閃閃早前去左尖沙咀既 BEAUSTYLE 試做一個叫「冰蟲草活肌」既療程，佢位於山林道，同一間髮型屋相連的，入到去，好有小店 Feel，坐左一陣就帶左入房了。
房以深色為主，燈光好柔和，所以之後閃閃影既相都唔會太光唷.....
不過唔好睇佢係小店，之前閃閃有睇 Yoko 個專欄，話呢個療程有好多名人做架！
呢個就係今次療程既主角啦！冰蟲草活肌係用左世界各地頂級既中藥材料，包括左西藏既冬蟲草，長白山人參同埋韓國既野生靈芝而提煉出黎既草本精華，仲會以低溫處理保持新鮮，唔會有任何防腐劑既成份，所以提煉出黎既精華只可以係低溫既保存下保存三個月！
仲會以特別既手法，連埋呢個掃黎掃上草本精華係面上！
一邊做，美容師一邊講解，亦都會好細心咁問住閃閃有冇邊度唔舒服，另外因為液體既關係，有機會會流到面兩邊，如果美容師睇唔到，你出聲佢會即將處理。
呢個係閃閃做右邊面既效果，會見到右邊面會白點，之前針清既紅印都會減退，相片未必睇得清楚，但閃閃囉鏡睇就會見到自己右邊做左冰蟲草活肌之後，毛孔細左，皮膚白淨同乾淨左！
做完兩邊面後，美容師留起左部份清出黎既精華，呢個冰蟲草活肌療程係用混合左既藥水同藥末製成左既粘膜，佢可以直達皮膚既底層，將皮膚裡內有害物質同埋污垢粘住，再用手法將佢引出體外，可以排走深層既毒素，而且中藥成份仲可以修補受損既細胞同埋激活皮膚細胞既核心機能添！有抗衰老既功效唷！
唔好以為佢放耐左自己氧化變深色，睇返左手邊未用既藥末，就算放左咁耐都係冇變色的，所以清出黎既係閃閃既污垢唷！
不過順帶一提，乾乾地既時候要抺走啲粘膜，會大力左啲，不過閃閃都有同美容師講輕力啲，所以都還可以，同埋佢連眼位都會掃埋架！
做完之後，閃閃冇化妝就同男友食飯去，因為皮膚好乾淨咁，有左光澤，所以直接出街都冇問題呢！美容師仲提閃閃之後兩日都敷靚既MASK，因為做完呢個療程後皮膚會好吸引的。
好啦，講下點解傳說中啦，因為據講呢個療程係香港已經有八年的了，但冇乜宣傳過，都係人傳人介紹去做，而個秘方據講係以前清朝既時候， 一啲御醫既文獻記載，話說慈禧太后佢用既化妝品都係有劇烈既重金屬，但佢既肌膚都係可以保持年輕，係因為用左呢個配方，而因為一個北京既藥理師好奇而發現！我地現代人下下都用好多有化學成份既護膚或化妝品，其實皮膚底下有好多有害既物質，雖然呢個療程唔平，但間唔中定期做下呢啲深深層既療程都係對皮膚既一種保養呢！
BEAUSTYLE
尖沙咀山林道22-26號閣樓舖全層 3904 3328
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言