呢兩個星期又病又嘔咁，好不容易先好返啲啲，但又係持續唔多妥，入冬我都係咁樣，或者同我係夏天BB 有關吧，太冷的天氣... 真的令人不好受。
不過呢，點凍都好，都要打扮一下，護膚程序唔可以少，仲要化返個淡妝，上上星期個時睇雜誌見到 shu uemura 既妝前泡沫底霜，其實都出左一段時間，心諗用完手頭既 Make up base ，可以試下呢！跟住收到電話邀請試用，好開心呢！可以試用一下！ (查實我都買好多化妝同護膚品架 >.<，一用完啲野好，忍唔住回購，駛既錢仲多過以前.....)
講返呢個泡沫底霜，今次試用係要自己去專門店囉，放工趕去囉，原來可以自己揀埋自己用既底霜顏色，佢有分自然杏色同埋粉紅色，SALES 姐姐好細心咁同我講解，因為我皮膚都算白，所以兩隻顏色都適合，但SALES 姐姐有問我多唔多紅印，如果多紅印，就揀自然杏色，咁可以遮蓋紅印，相反如果用粉紅色，佢既作用有白裡透紅既效果，所以如果有紅印就會突顯左！
如果平時化好淡妝未必搽粉底，都可以揀粉紅色，黎做底霜再上胭脂就出得街！
因為SALES 姐姐咁講，我就揀左粉紅色啦！
SALES 姐姐仲教我點用，佢提醒我咁既時候，唔好好似左邊咁樣咁，應該好似右邊呢張圖咁，咁後啲，咁會容易啲控制分量架！大家記住啦！
按一下，大約一個乒乓波既分量就足夠，淡淡粉紅色，泡沫好細密！好幼滑咁呢！新版仲有成 SPF 30 PA+++ 既防曬保護，足夠晒返 OFFICE 既我！(個泡泡好可愛，軟綿綿咁)
今次試用左好細心連埋五角形海綿，密封包裝，一包四件，SALES 姐姐話洗乾淨可以一直用！
五角形好似兩隻手指頭咁，SIZE 岩岩好，用佢黎上底霜岩岩好！
睇下效果，左邊係未搽妝前泡沫底霜，素顏皮膚唔係太好，有點暗粒又有點暗沉，右邊既係上左妝前泡沫底霜既效果，皮膚有點白裡透紅，明亮左，白淨左！
試用左幾日，有時有搽粉底，有時冇，不過可能我係乾性皮膚，我覺得對我黎講唔夠滋潤，所以底層護膚既保濕精華唔可以少！但用左佢粉底的確比較貼，而且好滑呢！唔搽粉底單搽胭脂都好OK ！而且泡泡好易用呢！
多謝 SHE.COM X SHU UEMURA 今次安排既試用，個人覺得好好用，下次回購會試下自然杏色，另外想讚下 SHU UEMURA 個SALES 姐姐好細心！我睇唔清楚佢個名，A字頭既SALES 姐姐，係LANGHAM PLACE 個間 SHU UEMURA，下次我如果買野都會去個度搵佢呢！^^
天氣好凍，大家小心身體唷！^O^//
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言