真愛之旅

雖然我冇用Rejoice洗髮系列 (因為總覺得.. 2合1呀..... 好像不太可靠！)但這系列既廣告著實太吸引！ (我唔係小豬Fans黎架！hahaha)香港仲未出Ending，我係大陸偶然看到，實在太想同大家分享。

希望大家都找到心中的真愛。

RMK 「型格」秋冬眼妝先修班 - 產品試用

上星期六上完RMK 「型格」秋冬眼妝先修班後，得到產品試用，返屋企就急不及待試用啦！


就係呢四件啦！



RMK 皇牌Make up base ，係我上一篇已經提過，真係好薄好貼，不愧為品牌皇牌！




Liquid Foundation 未推開前好深色呀！推開左之後又ok喎，佢係好自然既Colour！不過對我黎講都係偏深左，但用左碎粉都OK的！睇見我手令令地係因為有Base 係底，睇見效果都好薄好易推架！仲好貼！




試用既係 03 Gray ，灰藍色調，都好岩我喎!!!


用手指印上既效果果然淡啲，我要搵返眼影棒出黎再試搽先
(對了，因為太Mini，所以冇眼影棒連埋架)
不過我自己試上眼度，上堂個日有眼影棒真係出色好多，用手指自己化... 爭緊啲既！
但啲粉好幼細，仲好貼添呀！





Ingenious Gel Eyeliner
02 Deep Blue
雖然係藍色，但因為好深，當黑色用都得！細細盒，連埋Blush & Tip




一邊係 Brush ，推另一邊係 Tip好方便同好貼心既設計！



好易上色，極易畫！！不過上眼既時候，用左大半日甩左啲，可能我隻眼太油了！


濕左水，甩少少，好少！防水度都高！



但落既時候真係要化啲心機，因為都幾難落 (不過我用既係落妝水，如果用落妝油應該好快落到！)

今次有產品返屋企試用，雖然短短幾日，但都試到粉底好好用，好薄好貼，不過可能太貼，遮瑕度較底，如果有瑕疵一定要用Concealer！我會買佢新既Makeup Base，因為感覺上妝更貼！

多謝 Beauty Exchange 同RMK呢！哈哈，因為今次試用，RMK入左我既化妝品 Wish List 了！嘻嘻！



延伸閱讀
掌握秋冬妝潮流！BE X RMK型格眼妝必學 秋冬妝先修班 - 新品用後感分享區

RMK 「型格」秋冬眼妝先修班

上星期六一連出席左兩個活動，其中一個係Beauty Exchange X RMK 「型格」秋冬眼妝先修班，今次名額只有30名，好開心可以抽得中。去體驗一下從來無諗過試用既品牌。

無辦法啦，我唔見身邊有朋友用，問Make Up Base呀，Foundation 等等... 都冇人會推介RMK，所以從來都冇諗住去試下，所以今次有機會去試用，係我對RMK既初體驗呢！


我係1:30-3:30 分個批，我準時去到，已經大部份SIS做緊護膚了！我坐底開始落妝護膚，一包包Sample Size比我地用，都比左幾多野我地搽，我諗唔駛搽咁多野係面吧，所以只係用左爽膚，eye cream 同埋Lotion 做第一步既Skin Care！開始化妝示範了。




化妝示範唔多講了，都係由Base, foundation, 再到眼妝同點配合胭脂同唇彩。
今次既先修班，我地可以試佢當日仲未推出既 Creamy Polished Base 我問過MUA呢隻同舊既Base up base 有咩分別，MUA答我話一樣係保濕打底，但多左控油既成份，當日我地試化妝，咁梗係用最新呢個Product，好易推又好薄，對RMK呢個牌子既化妝用品有初步既好感提升！

RMK Creamy Polished Base


RMK Liquid Foundation 共9色 $320
我記得係102色，好像對我黎講有點深色，唯有搽碎粉Balance返佢！都ok！估唔咁貼，咁薄，又係另一驚喜！


RMK Super Basic Concealer Pact $400
兩色加鏡盒，仲加埋可以做Highlight 既定妝碎粉！幾好喎！！！但成四百蚊呀~~~~~~~~
印上眼度都冇乜點起乾紋！可以一試~~


RMK Mystique Eyes $300 限定4組色系 01 Coral 02 Brown Beige 03 Gray 04 Green

今次係叫「型格」秋冬眼妝先修班麻，所以重點落係眼妝度，因為要介紹新出既 Mystique Eye 秋冬5色眼影！用既顏色係Poster 上Model用既 03 Gray, 灰藍色調！MUA逐Part咁教我地點去運用呢個5色眼影去化一個充滿SEXY感覺既型格眼妝，眼影一共有4色眼影加一個閃粉眼影，好好運用就可以化出好有立體感既眼妝！我好鐘意佢既包裝，長條型銀色盒，好輕身，岩晒我地女生帶出街用！


我揀左04 Green黎試用，無影化好既眼妝比大家睇添，我覺得呢個眼影用眼影掃上比用手指上好！五個色，仲可以自己Mix and Match，全部五個色混埋一齊or 兩色Mix，都可以好多變化！

另外有介 Ingenious Pencil Eyeliner ，好得意唷，另一邊藏有小型筆刨，好GOOD既Design，最怕係街用用下想刨又冇得刨！再拆可以有個綿頭，可以Blend開眼影。

RMK Ingenious Pencil Eyeliner 7 Col $190

RMK Extra Deep W Mascara $315 3 colours
佢既Mascara 都好OK 喎，雖然閃閃係油眼，但都想向大家推介，MUA介紹過佢，一般既Mascara 如果連埋Base，多數都係白色，但呢個Mascara 就唔同，佢另一邊Base係相應返本身Macsara 既顏色！好好呀呢個Mascara ，用法係先搽Mascara -> Base -> Mascara ，三層就可以搽到好長又靚既Mascara ，而且我Keep左半日，都冇比我油眼溶到邊Panda ，返屋企用Faxxx都落到，個日太趕了，冇樣樣影相！



RMK Ingenious Gel Eyeliner 3 Dark Colour + 4 Ex Shiny Colour $250
我用EX-03 Shiny Green ，我覺得冇Dark Colour個組色咁上色，可能我仲未有技巧可以運用到佢，冇試影比大家睇，但Dark Colour個組又好易畫喎！好Like 呀！



另外MUA提過幾個化妝既重點：
- 可以將Concealer搽係眼尾為置，因為個個位好暗黑，印左Concealer上去，會令眼妝更加靚！
- 可以用Eyebrow Mascara黎令Eyebrow 顏色改變，貼近Hair Colour，咁會令妝容更一致！
- 因為眼妝已經好出！就唔好再用好勁既胭脂同唇色！會好"娘"架！
(記得其他補加返，哈哈, 應該要記底佢先得！)


今次既「型格」秋冬眼妝先修班可以試晒RMK既化妝品！發現原來好多Product都好好用！
感謝Beauty Exchange 同 RMK 抽中我黎上先修班呢！
對RMK有更多既認識，佢會成為我其中一個考慮購買既品牌啦！^^

買邊支 mascara 好呢？

要換過枝 Mascara了！呢幾日閃閃都去左 CLINQUE，Dior 同 Bobbi Brown 度請櫃姐同我試上眼度！回家再用暖水落睇下效果！





Fiberwig $98
呢枝我已經用過好幾支！暖水落既效果好好！真係一條條唔會再甩一粒粒出黎！
但增長效果ok！唔夠濃密。
(呢枝因為自己有用過，唔駛試)






CLINQUE Lash Power Curling Mascara 魔法捲曲睫毛液 $160

效果一般，唔係好纖長又唔夠濃密，櫃姐要同我掃兩層，但效果都唔出。





Diorshow Iconic Extreme Mascara $260

今日去試左，效果比CLINQUE好！但都係有一粒粒甩出黎....





Bobbi Brwon Perfectly Defined Mascara $220

試過呢枝，效果最好，條條分明又黎長！櫃姐只係掃左兩層就有好好既效果，對佢最心動... 但$220唷...


以上四支共通點係可以用暖水落，因為閃閃係油眼！一定要用暖水落既Mascara ！
點好呢點好呢！！！！？？？？

「平靚正」鵝頸橋街市燒味 - 東成燒臘飯店

(this pic from Openrice.com)

閃閃很愛吃油雞，如果做一個燒臘排行榜，應該係咁樣排列：
油雞 - > 燒鵝 -> 燒腩仔 -> 乳豬 -> 燒鴨

有同事帶我上過去鵝頸橋街市食燒臘，一食愛上(雖然好肥啦... 所以間唔中去食)



可以用平靚正黎形容，圖中我食呢個油雞拼燒鴨，都只係$22！仲有湯飲 (個湯好住家Feel，不過都比我平時bo既湯淡，可能一大窩bo出黎吧！但唔味精的！) ！加杯野飲都幾加多幾蚊！價錢抵，分量都唔少，以前我一個人可以食晒一碗，最近只係食到半碗(細食左了)！！但都已經飽飽了！

每次都食到呢個價錢上準以上既燒臘，好味唷！

大家如果中午係附近，可以走上去二樓食野，我只係鐘情呢間既燒臘，未試過其他，仲有其他車仔麵炒粉麵飯咁，同事都話好味！大家可以試下！(因為燒臘六點會閂門架啦！)

果汁粒粒糖

最近迷上一隻叫Florida's Natural 既Au'some Fruit Juice Nuggets！
最先係同事既朋友係美國買比佢食，我就因為咁食過覺得好味道，想問係邊度買... 原來遠在美國。(但其實佢係Made in China, 之前出口美國)
點知呢，原來７－１１已經有得買啦！

佢有三種味道，士多啤梨, 藍莓，香橙

我只係最鐘意既係士多啤梨 (↑)
佢係用果汁造的粒粒，包裝上寫著"Made with 66% concentrated Fruit Juice & Concentrated Fruit Puree." 有66%既濃縮果汁做，感覺健康一點點吧。一包大約130 卡路里。
細細粒咁又幾好咬，果汁味唔假。





7-11 賣大約$9.5
而家做特價$6.9

SK-II Skin Signature 全效活能再生素

好幸運咁，可以參加由 Beauty Exchange & SK-II主辦既試用活動，收到通知信，去Time Square 既 Lane Crawford 既 Counter囉試用品，Lunch諗住去囉，但原來個Skin Test 要預約時間，好在放工時間仲有得約，咁約好放工時間去囉啦！

SK-II 一路比我印象就係啲Sales姐姐好串，態度唔多好，同埋黑面。我之前想去買粉底，但係係SOGO個間SK-II個Sales好黑面，態度好差，所以最後我冇買到 (雖然我只係買幾百蚊既產品，但我買產品都包括埋你既Service，我仲乜比錢買野都仲要受你氣)，但今次我去囉試用既體驗扭轉左我對SK-II既負面印象。(可能Lane Crawford個邊既Sales好點吧)

去到因為佢地有客人，幫我做Skin Test既Iris好笑容咁叫我等等，咁就企埋一邊等左一陣就可開始做Skin Test 了。

Iris話比我知，Skin Test係測驗皮膚既Skin Power，Skin Power分為三個 I , II , III ，我揀左測驗眼角既皮膚，得出黎既結果係Skin Power II，屬於中等，都開始轉差，但又去到好差。Iris話要開始好好保養 (我開始左一段時間啦，我已經之前太懶了。)

<上Beauty Exchange睇返其他SIS講，佢地除左做Skin Power既測試外，仲有分析水油斑點同彈性等等，點解我只係做Skin Power一Part 既......>

做完Skin Power Test，佢就囉左一Set試用品比我，入面有一支30ml 既神仙水，一片面膜，同理15g 既 Skin Signature 全效活能再生素。

Iris好細心咁教我用呢一套試用品。

1. 用沾濕左爽膚水既綿花軟化肌膚

2. 用沾濕左SKI-II神仙水抺全面，連眼都可以抺架

3. 擦 Eye Gel

4. 用一粒黃豆既分量，將Skin Signature 全效活能再生素搽面，可以配合埋BA姐姐教既穴位按壓

好啦，返屋企試用啦！我好乖咁，呢七日跟足BA 姐姐教既方法用。

講下成份先

能5倍活化細胞中的抗氧化啟動基因ARE，促進肌膚自身抗氧化物質的產生，幫助細胞免受內外壓力的傷害，補充過去4年Skin Power的流失，全面提升三重 Skin Power：肌彈力x緊緻力x亮澤力，有助肌齡逆轉！能解決多種肌膚問題，幫助肌膚增加抵禦及再生能力，使膚質更為細膩健康。
全新抗老成分促進胞肌膚自我更新及合成。

白色Cream狀，好易推開架。

好快就過左七日，今日去做多次 Skin Test，得出黎既結果都仲係 Skin Power II，今次係另一個大肚BA(冇留意佢叫咩名添)，一去到佢問我皮膚有冇改善，我苦笑話冇乜，咁佢就好認真問我點用，再睇我膚質，其實本身呢個Product係28日肌齡逆轉，用左短短七八日，我都諗未必可以好睇到效果，而且，唔知點解，本身乾性皮膚既我，越用越乾，上唔到粉咁，浮晒粉！

大肚BA話呢，我皮膚太乾，呢個Product係著重底層修復，所以佢建議我朝早可以單用Skin Signature ，但夜晚用完之後再加Night Cream，等唔好比冷氣抽乾左我。

大家睇到呢度，會唔會覺得呢隻Product冇效果呢，咁我又唔覺得佢冇效果喎，雖然短短七八日，但我覺得皮膚係軟滑左的，雖然仲係好乾，但比起之前超乾皮膚係好左啲！唔知再用落去會唔會令皮膚更加有光澤呢！我會用完試用裝，再去睇效果，因為暫時黎講，佢比我感覺都還好。但真係要自己加保濕精華，我太乾了。雖然好矛盾咁，但係又有同事話我皮膚好左架喎。

所以我建議乾性皮膚既 sis，可以加保濕精華，夜用既時候要加埋Night Cream！我諗住用大肚BA教既方法，去試用多一段時間！

遲啲再同大家分享唷！

btw, 大肚BA啲皮膚好靚呀！仲係一個靚媽媽，好少有左BB既媽媽皮膚會咁好架喎!!!!!

SK-II Skin Signature 全效活能再生素

售價:HK $950
包裝/容量:80g

感謝 Beauty Exchange & SK-II 給予試用。希望皮膚真係可以年輕四年啦！嘻嘻！