台北又好幾個夜市，有土林、師大、饒河等等，第一晚閃閃就先拉左男友去饒河街觀光夜市，因為個度有閃閃鐘意食既野食！
先黎食排骨，因為閃閃個人好鐘意飲藥材味既湯，所以呢個藥燉排骨閃閃好喜愛，每次到台灣都必吃！
左邊係排骨，右邊係羊肉，羊肉係男友點的，因為閃閃唔食羊的！
估不到的是，男友說湯好飲，原來佢都鐘意藥材味道既湯，嘻嘻！
其實個藥材味唔會太濃，岩岩好，配埋排骨，好好吃！
好味到連羊駝都要來飲一口呢！
另一名物就係呢個胡椒餅，閃閃去過三次，今次係第一次吃，因為睇見好多蔥，所以每次都冇食，不過男友吃蔥的，所以買了一個！閃閃食左一口，原來又幾好味喎，好多肉好多蔥有點點胡椒味！男友都說好吃！
烤生蠔，TWD $100 份，貪得意點左一份。
食叫食烤，等一陣就食得唷！
台幣一百蚊(仲要有五隻仔)，不要期望會有好肥美既生蠔，不過都OK 唷！有海水味道，而且烤到岩岩熟，一滑就入口！
之後閃閃都有買下啲野呀，仲買左黑糖冬瓜露清下熱，閃閃又勁愛黑糖！
跟住因為其實一直落雨，閃閃同男友都濕得緊要，閃閃仲要買拖鞋著添唷，所以買啲外帶就返屋企了！睇下買左啲咩？
烤雞脾菇，可以選唔同既味道，閃閃好似係叫左WASABI 味！呢個幾好味，因為雞脾菇有咬口，同埋佢既醬汁都好入味！
買了一袋有蝦有蟹的，可能返到屋企凍左，唔係咁好味！！
呢個食燙新鮮魷魚，連埋一啲配菜，我地點左辣味，辣辣地，幾好味！呢個我地食晒呢！
登登登登~~~~ 最後要介紹係呢間，基本上饒河街唔只一間有大雞排，不過閃閃獨愛這間，大部份人都只會去土林食豪大大雞排，但如果去饒河街的話，就可以食呢間！
老闆炸好大雞排，老闆娘會問要不要切，要的話會放進機器，齊齊整整的切好！
重點是不只得有原味和辣味！還有多款口味，這間其實是閃閃第一次住民宿時，老闆大力向閃閃推介的，閃閃最愛是紫蘇梅的味道，少少酸可去除油膩感！好好好味唷！
打文時還有四十分鐘就到聖誕了！係度祝大家有個開心既聖誕！ Merry Christmas !!!!!
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言