首先多謝 HKCOSME.COM x GARNIER 既安排，閃閃可以參加今次既水潤大挑戰，唔做過測試，真係唔相信結果原來係咁呢！
PR 們介紹品牌，我自己都冇留意原來 GARNIER 係黎自法國的，除左呢個綠色既水潤系列，其實都仲有好多系列的，大家去萬寧，屈臣氏呀，都可以見到佢地個開架產品喎！我自己都有用佢啲面膜呢！
不過講到保濕產品，well....我認！我都係睇價錢去估佢既功效，雖然有時都有便宜又好用既野，不過有好多保濕產品既時候，又真係冇諗到去買 GARNIER，睇黎 GARNIER既 Marketing 都知道大家有呢個心態，所以先搞左呢個活動呢！
講咁多都冇用，行動最實際，好啦！大家都去試下呢個 ♥ 水潤大挑戰 ♥
見到嗎，有1,2,3,4 共八個格仔，每次可以有兩個BLOGGERS 同時進行，而佢地有工作人員係後面幫我地搽上保濕產品，咁我地就再就個四種產品比評分啦！
工作人員仲幫我地咁多個BLOGGERS 做TEST 時影相，好細心咁影兩三張比我地返去寫BLOG 用添！
之後就香味、保濕、吸收同埋清爽等等，去比評分！見唔見我比NO.2 有5分喎，因為 No. 2 香味最討好！
大家都好認真咁做評分呢，冇左品牌既先入為主，以感受去比評分！
咁多位 Bloggers 都做完測試後，工作人員就去計分，我地就去聽蘋果的化妝箱既 Meling 講解佢試用 GARNIER 既心得，仲有營養師講解飲食既控制添。
之後我地就食啲小食，等個結果。為為食既都食左幾款唔同既小食。
仲試埋佢既水潤凝萃精華，保濕ing......
同埋水潤凝萃保濕水凝霜
好啦！到結果公佈啦！首先公佈價格先！eee...no.2 咪我比香味最高分個個！
其實記得 GARNIER 係法國黎的話，結果真係好呼之欲出呢！而我自己都係比 No.2 最高分，果然原來平野都有好架喎！
多謝 HKCOSME.COM 同 GARNIER 搞呢個活動呢，仲送左四件產品試用添，再同大家分享唷！
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言