蝦

蝦呢... 係我其中一種最喜歡吃既食物，大部份朋友都知道，小時候爸爸帶著我和妹妹去開工，會放低我同妹妹係西貢既酒家，叫兩斤蝦比我同妹妹食，著我地乖乖地等佢做完野返黎接我地！


兩斤蝦，夠我同妹妹坐上好一陣子，我同妹妹都好專心一意咁將面前既蝦食晒落肚！到大左之後，我同妹妹依然都好鐘意食蝦，但妹妹就唔會去街市買黎煮黎食，但我就會唷！


今日想食蝦，去街市買左一斤蝦，返黎煮一半，白鑊燒熱落蝦，少少鹽，少少雞粉，乾煎一下，落一匙水，蓋一陣，打開落少少蒜蓉辣椒醬，少少香糟露取少少酒香，再加上檸檬汁！完成！