「談情說案」

「談情說案」昨天大結局了，雖然佢比人勁鬧炒日劇，但啲人都係邊鬧邊睇，收視高企，我好少追劇追到日日趕返屋企睇，冇事做都唔約人要回家(好在係九點半做，ot都趕得切！) ，一來這類偵探式的片種我個人是極愛看的，另一原因是這次劇集選角實在順眼！全套劇了那個富家女李亞男戲來戲外都不喜歡外，其餘的角色就算是角色討厭的姑姐，每人都做好自己的角色呢！

其中一幕飛 Sir入廁所安慰小麗那一幕，我睇見到好感動，完全感受到一個硬漢對著受傷女兒的柔情！

喜歡這套劇的原因，是我完全代入左小麗既角色，實在同自己太似了，身同感受般(沒辦法，學 Madam 話，重感情既人注定係比其他人易受傷！)，沒有辦法呢，又說，如果這角色不是楊怡的話，又不會那麼好看，看到 Kingsley 同犀利妹分手個段，犀利妹個種喊法，真係夠晒寫實，睇到心都痛埋......



由其係大結局犀利妹同 Kingsley 係澳洲個段對白，完全係心聲黎！失戀時所做既傻事，點樣係谷底爬返起身，真係好現實呢！


另外馬國明同林峯係茶餐廳個段講衰男人既對白又係好正，我有部份朋友都有佢地既經歷呢！

Lo Sir : 你分析力強呀，我地都英俊瀟洒過老闆，又靚仔又叻仔，點會搞成咁？衰到咁既田地，衰到貼地！
Kingsley : 衰高估自己，以為自己值得找一個更好既，以為永遠都咁順境，想個樣有個樣，結果咩都得唔到！仲唔覺意嫌棄左人，Hurt左人都唔知！
Lo Sir: 講得好呀
Kingsley : 咁分析完檢討完又點呀，科學既精神係開拓、探究同辯證，我講咁耐都只可以証明到，我地兩個都係衰男人！

其實我覺得呢一段，男人同女人都岩用！


結局大家都一早估到係 Happy Ending ，不過收尾收得好急！拉返長少少，會好啲唷！

唔知會唔會開第二集，我幾鐘意林峯同楊怡呢個組合！！