暖笠笠的打火機？

6.8度呀... 好凍喎，前日仲覺得好暖，今日已經去到6-7度，雖然我病病地反而反常地覺得唔太凍 (醫生話咁樣既我真係好唔妥！)，但正常反個時應該會好凍.....我好怕凍....

上星期已經知道今個星期好凍，本來諗住要買個電暖手蛋，因為我超怕凍呢！唔知係咪諗住要買，心想事成呢，哈哈！朋友仔送左份禮物比我！



我收到個時仲好疑惑，Zippo 係以打火機聞名，我唔食煙，更唔鐘意另一半食煙，送比我仲乜呢？打開黎睇左眼，嘩！個打火機仲成隻手掌咁大隻.......正係度盤算打火機我仲黎仲乜呢..........？？

同個朋友仔講返多謝，多謝佢送個 Lighter 比我...... 佢答返我：唔係Lighter 黎架，你睇下個 Manual 先啦！

下？唔係打火機..... 即刻囉返黎睇。原來係 Hand Warmer 黎！原來 Zippo 出左個 Hand Warmer 。


呢個 Hand Warmer 係 Zippo 其中一條 Outdoor line 既產品，每次用0.4盎司 Zippo打火機專用油，就可以發揮12小時熱力，熱力比普通暖手器暖10倍！



星期三轉冷，我已經入左油點著左佢，個暖一直都KEEP 到半夜，雖然吹住風，但手心好暖！

Zippo Hand Warmer
售價：$380
售賣點：Sogo

價錢都唔平呢，多謝朋友仔送比我呢份好岩我用既禮物唷！♥♥冬天的大愛唷！♥♥

呢個就係我既冬日三寶：保護咀仔既ettusais Lip essence (deep moist)、護住手既Zippo Hand Warmer、保護頸既Scarf!!!!!!



天氣好凍呢，大家都唔好冷親唷！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！