閃閃的星球: 04/01/2011

星期二, 4月 26, 2011

簡單方便的 ♥ Charming Enzyme亮麗天然植物複合酵素液

其實好耐好耐之前，係 Winifred 既 Blog (雜誌專欄都好似有介紹過) (相關文章) 已經有睇過有關 Charming Enzyme 既資料，但一直都懶去買.... 因為初出既時候，成支藥酒咁重呀！點囉返屋企？？？(對！我家住得遠，附近冇卓悅)！

最近上 Facebook 係 Bonjour Cosmetics 度先知，原來佢出左輕便裝，所以就報名參加，順便試下咩味都好！好好彩，抽得中！(多謝 Bonjour Cosmetics )！

Enzyme ，你同我讀書都讀過，但大概大家都忘記左係乜野黎，其實簡單啲講，就係我地生物裡面化學反應的必需品，雖然人體可以製造酵素，食物都可以攝取部份酵素，但係係煮野食加熱既過程中，酵素會被破壞，其中食物吸收方面會大打折扣，所以就有左酵素補充劑既出現啦！

廣告方面都係以瘦身為焦點，但其實我覺得係而家咁多污染，要黎作為保健，都非常之好！♥♥
睇下成份，好多不同既野組成，精華所在呀！

一盒入面有兩格，各有15包，每朝都飲既野，可以飲到一個月！我將係放左係公司，另外帶左幾包返屋企WEEKEND 飲！

一包有15ML，每日係公司食完早餐就會囉一包出黎飲！呢個可以直接飲用又得，加5倍冷水或者溫水(唔好熱水呀~ 會殺成晒啲 Enzyme 架！) 黎飲！

你估下我直接飲定係溝水飲呢？

哈哈，就係直接飲啦，因為方便，快脆！飲完掉左佢就OK~~~~~~味道少少酸，我自己都好鐘意呢個味道！(初初仲以為好難飲！) ♥♥♥♥

試飲後感：便便好左！(好似BB 奶粉廣告)，有時未必好定時日日都有得去，但飲左呢個就日日都有得去！身體係咪好左呢，又未咁快試到，因為呢啲健康內服飲品都係長遠計，唔係話飲幾包就咁快見效，但短期效果都有見到，另外前幾日失眠訓得唔好，第二日肝火上升，但一飲左佢就即刻冇咁熱氣喎！
皮膚我自己就覺得係生理期出粒粒既情況少左啲添唷！

呢個真係推介推介！

亮麗天然植物複合酵素液-輕便裝
Health & Young Enzyme-Travel Pack
15ml x 30Pack 特價HK$268

其實佢仲有一枝裝 750ML 特價HK$396，我覺得買一枝係屋企飲，而輕便裝放係公司就夠晒方便！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

星期日, 4月 24, 2011

一間不錯的上樓 Cafe ♥ P Cafe

某天，同朋友去左旺角食飯，朋友提議去 Cafe 坐下飲飲食食傾下計，就帶左我去一間叫 P Cafe 既樓上 Cafe~

一坐底，就見到個好精緻既 BELL ♬ ♫♩ 　

其實係用黎係有需要落ORDER 或者其他需要既時候就搖下佢！

睇左好耐，最後揀左呢個2人餐，都幾多野要揀。

朋友要左沙律，我就要左個雜菜湯，個湯幾好味，近年我好怕羅宋湯式既雜菜湯。

跟埋牛油蒜蓉包，焗得好脆身好香口！

PIZZA 可以揀酥皮呢，我最鐘意酥皮 (雖然好肥！) 揀左一半係日式芥末醬 (試下麻)，另一半邊係千島醬 (食 Pizza 最鐘意係千島醬，因為成個 Pizza 其實好"漏"，配蕃茄醬會仲"漏")，配料就揀左：吞拿魚、金菇、粟米粒。

一上碟要快食，因為金菇會出水，但係原來做 Pizza 都幾好味，最讚既係有大量！係大量既芝士！嘩嘩嘩！鐘意芝士我真係超愛！

P Cafe 特製日式咖哩飯 (配炸雞扒)，叫呢個係因為揀野食既時候聽到隔離枱講話個炸雞扒好食過街既大雞塊！好，我鐘意食雞扒，就叫個黎試下啦！
不過下次去要熱食，我食個時凍左少少，但係個雞係好鬆脆，入面又好滑。好好食！

最後點品要左梳乎厘，呢個做得OK，入口一陣風，甜品中我對梳乎厘有偏愛。

室內環境唔太大，但冇局促感！下次黎要 Book 位先！

下次同朋友係MK 再去食過先！｡◕‿◕｡♥

P Cafe
旺角豉油街24-26號福泰大廈11樓

Mon - Sun:

3:00 pm

1:00 am

3568-8410
Facebook Page
http://www.openrice.com/restaurant/sr2.htm?shopid=50474

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

星期六, 4月 23, 2011

[影音文] Airbrush DIVA HD makeup 高清噴槍化妝示範

終於都出到呢個影音文啦！(^O^)//
拍手鼓勵一下閃閃唷，又或者按上面的 Like也好唷！我真係用左多時間去試呢個噴槍，仲要度位拍片，今次真係最最最認真的一次，片都係12分幾鐘，但係只係剪剪接接都用左好多時間唷，搞左幾個鐘終於可以見人啦！

第一次試用噴槍，初初以為會好難，自己同自己化得唔得架？十萬個為什麼都走晒出黎，但係自己試過幾次之後，又真係一啲都唔難，其實只要練習多幾次，就可以好快咁化到個底妝加胭脂~(段片係長左啲，因為要講解麻)

首先係 Youtube 搵黎工具既片，睇片啦！

好啦！跟住就係閃閃素顏到化妝既示範啦！

上網搵左呢段介：
細緻精密的化妝技術- 微粒極小之高清彩妝專用液態粉底, 以專用噴槍及迷你空氣壓縮機代替粉撲噴上粉底•以一層一層的噴霧加疊增強遮瑕度，營造出無痕薄透的妝容；傳統的厚粉濃妝不能相比。為什麼要用高清彩妝產品? 於現今的高清數碼年代，所有的皮膚瑕疵於高清攝影鏡頭下纖毫畢現；而只靠傳統化妝遮掩瑕疵不但費時, 以遮瑕膏造出的厚妝更會顯得無比生硬。高清噴槍化妝只需60秒就可填補臉上的細紋，小坑洞、色斑，暗瘡及紅印，讓肌膚看起來自然、滋潤、有彈性兼平滑光順。專用粉底化成千萬的細微噴霧顆粒，可以營造出高清攝影鏡頭也不能分辨的薄透底妝；獨特配方防水抗汗，長效持久不易脫妝，即使多層上妝、補妝也不會有厚重或不透氣情況，於高解像鏡頭下展現出薄、透、輕之彩妝。

而 Airbrush Diva 係本地原創品牌，佢既迷你空氣壓縮機(心型個個呢)真係好輕好細，而家只要練多幾次，化個妝出街真係超快，我諗五分鐘左右就底妝加胭脂已經搞掂，個妝都KEEP 得好耐，而且防水防汗，不過上眼影我真係要練多好多次先敢出影音文呢！

分享住咁多先啦，多謝 PR 既安排同埋 DIVA 安排左一堂教學，等我可以掌握到個用法！
有興趣可以去：http://www.airbrushdiva.com/ct/index.php

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

6ixty 8ight ♥ 可愛女生

之前睇見其他 Blogger 介紹過呢個 6ixty 8ight 既內衣品牌，心動心動，上星期趁係尖沙咀有時間就去左睇下！(係LCX內)

原來佢唔只係賣內衣，由內到外都有，不過我去係為左睇靚靚既 Bra 同 Under ，不過都有試到便服！買多一件 T-shirt 添唷~敗敗敗敗~~~~~~~

最近睇左一本書，話男人係視覺型的，女人係男人面前形象可以係百變的，你可以一時係性感的，一時係好 CUTE，一時可以走純情路線，男人都係鐘意新鮮感，有朋友仔會話：「我老公唔興呢啲野架」well... 首先你要試過先知，佢係咪真係唔鐘意先..... 又有朋友話好浪費呀，買咁靚著一兩次又換，但書裡面都有講話，其實女仔應該每個月都固定一啲錢係作出呢一項既投資！而且我覺得男人都係善忘的，你可以一月著呢一套，過多三個月又著過，咁咪唔會話駛好多好多錢囉！(除非你個男人係好好好好記性啦！)

呢個款有啲 Cute ，格仔加 Lace ，仲有少少 design 野添！

價位都相宜呢！不過真係每個都要試上身，因為每個個 cut 都可能唔太同，要試上身先可以知岩唔岩自己！

我之前睇過一篇講日本女生既報導，話佢地如果個日臨時有約，佢地真係會放工即刻去買件靚內衣先去見人，雖然件內衣未必會曝光，但係有時，我地女仔著一個靚既內衣，心情都會有所轉變，香港女生加油唷，雖然我地未必個個都樣貌標緻，呢要做細節美女唷，內衣呢啲野，係其中一項好重要既細節黎唷！

講返 6ixty 8ight，其實佢既野，質素唔錯，但唔知個日係咪我太早去，啲 sales 姐姐未 Warm up ，有啲黑面呢，好在後來另一個態度好好！

大家記得做埋 Member ，雖然冇折，但係可以儲分黎換野 (我唔記得換乜了！) ，新 member 仲會有迎新 un un 添唷~~~~

P.S. 好多朋友問閃閃係咪得LCX 有，唔係架！SHATIN 都有分店架！
如果你今日同聽日都唔得閒，唔緊要，佢OPEN SALE 係6-8號，但係我諗到時仲多人過MEMBER DAY 喎！
而且個優惠唔同架！MEMBER 就係滿198蚊送BIKINI，但OPEN SALE 就係198蚊加68蚊換購BIKINI！
而且ON SALE 其間冇得做MEMBER，所以你想要個MEMEBR 優惠就EMAIL 我啦！過左MEMEBR DAY 記得買返一兩件ITEM 做MEMEBR 啦！^^

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

保濕都要美白唷 ♥ Dr. Jart + MOST WHITE Skin Mist

首先多謝 Sasa 抽中閃閃試用呢枝 Dr. Jart+ 既 MOST WHITE Skin Mist (White Intensive Hydrating Toner) ！

其實係參加試用既時候，仲有另外兩款可以揀既，分別係：水漾透白絲質乳液 Most White Make Light Emulsion 同埋水漾透白亮肌精華 Most White Real Light Essence ！不過我揀左 Skin Mist 係因為唔只係當保濕噴霧用唷！

收到既時候，原來都好大枝下喎，平時啲保濕噴霧多數都係細細枝，呢枝有成 150 ml ，有排用！

每枝都有封條，保證冇人開過黎用唷~~

水漾透白柔膚噴霧 Most White Skin Mist
適合任何皮膚使用

採用微脂囊技術，將有效美白成份輸送至深層肌膚。噴霧式爽膚水使用方便，質地清爽，容易吸收，為潔面後的肌膚補充水份，平衡肌膚酸鹼值，並可控油、抗炎及鎮靜，用後肌膚健康淨白。化妝後亦可隨時使用。

使用方法：潔膚後，把噴霧距離面部約20至30cm閉目噴灑，然後以棉花輕抹面部即可。化妝後亦可噴於面上作美白保濕定妝之用。

每次洗完面之後，我都會先用呢個 Skin Mist 黎做一個美白保濕，再用薄薄既紙巾印一印，先之會再用護膚品，化完妝之後都會噴一噴做定妝！

另外呢，佢係LOTION 黎，所以有時間我都會朝早做一個簡單快趣既MASK ，將佢噴係化妝棉上，再分成五份敷上面五分鐘！咁就又保濕又可以美白，佢咁MILK 既LOTION 仲可以令個妝更貼添唷！

噴出黎，其實你會見到佢個噴頭都噴出黎既LOTION 都好似一陣粉咁，好細點好細點，所以好快吸收左！用左佢有少少滑，可能因為佢係LOTION 關係。

比多個TIPS 大家，我會放佢係雪櫃，一來夏天黎啦！用佢黎噴一噴真係好爽！！！又可以有少少收毛孔既功效喎~♥

再次多謝 Sasa 呢，你係咪都想試用呢，其實每個星期 Sasa 都會係 Facebook 搞試用，大家可以
LIKE 佢地既PAGE :http://www.facebook.com/?sk=lf#!/sasahongkong
留意住佢地既新動向，就可以參加佢地既試用呢！

☼ 今朝成朝都係度試拍影音，但拍到一半，妹妹個BB 係廳喊，佢把聲入晒MIC... 唯有晏啲再拍，係高清 Airbrush 既化妝示範呢，大家要等我唷！☼

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

星期一, 4月 18, 2011

"蘋果的化妝箱"呈獻 - 迪士尼星級 Fans Party ♥ 閃閃成為星級貴賓

好開心唷！能夠參加「蘋果的化妝箱」既迪士尼星級 Fans Party，閃閃唔係第一次去迪士尼，但星級體驗就係第一次呢，多謝 Meling & 迪士尼呢！

相呢，影左四百張，對我黎講真係好誇張，只係睇相執相出黎都用左唔少時間，但睇返啲相都好開心呢！

奇妙之旅開始囉，首先每人派有一份「星級禮遇套裝」，呢個套裝係你同我都有機會得到，因為每日都係係「星級禮遇套裝」派發點派發，入面包括有：星級徽章、星級演藝人員表揚卡及「Hi-5手冊」的「星級禮遇套裝」。當掛上星級徽章，即可成為樂園的「星級貴賓」，體驗驚喜倍增的「迪士尼星級款待」奇妙時刻！

「星級禮遇徽章」每天於開園後限量派發，派完即止。

大家都帶好左星級徽章，準備開展星級款待既奇妙時刻啦！

一入到去，大家都去左睇賣帽既檔口，無他既，因為真。係。好。晒。呀！
所以去迪士尼要做足準備！
但仲有好多可愛既頭飾，大家忌唔住囉黎把玩！

行到無耐，就有第一個驚喜啦，係管樂團列陣演出，個個隊員笑容滿臉，演奏一首首悅耳動人既音樂。

我地仲同樂隊影合照添！

之後另一個驚喜，就要認住呢個牌啦，換上 5 周年華麗裝束的迪士尼朋友和演藝人員，會以 Hi-5手勢歡迎賓客。首次在香港迪士尼樂園現身的奇妙仙子會與賓客見面和拍照。星級貴賓亦可根據「Hi-5手冊」內的提示到達5個指定地點，參與「Hi-5奇妙時刻」，奇妙時刻隨時遇上。

今次係邊位演藝人員呢？登登登登登登登

黎緊啦~~~~~~~

好開心唷，影相既時刻唷！

我地仲影左大合照添唷！(見到我戴晒帽咁，好有準備架！)

另一個「星級貴賓」既優待，就係會有演藝人員囉住呢啲框框同特別既牌比我地影相！

其間遇上演藝人員同埋一啲特別既野，我地都一齊影合照。

好啦，另一個要同大家介紹既「星級通行證」，係啲乜東東黎呢？
其中一項就係可以參加星級啟航，首先要去指定既VIP 區憑票入場！

仲每人派一個手掌！

然後就準備飛天巡遊星級啟航啦

呢個活動係係飛天巡遊前開始，目的係想賓客感受一下巡遊時兩旁既遊客一齊SAY HI 既氣氛~
我覺得有點似運動員進場咁！好 HIGH 呢。

之後我地仲可以係VIP 區，等待飛天巡遊既開始添！等等等等等~~~~~

黎啦黎啦~~~~

呢個花車好靚！！

係巡遊其間，仲有一個小時段比我地走出VIP 區，係巡遊隊伍中影相添唷！

之後我地去左玩森林河流之旅，因為今日係星級 Fans Party 既關係，我地包船添唷！

船長好風趣幽默，令我地既旅程份外開心同刺激。

未上岸前，我已經被呢個牌仔吸引左，原來係驚喜之一呢！

買左星級通行證既朋友，呢個又係另一優侍了，可以優先進入場地，今次我地就係睇「獅子王慶典」！

未開始前既燈光效果好靚唷~~~

載歌載舞，好熱鬧咁演繹一個故事！

呢一幕好浪漫咁！

之前我地去左小小世界，唉...我又係第一次去，上次我黎迪士尼一定係好趕... 仲乜咁多地方冇去？

入面真係好色彩繽紛，年尾同柏宇黎既時候，一定要黎呢個！

驚喜又黎啦！係出口處，準備左用貼紙砌成既圖案呢！

時間好趕，我地要去趕去一個地方啦！帶上手帶先！

原來係城堡亮燈呢！有左呢個手帶，就可以係VIP 區舒舒服服等睇！(詳情)

亮燈啦~~~~

亮完燈，我地就返去呢樹！

已經有迪士尼既公仔，等住同參加左「閃亮城堡‧煙花晚餐」既賓客拍照，工作人員仲好細心添，睇下我下面兩張相，一張太暗，佢開返閃光燈黎再影！(「閃亮城堡‧煙花晚餐」每位HK$300，預訂人數2位起)

影完相，又係時候出去睇煙花了！不過我影相技術唔好，呢張已經比較好了！=.=

之後就返去食飯，啲送份量好多呢~~~~~~~~~

後記，今次真係玩得好開心，有PR 沿途講解，真係令我對迪士尼認識不少，相影左超多，呢篇我諗係我開BLOG 以來，最多相的一篇文章，以下仲有其他相。
多謝 MELING & DISNEYLAND HONG KONG ！想體驗星級之旅，可以參考這個網址：
http://park.hongkongdisneyland.com/hkdl/zh_HK/ticketsAndReservations/overview?name=StarGuest2011LandingPage