Benefit ♥ Bella Bamba 三重立體西瓜粉紅胭脂 ♥ 「Be 3D 」

早在十二月的時候，已經從蘋果的化妝箱看到了 Benefit 將推出的最新胭脂，和過往的胭脂不一樣，盒子的設計有點不同，這個設計更為突出，盒子上的立體閃片效果，是預告盒內立體胭脂的效果嗎？

先來說這盒胭脂，這個盒子比之前的設計細小了，但胭脂淨重不變，都是 0.28 oz，但盒子的毛重就輕了，現在是8.0g 呢，比舊的輕了3.0g 呢，雖然唔係多，但女生帶咁多野出街，每樣輕少少，個袋都可以輕返啲呀！(我就是想說...我個袋好重...成日都好似囉石頭出街)，已經另一改變是，盒子打開的設計！初初收到的時候，我係咁想成個盒蓋向上成個拉出.......原來已經改左係咁打開 (下圖)



其實個人覺得，咁樣打開，更加方便呢！



而且附有鏡添，出街補妝更加方便！



帶孤形的掃，可以打平又或者打直用，我喜歡打平由 Apple Zone 打斜掃上，不知掃的毛質是什麼，有點似山羊毛，抓胭脂的能力很好，只要輕輕在盒內一掃，就抓到適量的胭脂了！




說明是 ♥ Bella Bamba 三重立體西瓜粉紅胭脂 ♥ (HK$280)，當然就是以西瓜的粉紅色為底色，「Bella」代表美麗，「Bamba」代表一種舞蹈，所以 Bella Bamba 就代表美麗的舞蹈，我覺得，這個設計的諗法就是在跳完一場美麗的舞蹈時，臉上因跳舞後出現的自然紅潤的顏色，而且這個 ♥ Bella Bamba 三重立體西瓜粉紅胭脂 ♥是帶點金色閃粉，影相看不到，但自己照鏡時就看得到了，這就是立體胭脂的另一賣點，幼細的金色閃粉，在不同的光線和角度下，帶出臉部立體的效果！

♥ 來看看搽上手的效果 ♥

〈什麼也沒有搽的手〉


〈輕輕掃上♥ Bella Bamba 三重立體西瓜粉紅胭脂 ♥ 的手〉


♥ 再來看看搽臉上的效果 ♥

〈素顏樣，只搽了 Makeup base + Foundation〉



〈在 Apple Zone 打斜掃上 ♥ Bella Bamba 三重立體西瓜粉紅胭脂 ♥ 〉


〈側面 Close up ，有看到帶金光閃光光的效果嗎？ 〉



〈來一張正面的照，有確實看到有胭脂和沒有胭脂的效果嗎？ 〉



〈再來一張正面的照，←這邊用上打圈的方式，帶點可愛感；→另一邊就是用剛剛打斜的方式上胭脂，不同的感覺，但一樣帶來西瓜般的好面色！ 〉


很喜歡這個西瓜粉紅色胭脂，只要掃上胭脂，就令整個臉立體起來，而且有淡淡的西瓜香味，你的情人和你臉貼臉時，也會喜歡這種香味呢！



♥「Be 3D 」♥

在收到產品時，同時收到這副立體眼鏡，要來上 Facebook App 用的。http://apps.facebook.com/bellabamba/?ref=ts




給鬆弛熊戴上，有夠酷吧！



如果你沒有這類藍紅色的3D 眼鏡，也可以試試用戲院看3D 戲時的眼鏡，但不知是不是設計的問題，用藍紅色的效果會好點。

但如果你經過 Benefit 的 Counter ，也可以免費取得，但先到先得唷！


看看我也戴了這個眼鏡來玩 Be 3D App 呢！




戴上眼鏡進入 Be 3D App ，跟著 3D Gabbi ，進入一段奇妙的3D 之旅。
玩完仲有禮物架唷，係啲乜野？就要跟住 3D Gabbi 啦！




多謝 HKCOSME.COM 同 Benefit ，這個成為我化妝袋中的大愛 ♥ 妝品呢！你也來 Be 3D make up ♥

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

♥ 超得意自動變泡的 H2O+ aquafirm+膠原活肌泡沫面膜 ♥

在看海派甜心中，其實我一直都沒有開這套台劇，最近好像沒什麼時間似的，以前總會常常追台劇和日劇，現在少了。

但剛剛在看了一段，聽著楊丞琳的雨愛，配合著情節，又很令人很觸動，先送上這首歌給大家。





哈哈，好像被傷感的歌曲，拉到很遠去，好了好了！回來回來。介紹一個好玩的泡泡面膜給大家，是了，女生在什麼時候，都要好好護理肌膚。

♥ H2O+ aquafirm+膠原活肌泡沫面膜 Weekly Active Foam Mask ♥


看英文名稱就知道是每星期用一次，初初收到的時候，和同事說起我會試一個自動起泡的面膜時，大家都覺得不可思議，就是不太相信的樣子，其實我也想說， 我也不太相信會起到很多泡，好了，收到那天回家即試，又真的很不可思議呢！

先說說是什麼來的，這個是以海洋營養細胞緊緻精華 (Sea Nutrient Microlift) ，係肌膚表面形成高效膠原緊膚網，能夠牽引細胞緊密連結，可以即時緊緻肌膚，回復彈性，提升面部輪廓，更加能夠激活膠原既增生；而海洋膠原微球體 ( Marine Microspheres) ，透過膠原微注導入技術，膠原可以極速滲透至肌膚底層，為細胞鎖緊水份，而且仲可以令到肌膚得到大量膠原補充。

只要洗完面，磨砂或去角質後，塗係面上，面膜會自動形成泡沫，只需五分鐘，就可以用暖水沖洗。




質地：啫喱狀，淡藍色



只要搽係面上，唔駛半分鐘，已經形成泡泡了！




大約三分鐘，已經形成一層厚厚的泡沫





近鏡影一影，泡泡好緊密，feel 到佢係面上跳下跳下咁。

到五分鐘用溫水清洗，皮膚變得好滑，有少許 firming 既效果 (當然唔會做一次就有呢個效果)
我試用左四次左右，如果想效果好啲，記得要做左去角質既工作先(相關文章)，好似我咁，尋日去左做 CPS 果酸去角質既療程(相關文章)，皮膚會變得好乾，好乾，所以尋晚我就用左呢個膠原活肌泡沫面膜 ，為肌膚注入膠原從而保濕，利用泡沫黎緊膚補水，今朝起身都唔覺得皮膚好乾呢♥！

一個星期一次既泡泡緊膚，好方便。呢個閃閃會回購的，下次再推介另一個閃閃推介既 H2O+ 產品比大家唷！(因為仲有好多文未寫///)

多謝 Beauty Talk 同 H2o+ 今次既試用呢，呢個泡泡面膜係大愛 ♥

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

挑戰橙色系彩妝 ♥ Sofina AUBE couture

♥ 情人節快樂唷♥

雖然過左情人節啦，但黎緊都仲有我地中國人既情人節，又可以過一個 ♥ ♥ sweet sweet ♥ ♥ 既晚上，雖然閃閃未有情人，但係都過左個相當不錯的情人節，希望下年既情人節會有情人陪我過啦！^^

不過呢，閃閃由年廿幾開始就病，病情好反覆無常，尋日仲又暈又想嘔，最後頂唔住，情人節都要去睇醫生添，又要食藥了，可能天氣太冷既關係，希望會快啲好返啦！(所以新年聽得最多係：身體健康)



個部落格停左好耐冇更新，真係好對唔住大家呢，希望精神返啲，更新多點唷。首先係黎挑戰一下橙色彩妝，認識我既朋友，都知道我係粉紅色系列既朋友來，平時 唔會買橙色系既化妝品，今次係 Facebook Sofina 既活動上，抽中左可以試用 AUBE couture ，因為隨機關係，閃閃抽中左既係橙色既系列。呢個對閃閃係大挑戰黎呢！好啦！同大家分享一下呢個橙色系彩妝啦！((真係唔好意思，遲左出妝文！))




♥ Designing Shine Eyes ♥ #538 橙棕色系



我好鐘意 Sofina 係設計上既用心，我地平時要打開一啲眼影盒，一定要雙手黎打開，但 Aube Couture 既設計，係可以單手就自動打開盒蓋，呢個係第一個讚 ♥



♥ 另一要讚既係，佢包括既工具，已經分好左係用咩顏色或者部位既時候用，而且工具都係細心咁設計過，好似 D ，有少少微向上的！可以岩岩好將眼影搽係適當既位置！




♥ 第三個讚位就係眼影設計成一個眼形，要將眼影搽係咩位置，一目了然！




先黎一張素顏照，真係 so sorry 呢，我病到七彩，實在太病樣！(只搽了BB CREAM 做底)



左上：未搽眼影
右上：先搽了 A 在眼蓋上
左下：再搽粉橙色的 B 在眼窩下
右下：再將 C 搽係眼尾和眼線位

最後將 D 珍珠光影，搽係眼皮中央，增加立體既效果！(我唔係影得太清楚，找來官網圖，大家可以清楚點唷！)





♥ Designing Puffy Cheek ♥ #414 橙紅色



新買返黎，要跟指示，先拎開胭脂導向環，然後按下！






胭脂導向環既用處係令自己更加清楚胭脂既位置。如上圖！



♥ 只要輕輕咁印上，就可以皮膚有做完運動般既效果，但記得要印上，因為佢有少少閃粉，如果搽，係會令海綿帶走閃粉，輕輕印上就可以了！




♥ Designing Premium Rouge ♥ #RD582

我平時唔塗唇膏的，不過呢個液態既唇膏又幾好用，唔會好似某啲唇膏好乾咁，而且佢既設計亦好方便塗！


可以貼住咀唇，好容易用，不過呢個偏紅色太深了。但影相出來效果又不錯，我應該會購買一枝粉紅色點的。嘻嘻。





最後附上一張冇搽唇膏，另一張有搽的，兩者感覺原來都差好遠呢，雖然都有搽胭脂，但加埋唇膏又真係精神好多呢，第一次挑戰橙色系既彩妝！原來都唔錯呢！嘻嘻！




真係非常多謝 Sofina 既安排，本來我收到既時候，都好擔心自己唔岩用呢啲色系，但化左出黎效果又好好喎，而且胭脂印下印下就用到，好方便！眼影又有晒工具，我最欣賞係佢地會用家方面去諗點樣設計！抵讚呢！

我去訓了，要食藥訓了。

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

DRY 爆時的保濕孖寶 ♥ Olecule

❤♫❤♫❤.•*¨`*•..¸☼ ¸.•*¨`*•.♫❤♫❤♫❤.
╔═════════ ೋღ❤ღೋ ═════════╗
ೋ ❤❤❤~~恭喜發財!~~❤❤❤ ೋ
╚═════════ ೋღ❤ღೋ ═════════╝
❤♫❤♫❤.•*¨`*•..¸☼ ¸.•*¨`*•.♫❤♫❤♫❤

雖然已經年初四，但新正頭麻，嘻嘻。今日係紅假最後一天，聽日要返工囉！


呢排呢，又病又唔舒服，咳到個肺好似唔係自己咁，皮膚都超乾，唔笑都好啲，一笑真係唔多掂！但因為太病，有時只係爽膚水加 CREAM 就閃去訓，本來諗住呢四日假期要好好咁養返好皮膚......但都做唔到！

因為最近訂櫃既房櫃終於到左，所以啲野極亂，但乾到爆既情況下，點都要搵返已經試用左一段時間既 Olecule 孖寶出黎先得！

多謝 PR 邀請試用，其實初初收到開黎用個時已經覺得好好用，好保濕，不過當然要試用一段時間先可以同大家分享啦！

細細枝，每枝15ML，全部都有膠封口，保證未開封！


用左大約20多天，得返四份一。

❤♫❤♫❤.•*¨`*•..¸☼ ¸.•*¨`*•.♫❤♫❤♫❤

保濕：B5 Moist+ (HK$575/15ml) (HK$780/30ml)

主要成份：
Hyaluronic Acid 透明質酸 ----------70%
Vitamin B3,B5 維他命B3,B5---------- 1.0%
PH – 5 - 5.5

Hydration保濕
透明質酸 - 人體皮膚的天然潤膚露，能吸收1000倍的水份子．此產品含黏度高的純天然透明質酸，可續漸進入表皮層，並鎖住水分達至持續保濕。

Metabolize Carbohydrates, Proteins and Lipids 加促碳水化合物，蛋白質，及脂質的新陳代謝維他命B3, B5 在每個細胞內有加速酵的作用．在這化學過程中，酵素能促進細胞對碳水化合物，蛋白質，及脂質的新陳代謝，有助組織修復及舒緩受損肌膚。

透明質酸保濕可算係近年保濕產品大熱之一，打針入皮膚都有用上，但閃閃就唔敢打針，呢啲外用又保濕既產品就岩晒，佢質地有點杰身，滴出黎有將力，但係搽係面時又好易推開，即時都感覺到皮膚好似飲左水咁，上圖兩滴份量，已經足夠我搽全面。

❤♫❤♫❤.•*¨`*•..¸☼ ¸.•*¨`*•.♫❤♫❤♫❤

鎖水：Barrier Repair (鎖水修護精華) (HK$565/15ml) (HK$840/30ml)

主要成份：
Ceramide 磷脂質
Fatty Acids 脂肪酸
Cholesterol 皮質醇
Squalane 角鯊烯

Reinforce natural Healthy Barrier for water bounce; Reduce symtoms of dry and flakey skin 鎖水，並改善出現片狀皮屑的乾旱現象磷脂質，脂肪酸，及皮質醇組成三角式收復原素，是天然保濕因子，亦為角質層中重要的油性活膚成份，能建立和維持肌膚脂質之屏障，適合作為熟齡肌膚滋潤使用。加入脂質膜令其健康及正常地新陳代謝，與肌膚內的自然水份互相平衡，協助建構皮脂膜，高效執行自然鎖水，絕不會增加”經表皮流失水份數據 (TEWL – Trans-epidermal water loss)”，有效改善缺水甚至出現片狀皮屑等乾燥肌膚問題，肌膚內水份不會乾燥天氣下流失回復幼滑。

Anti-oxidant 收復已老化脂膜角鯊烯萃取自深海鯊魚肝臟中或橄欖油中，具有較佳的抗氧化能力，並擁有凝結點低、熔點高的特性。

呢個鎖水修護精華，質地好油下，而且吸收得好快，睇返成份原來有角鯊烯 Squalane，之前一路都想買 Squalane 的，因為上網睇過話要保濕外都要有油份去鎖水同滋潤肌膚。用左佢之後皮滑有種絲滑咁，但又唔油膩喎！

❤♫❤♫❤.•*¨`*•..¸☼ ¸.•*¨`*•.♫❤♫❤♫❤

用後感：
如果天氣唔係超乾個時，用爽膚水之後用呢套孖寶已經好夠，朝早就再加埋防曬就OK！但超乾個時我會再搽CREAM 去加強滋潤。Hyaluronic Acid + Squalane 呢個組合實在係好強既保濕組合，重點係佢冇我好怕既油膩感，我妹妹同媽媽都好鐘意用，不過又係唔平！但回購度極高，不過會因天氣而入手啦！下年 DRY爆既時候應該會入手呢！嘻嘻。 (其實媽媽比我更乾，所以... 可能會 KEEP 住買比媽媽用呢！-又... 因為媽媽好易敏感但都岩佢用麻...)


黎緊要同大家分享另一個試用，係好得意既自己起泡MASK 呢！


藍字為官方資料

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

♥ 飾物小敗文 ♥ 平靚正的韓國飾物

嘻嘻，有加入我 Facebook Page 的話，應該有見過上面呢張相呢，係呢，今次係介紹閃閃的飾物小敗，好啦！同大家分享一下啦！




呢張係用相機影，都幾閃下，同事見到都話靚，不過以下既價錢係用記憶，未必準確，呢隻閃閃星星大約 $59





這個蝴蝶結有點似骨頭，$39






呢隻呢就貴啲，$79，閃閃地幾C文！





呢隻係再上一次買，好鐘意，印象中 $59





呢隻蝴蝶好大隻架！唔係成日會戴，價錢唔記得左！>.<





呢個戴住左，上有星星下又有星星，我特別鐘意星星的飾物，這個好似係 $69





呢個其實本來我有一對，但唔見左，個對係金色的，但因為好鐘意，見佢有銀色，又買埋，好似$69！



呢個幾特別，仲要係好平下！$49





其實頭飾買左兩個，但另一個唔知去左邊！呢個好似係$39定...$49 呢！



飾物都係係葵芳買的，係葵涌廣場內，買滿$300即時有85折！之後都會有折，所以我話平靚正就因為每次店主都係韓國入啲靚靚款，有時得一兩隻！好似星星介指咁，我買完...我妹想買都冇....(仲有添呀，葵涌廣場好多飾物店我見呢間有得買既野第二間貴好多添呀.....所以我只會係平時去開呢間買呢！)

好了，咳死我啦！我去訓了！

訓前都要同大家拉一拉票﹐麻煩大家比個COMMENT 我呀~謝謝唷！
http://apps.facebook.com/be_estee_timezone/?pid=33

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！