過左數，就等佢寄黎，我買既係試用裝7g ($28)好細片，叫做試下係咪真係好啦！
根據Y拍內的說明：
"本產品在製作過程中不添加任何的防腐劑、酸化防止劑、色素及合成香料等，是一款不會對肌膚造成刺激的無添加製品。泡沫非常的溫和，細膩的泡沫將您的肌膚溫柔的包裹。設計這款產品當時的理念就是依靠製品本身的自然力。作為只能限量生產的產品也是生產者用心、用愛奉獻的一款潔面皂。
正在為成人粉刺所煩惱的先生、女士們。。。。。
所謂的化學治療（Chemical healing）是指用AHA乙二醇酸（德語glykol）抑制炎症，將皮膚角質層上殘留的粉刺油脂等已經老化的部分去除，緩和毛孔，並將因粉刺疤痕所造成的皮膚凹凸不平磨光滑。正因為這種治療所以是可以期待皮膚重現光滑的。 "
查實我唔知成份係乜野黎啦！但見佢話冇刺激性，而且話使用一次既效果 好過做一個過千元既facial (其實好嘩眾取寵)，不過我都想皮膚滑啲唷！
收到啦，個包裝係咁的
入面既內容
入面有說明書(日文黎，因為話係Made in Japan)，但有晒圖，而且仲有賣家既中文說明書一份。
個SOAP好細，我已經用左幾日，冇左一半了！見唔見有個袋形既網！
個網都ok方便，可以裝住個Soap又可以要黎起泡，用完就連埋個Soap掛起佢！
因為又要起泡又要等2-3分鐘，自己實在冇手可以影相，唯有Copy賣家既相過黎，我都想話好用0者，希望唔好比佢話我啦~~~
用法就係：
1.用溫水將面部全部濕潤 (ee... 但我戒左用溫水喎！用室溫水啦)
2.潔面皂充分揉搓出細膩的泡沫。如果不揉出泡沫在放置過程中就會坍塌不成形。
3.下顎和額頭等角質比較集中的地方，塗抹泡沫後進行按摩。
4.塗抹著泡沫放置2~3分鐘。如果感到疼痛或有什麼異常的話，請馬上清洗乾淨。泡沫請不要塗抹在眼睛或嘴唇及敏感的部位。
5.清洗時要充分用水清洗乾淨，感覺不到泡沫的濕滑為止。
用完既感覺係：
皮膚滑左，雖然佢話係美白，但又唔係一洗白左咁誇張，但我覺得洗完去左啲暗黃既感覺，Keep住用再加美白既用品，應該會好好。同埋用完好滑同好乾淨。
但另一樣野我Feel到既係，佢有控油既效果，好明顯我上星期個nose仲係會係中午出油(咁又溶左我啲粉底)，但呢幾日就好感覺到冇浮油既情況(good)，因為我冇轉其他護膚品，所以應該係個SOAP既功效喇。
我係Y拍賣家：rebeccacsty買的。
有興趣可以向佢購買啦！
(聲明，個賣家我唔識架，不過真係幾好用向大家介紹下，如果怕自己唔岩用，可以學我咁買試用裝試下先！)
4 則留言:
嘩~佢起到好多泡泡喎~而且d泡泡仲好似好細膩呢~~~
唔知我自己做個d可唔可以起到咁細膩既泡泡呢~
呢個我都有試過呀,幾好用! 我係敏感皮膚, 呢個都合我用, 用完左一舊,皮膚滑左, 不過始終改善唔到我d 暗瘡情況:(
Karen ~ 我都未好有技巧咁做到好細膩既泡泡，要試多啲先得，多水又唔得,少水又唔得！
歡樂滿becca ~ 我就係想又白又滑，我暗瘡唔多，希望可以皮膚白啲同滑啲啦！
我係賣家Rebeccacsty ,已有十年美容師經驗,唔好意思^^"版主~係到搭一下訕先...
to ~Re:歡樂滿becca 想同你講產品係幫助你已生左出黎既暗瘡快些謝,如想徹底改善,係要針對返你自己身體內的毒素情況定或是壓力問題影響...本人亦想了解下你既暗瘡情況,睇下從那方面著手..如方便的話可以msn :rebeccacsty@yahoo.com.hk( xo醬)跟我傾,或可嘗試以配合簡單的排毒飲料來幫助:
改善皮膚小貼士:要知道皮膚有問題，最主要原因係反影身體機能出現問題，最常見既係出現暗瘡,暗粒等多反影身體毒素多~所以除了使用本產品，可治理皮膚表面問題，現提供多一項簡單排毒飲料法﹕
早檸晚蜜~
早上~以幾片檸檬沖開水飲
晚上~沖一杯蜜糖水(純正蜂蜜)~
最好以暖水開黎飲,
因為凍水會攪風或熱水會破壞蜜塘~
每天配合以上健康排毒飲料,會讓閣下更快擁有更白更滑的皮膚~
謝謝^^
Rebecca~^^~
發佈留言