BE X Estee Lauder 嶄新突破亮白精華試用 - 第二回

上一篇提到閃閃得到 既邀請試用 Estee Lauder 最新 CyberWhite EX Advanced Performance Brightening Essence突破亮白高效精華 (相關文章)，經過左差唔多成個月既試用，等閃閃同大家分享返今次既試用結果啦！

★　★　★　★　★

有五粒星呀，今次閃閃既試用實在太滿意，閃閃重申一次，美白精華並唔係打激光或者漂白，唔會一用即刻白左，但用左三個星期左右，閃閃覺得個效果實在好滿意，因為閃閃真係覺得整塊面膚色白淨同明亮左，由其係每朝早起身未有任何彩妝粉底係面上面既時候，就最為明顯！

以前一直以來用既美白產品都會令皮膚比較乾，而家科技果然唔同左，今次用 Estee Lauder 既突破亮白高效精華，一啲都唔覺得皮膚有乾既感覺。用完佢之後可以唔駛特別再去搽保濕既精華！直接搽面霜就可以，好方便！

另外唔知呢個關唔關事啦，就係皮膚好似比試用前好，唔通佢除左美白之外，仲可以美肌？
最重要係，閃閃真係有覺得啲斑淡左少少，雖然仲係度，但無之前咁明顯 (日子有功了，嘻嘻！)，一直閃閃都唔覺得臉上面有雀斑係一件好可愛既事！仲好好好討厭，今次係第一次用美白產品有淡斑既感覺！

閃閃左邊面，白淨左同埋係咪唔覺得有斑呢！(完全冇化妝的唷！)


雖然係免費試用既產品，但係閃閃今次真係要大力推介佢！

再次多謝 同埋 Estee Lauder呢！
因為真係覺得佢好用，希望大家幫手投個票，等閃閃可以係頭三名，得到 Estee Lauder 贊助閃閃可以用呢個精華素一年唷！(投票 "LIKE" 請->按此)，感謝！

閃閃的「甜心空中廚房」Lovers' meal in the air @ Air New Zealand

「甜心空中廚房」Lovers' meal in the air，話明係空中廚房，梗係同飛機有關，閃閃非常感謝 Air New Zealand HK邀請了閃閃參加這次整野食既比賽！因為唔多夠時間，準備既野唔多，整左閃閃最拿手既甜品！因為甜甜蜜蜜麻！

Lovers' Meal in the air, 主題係情侶飛機餐啦！

準備制作啦，閃閃因為掛住制作，影到啲相唔清都冇留意到添！



閃閃今次揀選左藍莓芝士蛋糕黎參加今次既比賽，點解會揀呢樣甜品呢，除左閃閃勁愛吃芝士蛋糕外，亦因為考慮到 New Zealand 乳製品同生果呢兩樣野，亦希望大家係食過 Air New Zealand 總廚整既主菜後，食一個凍既甜點！所以就揀左藍莓芝士蛋糕了！

甜心藍莓芝士蛋糕
Lovers' Blueberry Cheese Cake
忌廉芝士　　280g
牛油　　　　　60g
糖　　　 　　　63g
檸檬汁　　 　1茶匙
檸檬青 　　　少許
藍莓　　　　　隨意
藍莓果醬　　1茶匙

其實呢個份量係 For 六吋蛋糕模的，因為閃閃要焗好然後cut 個 cake 出黎，其他既當然可以同家人/朋友/同事分享啦！

1. 首先將忌廉芝士同糖打至冇糖粒，然後分５－６次打入蛋，每次打２分鐘
2. 加入檸檬青同檸檬汁，加入溶左既牛油，用手攪至混合，倒入蛋糕模內
3. 焗爐預熱１８０度，用１８０度焗３５－４０分鐘
4. 出爐後等攤凍後放入雪櫃，吃前放上藍莓醬等
   

係咪好可愛呢，好想食佢落肚呢！嘻嘻！為左切合主題，閃閃加左個心心相印既裝飾！



閃閃希望大家見到閃閃呢篇博文，會喜歡閃閃的甜心藍莓芝士蛋糕，可以加入 Air New Zealand HK 係 Facebook 既 Fans Page (按 此Become a Fans) 除左可以接收佢地既最新資訊，最重要係麻煩大家投閃閃既甜心藍莓芝士蛋糕一票！等參加左今次比賽既閃閃有機會拎到來回New Zealand的機票，體驗 Air New Zealand 既空中之旅，再同大家分享唷！！

投票程序：
登入 Facebook -> 加入 Air New Zealand (Become a Fans) -> 甜心藍莓芝士蛋糕 (Littleblue Tammy) ->Like/讚好



溫馨提示，在投票之前，請先成為Fans唷！