Samsung ST550 試機之影大合照唷！

又係黎報告一下的時候了！今次同大家分享影大合照啦！閃閃係公司，可以講得上係專用攝影師，由入職開始，每月生日唱生日歌後影大合照呀！又或者大食會，閃閃都會為大家拍照留念！

十月之星生日會，老闆話我部機好wide！yeah!!!!


以前影大合照既時候，大家 HOLD住唔郁，要留心聽相機既影相聲，先可以知道影左相未！但擁有雙芒設計既 ST550就唔同啦！會係前面個芒為大家倒數最後三秒，第一次試機用既時候，個個同事都話呢個設計好好！不過有一點有點古怪係佢倒數 3 , 2 , 1，係 1 既時候 HOLD住好耐，如果佢係影個一下有多一個畫面會好好多！

再早一個星期有同事走了！搞左個大食會！


好多野食唷！


大家起動啦！


可愛既同事要走了，好唔捨得，用自拍影張合照先！


仲同新返工既同事仔用自拍mode 影笑瞼！


最近因為太忙，影少左相，等我下一篇再同大家分享另一function 啦！

甜甜地既蝦膏炒飯 @ 越色

上幾星期某日，同事提議吃越南菜，好啦！閃閃平時少食越南菜，但佢地興致勃勃咁，又好好味，咁我都去啦！

去到已經冇位了，係門外等左一陣好曬！服務員安排比我地既位古古怪怪！所以要求要好啲既位置(其實有咩黎由安排我地三個打横一字坐開！)應該二個對一個咁坐架麻！

不過都好快安排好入座，坐低就由我同事叫野食。


呢個應該係豬頸肉撈檬 ，幾好味道，個豬頸肉幾好味咁，香香地口！


呢個應該係小食之一既扎肉，扎肉都唔錯喎！




呢個係咪叫牛油雞翼，推介！好好味！炸得唔油但香口，雞肉都好入味！yummy！




呢個我個人口味覺得好味！係蝦膏海鮮炒飯，好得意地個蝦膏係甜甜地架！



最後梗係要叫個菜黎食下啦！炒通菜，我最愛！



消費每人 $70左右！

越色牛肉粉餐廳 Pho Vietnamese Restaurant
銅鑼灣登龍街 28 號永光中心地下 English Address
G/F, Circle Tower, 28 Tung Lung Street. (Causeway Bay)
2574 1777

Swiss Line IL Colpo Spa Opening Party

九月尾，可以出席 Swiss Line IL Colpo Spa 的開幕酒會(Meling 的相關文章)？原來唔係呢，係出席 Swissline 特別為 Bloggers搞既聚會，當日落住黃雨，我一放工就趕過去，已經開始左一陣啦！

原來Swiss Line IL Colp PR 請左個漫畫老師教大家畫自畫像，哈哈，我一向對畫人像唔多掂，莫講話畫人地，自己都唔多掂呢！所以畫到好搞笑(可惜自己畫個張冇左了，我鐘意自己畫個張架！)




當日除左畫自己之後，仲有做皮膚分析，我被分折為「年輕皮膚」(還好....) 「可見毛孔」「防曬保護不可忘」另外PHOTO ANALYSIS都分析左「皺紋：很少」(好好！) 「平滑度：高」「深底層斑點：一般」(oh no... 要美白美白了！)

總括黎講還好呢，要好好保養先得了！嘻嘻！

見唔見左邊部好光既機，就佢放個頭入去做皮膚分析了！



右邊得出分析，美容師為我地講解！



哈哈，我又用 SAMSUNG ST550黎玩自拍了！上次 Meling 的Party認識的新 Blogger！



Meling的自畫像很可愛很似她呢！



Swiss Line 的環球市場總監 Custodio d’Avó 見我地既Workshop好有趣，要和我們來張合照！


多謝 Meling & IL Colpo PR既安排，還有小禮物給我們試用，仲有 Part II呢，約了今個星期五去體驗，再回來分享唷！謝謝唷！

ROC Retin-OxTM Wrinkle Filler 膠原再生水潤褪紋霜

上月在「蘋果的化妝箱 」團購了 ROC的眼霜(相關文章)，因為Meling 話去紋好得掂！所以都JOIN左團購，期待中既時候，收到PR EMAIL話ROC有新品試用，好開心！可以眼面都去紋！YEAH！(我仲介紹左三個同事仔一齊團購添唷！)

閃閃本身又未係好多紋，但有講預防勝於治療，應該要好好保養，唔好有事先黎補救，所以收到呢支新出既膠原再生水潤褪紋霜，真係好唷！


官方資料：
Retin-Ox^TM Wrinkle Filler膠原再生水潤褪紋霜結合多項專利褪紋科技，為肌膚注入千倍水分，並激活膠原再生，從內而外雙重夾擊撫平紋理，不但令幼紋及乾紋即時絕跡，而且更令肌膚重拾柔滑光澤

革命性雙重除紋科技：

注入千倍水份 即時填補紋理
* 微透明質酸(HA) 比一般透明質酸分子細小，能穿透角質層，輕易滲入肌膚，除加速真皮層的新陳代謝外，更即時注入1000倍水分，令細胞水漾飽滿，填平紋理間隙，光澤及彈性更顯著提升，效果持續24小時。

持久深層修護 激活膠原再生
* 以現今醫學界最有效之抗皺成份Pure Retinol結合專利DMC成分，激活底層骨膠原增生，同時減慢骨膠原自然流失及萎縮，從而修補彈力組織，提升承托力，從肌膚深層入手，由內而外集中修護紋理。


微透明質酸我唔知係咩黎呢，但聽落好補水，岩我呢啲乾性皮膚用唷！

白色介乎係霜狀同乳液之間


未搽褪紋霜前，皮膚既水份


搽左之後，皮膚既水份


10 分鐘後，再測試水份，水油平衡，水份測試機有笑臉喎！


佢又未去到乳液既狀態，但係唔杰，好易推，雖然佢唔係個啲填紋霜可以即時填平左細紋，但我用左一星期左右，覺得眼肚下面既細紋冇咁明顯 (我都仲係期待緊枝眼霜) ，有次我唔記得去邊個function，有兩張相比我地睇，有紋同冇紋既皮膚，感覺會相差好多年架。



醫學實證：
肌膚即時變得平滑。使用8星期後，前額、眼下、眼尾、面頰等皺紋得到明顯改善，肌膚光澤、質感、柔軟及平滑方面大幅提升50%；即使其後停用4星期，撫平皺紋及護膚效果依然顯著持續，足證經常使用可令肌膚年輕10年。

好啦！等我好好用晒佢，希望2個月後會記得返黎report 比大家知啦！:P
感謝 Bell 記得我呢，比我試用今次 ROC既新品！謝謝！




ROC Retin-OxTM Wrinkle Filler 膠原再生水潤褪紋霜
HK$420/30ml


All Photo taken by SAMSUNG ST550

『Primier Moisture Essence』- Sonia Rykiel

早前有幸被愛麗絲抽中，可以去上一堂 Sonia Rykiel 的化妝班，獲益良多。化妝班試左啲咩呢，遲啲再分享。

今日要分享的是今天推出的 Primier Moisture Essence 基底導入保濕精華

其實閃閃之前未曾接觸過呢個品牌，今次係第一次試用佢既產品仲要係未推出的新品。這個星期每次洗完面，閃閃也會在洗面後三分鐘內用上這新品，佢係屬於"基底保養"既保濕精華，強調係洗面後化妝水前使用，佢會預先將保濕分子傳送去角質層去軟化細胞，咁等之後用護膚品既時候更加快滲透，進一步提升之後用既護膚品功效。

我尋日去過佢地專門店，BA姐姐話係用面膜前用佢，效果會加倍！(我最近病左，冇心機用面膜呢....)

又係水份測驗機出場既時候，睇下水分滲透係咪真係咁有效果先。

洗完面，即刻用測試有 33.1%


滴一滴係手上面再抺開



再測試，有57.8%



10 mins later 都仲Keep到44.3% 水份測試機仲出左笑臉，表示水油平衡！GOOD!


皮膚用左一星期，好似比之前無咁乾。我會 Keep住用佢架唷！



All Photo taken by SAMSUNG ST550

上次去王家沙食明明好味啲架？

• 
  
  
• 
  乾蔥炒牛肉
  
  
• 
  鮮肉小籠包
  
  
• 
  三鮮炒年糕
  
  
• 
  醉雞
  
  

因為其實已經之前食過一次的，今次比上次食差左啲了。

乾蔥炒牛肉 - 都炒得幾香，同上次食一樣咁。不過牛肉係咪拿得過份左，有點淋！

鮮肉小籠包 - 個皮... 好好好厚！好唔掂，個小籠包真係扣得好多分！

三鮮炒年糕 - 一般！

醉雞 - 唔掂！個雞已經冇鮮味，啲酒又唔夠香。

好了，我諗我應該唔會主動再去食。

是次消費: 每人約HKD$130 (晚餐) http://www.openrice.com/gourmet/reviews.htm?userid=49115 All Photo taken by Samsung ST550

Samsung ST550 試用首星期感想

取機大約一星期，我出席各項活動都帶住部機。大家都相當好奇，當中既評語都有好有壞。(DC仔0者... 唔好咁高要求先各位)

首先講話呢，我仲未習慣用呢部機，因為我成日唔小心咁到個Touch Screen ！仲因為佢無說明書，平時我用咩都會睇左說明書先，但因為佢冇... 所以... 所有野都係自己摸！

呢部機其中一個賣點係雙芒自拍。我多次試用呢個功能，但Auto 影笑臉自拍好快！真係好快，都未完全Really個笑臉佢已經影左！但初初我又唔識教佢唔好Auto影笑臉喎，真係用左成個星期都仲未習慣。但自己自拍既相又OK喎！

呢部機既資料，大家上網都可以查到一堆資料了(所以我唔多講了)！對我呢啲只係識用DC仔既女生來說，好多技術上既野都唔識，而我揀相機既其中一大要求係唔要有偏色既情況。所以餘下既三星期，我會用我既角度去睇呢部機既好與壞。務求同大家分享到今次既體驗。

我分別用左我本身用緊既 CANON IXUS 100IS 同埋SAMSUNG ST550影左兩張相去做比較，係我心目中，CANON既機比較貼緊原色，少有偏色既情況，所以咁梗係黎做下比較，雖然兩部機規格唔同，但係閃閃要求既唔好偏色！

第一張，係SAMSUNG ST550


同一個位，我用左 CANON IXUS 100IS黎影左張相！




第二邊，首先用 ST550影！好多Colour呀！



之後再用 IXUS 100IS黎影一張！




我自己好留心睇，ST550既色都好靚，但係就有少少黃黃地的(咁當日有日光，有光管)，不過都冇影響到整體顏色！對我黎講可以接受到！因為之前用過一部 PXXXXX，係未上電腦已經知偏色都好緊要，接受唔到賣左佢！但今次我自己睇相都覺得啲色靚呀！LIP GLOSS 同胭脂都影到係當日睇見既顏色，冇因為偏紅或偏藍所以變左色！好！過關！

聽日公司有Farewell Party，可以試佢既27mm廣角了！(仲可以試埋佢倒數前芒顯示功能！再同大家分享！)

(兩部都是用 Auto mode 影的！)