其實我黑眼圈唔係太嚴重，平時都唔駛點遮眼圈，不過因為夜訓，點都有少少黑眼圈，所以就揀左呢個療程。
放工遲左，去到已經有其他 Bloggers 已經參觀緊，我就食啲野先，多謝 PR既安排，啲食物好精緻呢！
講返個療程先，我地各自安排左房間，我呢間係雙人房黎，岩啲兩個朋友約埋一齊黎做 Facial
RF琥珀去黑眼圈療程
首先係潔面->垂盆草爽膚水->磨砂->垂盆草精華->亞麻子面部按摩
呢一部份用既都係天然成份既野，性質溫和，而且美容師手勢好好，係面上按摩，好舒服。
然後就係精華按眼->琥珀按眼 幫助血液循環->RF射頻收緊眼袋及去細紋
坦白講，琥珀按眼都幾痛，有啲似刮砂咁，但係隻眼度就痛啲，我問返幫我做既美容師，佢話有去水腫，幫助血液循環，而且佢地係係按係一啲穴道同淋巴位度，所以有幫助眼部提升既作用。再用埋RF 去幫助收緊，可以去眼袋同細紋，美容師做完一邊就比我睇個效果(我既右邊唷)，我覺得眼角向上提升左，冇咁腫！
之後再敷埋垂盆草面膜，係敷面膜既時候做埋肩頸按摩，好正。
我呢個療程，應該唔只係RF琥珀去黑眼圈療程，應該係有加埋ILSCI有機垂盆草防敏美白補濕護理黎一次過試，做完之後，我搽返小小胭脂就可以落街！
多謝Pearl De Beaute安排既試做，仲送左CO2 MASK 比我地添，我搵日試左再同大家報告唷。
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言