多謝 Jonathan 既邀請，率先走入會展電腦節會場，自己印象中冇去過會展的電腦節，反而深水涉那個有陪朋友去過，本來我就不是科技人啦！今次可以進去，完全係因為手執 iPhone之故。
今次其實係去參觀 CAPDASE 既 booth 的。坦白說，我係對於呢啲野認識度係「零」的！Jonathan 問過對什麼有興趣，我答他我對什麼都有興趣，因為我個啲咩都想知既人黎，所以就算對用Case 冇乜特別研究既我，我都好用心去聽 CAPDASE 既工作人員介紹佢地品牌既產品！
「CAPDASE」從品牌既英文名可以猜到佢既含意嗎？
看看第一張圖，估到嗎？
對了，就是 CASE 同 PDA 既混合體，就張一個CASE 包住部PDA，這間公司是以專做 smartphone 配件起家的，以前為啲 smartphone 冇咁多款，要做既配件都冇咁多元化，但而家既 smartphone 越出越多，不同廠家不同型號，大家對配件既要求都多左，要有功能又要有設計，今次我地參觀 CAPDASE 都見到好多不同款既配件，有iPhone，iPad，又有其他iPhone等等既產品配件，有用 iPhone既我，當然係睇iPhone CASE 啦！
(各BLOGGER 除左揀CASE 外，都忙於影相呢)
CAPDASE 既PR 話我地可以每人揀一款iPhone Case，本身已經有五個iPhone 3gs case 既我，冇再揀iPhone 3gs 既 Case，反而揀左iPhone 4 既 Case，不過睇黎睇去，都係鐘意膠個個粉紅色既Case ，本來諗住揀呢個架啦！最後因為工作人員介紹 Case 不同既質料既時候，我聽到有一款外剛內柔既 Case，係叫 Alumor Metal Case，係入面係膠，外面係鋁合金物料既 Case，但當時冇掛出黎，只係掛左黑色同白色，黑同白都冇乜興趣，所以我就問可唔可以睇粉紅係咩色，最後多謝 Jonathan 幫我問工作人員搵，係差唔多要閃既時候，終於搵到，嘩！個 Pink 好靚唷！開箱見到粉藍都好靚，最後我囉左一個 pink，再自己買一個粉藍，well...係呀..我係未有 iPhone 4，因為我要等白色，我覺得粉紅粉藍呢啲配白色靚靚，所以請各路朋友如果有 iPhone 4白色既最新消息，請通知我！嘻嘻~~~~
有冇留意到每個 Case 不論咩色都好，個 cam 位都包左黑色邊呢！原來據 CAPDASE 既工作人員講，因為 iPhone 閃光燈閃出黎既光，如果遇到其他 Colour ，會有幻彩既光線出現係相片度，所以佢地會為所有有閃光燈既 Smartphone case cam 位包上黑色邊！每一個detail 位都係有考慮架！
最後 CAPDASE 既工作人員仲介紹點貼保護貼，我多數都係買保護貼請店員代勞，不過對佢介紹而家啲新既保護貼比較有興趣，有一款保護性好高既，可以360 度都睇唔到，只有正面先見到，岩晒啲怕比人睇到個人資料既人用，另外我就想試用防指模那款....可惜因為我最後先囉個 Case ，PR 唔記得比我，我因為等到個粉紅色 Case 就乜野都唔記得晒.....hahahaha
多謝 Jonathan 既邀請唷，又識多樣野唷~~~~
沒有留言:
發佈留言