薄荷葉泰國菜

(梅子豬手好好味唷)

其實已經唔係第一次黎食架啦，之前係元朗既時候已經食過一次，不過個時住大埔，去元朗好遠所以冇再去食，後來元朗店轉手，已經唔係當年食既廚，朋友再去食返黎COMMENT 返話水準下降，所以一路冇再去食過了。

最近朋友仔話原本元朗個個老闆轉戰屯門，所以就去食唷。

已經第三次去食啦，今次點左上次食過既梅子豬手，同埋必點既生蝦，仲有 生菜包,薄餅,咖哩大頭蝦。

梅子豬手好好味，必點，酸酸地咁樣，啲肉淋淋地，份量都唔少架，好入味。正！

泰式生蝦又係必點，唔算好大隻，唔太辣，不過都好好味！我記得唔貴的，人多可以再叫多碟！

生菜包,薄餅都好食，但冇乜特別！


咖哩大頭蝦就唔推介了，本身又唔係話多肉食，每碟有一隻半！我覺得唔抵食囉~但啲咖哩惹味，點薄餅食最岩！

另外一提係個度啲冷氣唔多夠的，天氣熱時預左會熱少少架！老闆係好用心整野食既人黎，值得推介。


餐廳： 薄荷葉泰國菜
地址： 屯門新墟青菱徑
電話：2527 2255

p.s. all photo taken by iPhone 3Gs