Shiseido 亮白美肌workshop

係Shiseido既會員，都會收到佢定期出既刊物，佢不定期咁會舉辦一啲唔同既Workshop比各會員參加，今期既主題係「亮白美肌」，時刻都想令肌膚雪白既我，當然報名參加啦！今次仲可以帶同一位親友參加，所以我就拉埋Terffin同我一齊去啦！嘻嘻！

我係第二次參加Shiseido既Workshop，同事知我會去Workshop，就問我要比幾錢參加，因為好多品牌都會要求先比預約費用，然後再Redeem 返佢地產品，但Shiseido呢啲For Member既Workshop係唔需要比預約費的，佢地只會介紹個品牌Product，然後你自己決定買既話，就要出返出去門市自行選購。

因為唔係平時出席既品牌Events，冇人影相... 我都唔好意思影咁多相添:P

左手邊有Skincare Plan，BA姐姐會根據返我地既皮膚膚質，去選擇適合我地既用既產品，而今次既workshop 主要係介紹 White Lucent 同Revital呢兩條Line。
BA姐姐幫我選擇左White Lucent呢條Line，係因為我皮膚比較乾(OH NO...我要努力啲敷保濕既Mask先得！)！！




其中一位BA姐姐講解黑色素既成因！大家估下檯面上既螢光粉紅卡上既邊啲係成因呢？
(答案最後話比大家知啦)

其實呢，美白唔單只防曬咁簡單的，由內至外都會有野去配合，而外既方面就係防曬之外，用適合既美白產品，如果加埋按摩就更加好啦！


我地每組會有一位BA小姐，為我地準備唔同既Product比我地試用，我地首先要落妝啦！做清潔，搽Cream等，仲有教我地按摩啦！原來頸既皮膚如果同面既膚色差太遠，咁就算面幾白都好，都唔會覺得好白淨的，所以頸既位置都要用上合適既美白用品！


紅色個支，就係品牌係1897年已經有推出既活膚水Eudermine，有美白同保濕既成份！


完成左美白既部份，就到化妝示範，Terffin被邀請做Model示範簡單化妝。




答案：
全部都係成因呢！！！

BA姐姐全部都好細心同好Nice呢！^^ 如果你係Shiseido既會員，都可以多啲參加唷！

點可以成為Shiseido既會員，只要買兩件Product就可以成為會員架啦！^^