最近有冇睇過呢個廣告？
如果最近有係FACEBOOK 睇過都知佢地搞左個投票活動，我就超級大頭蝦唔記得左十一月頭寫試用，不過我用左大半個月，而家同大家分享返啦！
Neutrogena HYDRO BOOST essence 水活保濕精華 (HK$149.9 / 30ml)
面膜級既保濕精華喎，平時唔係成日可以敷到面膜，但係濕度又好低，皮膚好易被抽乾水份，咁粉底就唔貼，所以保濕精華就好重要，但係日日用，早又用，晚又用，如果好貴既水份精華就真係唔捨得用咁多，但係唔用足夠既份量又保濕唔到喎，所以作為開架品牌 Neutrogena ，百幾蚊就可以用到成個月，重點係好用麻。
今次既 Neutrogena Hydro Boost 水活保濕精華係由意大利 Tuscany盛產最優質的橄欖提煉而成的橄欖精華，深層滋潤肌膚及抑制水分流失，為底層細胞持續釋放水份達12小時，即時提升肌膚水份3倍，讓肌膚整天充滿彈性、水潤透亮。
朝早用完爽膚水再用佢，再搽夠滋潤度既LOTION，咁就已經好足夠！
半透明既精華，吸收得都算快架！保濕度當然好高啦，冬天呢啲咁乾既季節，就算搽多啲都唔會肉赤！
最近有冇睇我既文呢？上個月我去左 ettusais 既 sweet hands & lips gathering (相關文章)，當日我地除左有 極潤版唇部修護精華 (lip essence -deep moist) 可以囉返屋企試用外，仲有一個最新出既 甜蜜蜜滋潤水霜 (Sweet dear hand cream) 試用添！我囉左咩味？咪就係夢幻甜美草莓囉！
全新推出的甜蜜蜜滋潤手霜含夏威夷果油，一種與皮膚最接近的植物油分，質感輕盈又容易被皮膚吸收，還有保濕度極高的精煉蜜糖、甘油及透明質酸，為雙手提供強效保濕滋潤柔滑。兩種珍珠粒子，同時調整、均勻手部膚色，令皮膚散發光亮。
細細粒，好方便，放係手袋又或者放係公司隨時都可以滋潤隻手。滋潤度足夠，但我覺得吸收得唔係太快，但都OK，而且仲有珍珠粒子，我喜歡有點閃閃地既感覺。
呢個就岩晒可樂迷啦！可樂迷既你，送禮自用都好岩駛！
可口可樂「滋潤三重奏」聖誕護唇組合 (HK$74.9/ 3支)猶如糖果罐般的小巧鐵盒，盛載著三款不同質感和香味的可口可樂潤唇產品，包括(左起): 櫻桃可口可樂潤唇膏、呍呢嗱可口可樂潤唇油，以及呍呢嗱可口可樂滾珠潤唇彩，總有一款得您歡心。
全部都係可樂味道，日日搽住佢唔知會唔會令人更加想飲可樂呢！有成三枝咁多，會送比鐘意可樂既朋友仔！等佢地呢個冬天都有可樂味既潤唇膏圍繞住個咀仔唷！
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言