先：

• 1種潔牙模式：清潔

• 內附1種刷頭：彈性軟毛杯型刷頭

• 獨特3D超震動潔牙, 每分鐘左右轉動8,800次, 前後震動40,000次

• 2分鐘專業定時器, 隔30秒提示你均勻清潔口腔4個部位

• 壓力感應燈明顯提示，避免過度用力

• 充電顯示燈、低電量指示燈

呢枝電動牙刷好明顯地轉數比閃閃之前用個枝快好多呀！其實因為閃閃最近未買新既電動牙刷，用返普通牙刷，所以比較上特別深刻，用普通牙刷好多時都只可以做到前前後後拉動呢個動作，有時啲牙垢未必真係可以靠人手拉動牙刷而清除到，但電動牙刷因為佢係以左右轉動每分鐘都成 8,800下，人手係真係做唔到！

而且見到刷頭係一個杯型設計，基本上可以做到包住隻牙齒去做清潔既效果！
閃閃好建議大家買電動牙刷呢，以轉數來說 Professional Care 1000 係入門之選！
不過知道佢轉數大，都要預計佢會好震同埋嘈少少架啦！
同埋其實閃閃諗都應該冇乜邊個會刷牙刷足兩分鐘，呢個牙刷有個好處就係會有兩分鐘計時，每 30秒會有提示比你知要轉下一排牙齒，咁就可以岩岩好刷足兩分鐘，有足夠時間比刷頭晒每一隻牙齒！！！

仲有就係呢個壓力感應燈，當用力過度既時候，就會......亮燈！

咁就可以避免過度用力令牙齒或者牙肉造成傷害！

而叉電都好方便，每次叉足17個鐘就可以用足一個星期！不過閃閃唔明，點解香港既貨品會係兩腳，要另配三腳插真係好唔方便！而叉電用磁叉，好方便的！

 就咁放上去就可以，佢會閃住燈的！

講返當日既活動，多謝 she.com & Oral-B 既安排，佢地安排左 Oral-B 既 AM 黎講解外，仲有搵左一位資深既牙齒護理員黎講解呢枝 Professional Care 外，仲講解左好多牙齒護理既心得用牙線既種類同用法，仲有介紹唔同既漱口水！

仲玩左個小小既遊戲比大家感受下用手動牙刷同電動牙刷既分別！

仲有教大家點刷牙添，今次活動真係學到好多野呢！


講返用後感，閃閃用左一段時間，覺得牙齒乾淨左好多，因為有時用普通牙刷都係覺得好唔乾淨，但用電動牙刷就乾淨好多，你會FEEL 到用條脷LUM 下啲牙齒會滑好多的。同埋閃閃都覺得用電動牙刷時，就算去牙醫洗牙等，都會冇咁多牙石，會乾淨好多的！
而且一枝電動牙刷可以配唔同既刷頭，一家人一人一個刷頭，大家都有潔白既牙齒唷！


多謝 She.com 既邀請，閃閃今次遲左交文真係萬二分唔好意思呢！