▌分享 ▌豐胸的迷思 ❤ 閃閃的豐胸分享

話說，閃閃早前係閃閃的星球粉絲團問過大家有冇對豐胸這話題有興趣，見大家也有反應，好啦，咁閃閃都怕怕羞羞咁同大家聊這個話題吧！

其實閃閃都問左好多唔同既朋友對豐胸既睇法，首先原來大家都好有興趣，然後就是覺得普遍我們上一代的媽媽級上圍都比較豐滿 (點解呢？？？) 。而家都希望的不是要D呀E呀，其實都是想上圍有多點肉地，令身型比較平均其實已經很足夠 (還要減肥囉...)。

當然閃閃都唔例外，減肥之餘都想搵到比較天然的豐胸方法，因為做隆胸等手術，閃閃想也不敢想，但因為數年前有一段長時間的小病後 (因為病，冇胃口，成個人瘦左，但先縮胸囉LOL)，由原本的 B CUP 跌到落 A CUP，仲要比家中的閃媽和閃妹笑......( 當然只是說笑，但都不好受吧！) 閃閃就開始想研究點樣去豐胸了。

兩三年前 (印象中。。。) 閃閃係書局買左呢本書，作者佢親身試左好多坊間既療程都唔WORK，最後佢研究左比較天然既方法，就係用草藥同埋按摩去令上圍升級，其實點解我地胸部會發育呢，就因為大腦比信息去令身體發育，作者就係利用呢個方法去令身體再發育！(詳情要睇書呢，但真係要有心機，因為書中教的要食幾隻唔同既草藥，仲要自制按摩油去按摩的！) 有一段時間，閃閃都有跟左佢書入面既草藥去食，但可能成份有少少出入 (因為啲丸丸好難話 Exactly 同一份量) ，有少少效果但不太明顯，如果你有心機可以試下。


而最近，都唔最近了，早新年前，閃閃去 Beauty Ranking 買野，等比錢時，上一個比緊錢既SIS 同店主話食左個樽粉紅色既升左 CUP，閃閃即刻勁好寄兼偷聽一下 (都算偷聽既，閃閃只係企起佢後面)，然後仲聽到話升左一CUP 佢覺得OK 停食左，而家KEEP 住，佢好滿意之類咁。咁閃閃返屋企就上返 Beauty Ranking 個網尋找粉紅色既丸丸啦！

就係呢樽 Royal Honey up 啦，佢主要既成份有蜂皇漿，泰國既野葛根同埋蜂花粉，閃閃上網搵到佢既成份圖。

   

野葛根一向都係豐胸藥既主要成份，聽說泰國既女人點解咁豐滿係因為佢地有食野葛根既習慣。

食法係每晚瞓前食三粒，閃閃真係最神心都係食呢三粒粉紅丸丸，因為閃閃平時要食啲保健既丸丸成日都唔記得，但瞓前食呢三粒，閃閃可是未曾唔記得過。由新年年初一開始食，到而家已經食左樽半就黎完第二樽，閃閃真係感覺到胸部內既脂肪多返啲，點講呢，即係唔會好似個包入面冇入餡料咁，但而家就充返滿啲咁 (大家明白嗎~ @.@) 而且閃閃係同友人一齊開始食，佢都有相同既感覺，所以閃閃會預計食多二三個月睇返情況先決定係咪要停。

而期間，閃閃冇再用任何按摩或者豐胸既按摩膏，希望用最單一既方法去測試，而家閃閃戴BRA 都由 A 轉左去 B，而且明顯感覺到有肉地啲既感覺。當然未去話好豐滿，但有效果已經好開心唷！

不過閃閃相信配合按摩會仲快見效。


雖然未去到最理想心目中既效果，但見到有成績，閃閃都想同大家分享， 因為黎緊就黎夏天了，呢啲草藥等要時間去比身體吸收架麻，所以早啲話比大家知，有興趣既SIS們可以去試，而且因為閃閃就食完手頭的，諗住再要去入貨見到 Beauty Ranking 賣 HK$535/2樽，比起閃閃之前買既HK$575/2 仲平左，所以要去入貨了。閃閃知道，呢啲話題大家都會好避諱去提，不過閃閃覺得既然又唔係做入侵性式既手術，一試無仿，不過每人體質不同，呢個係閃閃既個人分享唷。

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

[分享] 經過閃閃「臨床」測試 ❤ 唔再經痛的小偏方

(PHOTO COPY FROM http://goo.gl/5k1dj )

唔知睇緊閃閃 Blog 既女生，有冇經痛既情況呢！

閃閃可以被困擾左好耐好耐，試過食避孕藥去等經期間唔好咁痛，但始終呢類係藥物，閃閃都唔多想多食！

近呢三個幾月(係呢...只係臨床左三個月，哈哈 :P)，閃閃試左呢個小偏方，覺得真係WORK 喎，希望同大家分享一下 (急不及待呢.....)，可能你同閃閃既體質唔同未必岩用，但如果你都好似閃閃咁會痛到典床典隻，咁不防試下唷！

先講下閃閃既體質其實都算係虛，每次 Period 到都好似想死咁，子宮一下一下既收縮真係痛到想死，由其係因為閃閃係體虛既關係，每次 Period 都好易感冒！

一路閃閃都想搵一下「溫補」既食材，補身得黎又唔會補到over 左，因為閃係麻煩體質，受唔到大補，所以唔可以亂食補身既野！

又，好多補身既野其實都幾貴下，閃閃只係一個普通既打工女生，太貴長期食又買唔起！

所以都試左好多唔同既野下！

首先講下先前閃閃用既經痛三寶先！

呢三樣，下面個兩款大家都應該知係乜！其實對閃閃係咪真係咁WORK 呢，又唔係，有時WORK 有時唔WORK，原因閃閃都唔知道，左邊既遠赤外線簡單啲黎講係暖包，經痛時有啲暖野係肚的覺係會好過啲，但有時都係暖包暖，肚還痛！

而必理痛那個對閃閃黎講其實都唔係太掂，原因不明！

上面枝1919 No.0 (supreme emnstrual cramps and PMS care formula) 既油係咩黎呢？佢係一枝FOR 經痛用既按摩油，成份有月見草油，閃記得買個時都唔平架！成 HK$560蚊！(閃係買貴左的，仲要貴左好多，唉唉唉，閃好無奈！) 不過閃閃用左咁耐，覺得佢只係可以止到一半既痛，即係只係冇咁痛咁解，但對閃閃黎講唔會完全唔痛！

不過每個人體質係好唔同的，所以可能其他人會好 WORK 都唔定！

好啦，講左咁耐，講下閃閃呢個新研究既小偏方啦！

其實冇乜特別，係閃閃之前係網上聽到 Cindy 媽 ( C 竇/ C-dou 店主 ) 講佢本來之前係幾個月先黎 Period 一次 (即係人地所講既季經) 到之後食左一隻山東既阿膠條而家變左真係「月」經了！而調理好左身體，唔再經痛，閃閃到聽佢講去健怡坊搵，點知佢同廠商直接囉到貨，比起健怡坊平，閃閃就買左三盒，一盒比媽媽試下，兩盒自己食！

C-dou HK$160 / 12條盒

其實佢都唔平，每日食一條，但一日一條一個月要食二盒幾唷.... 所以.... 閃閃試左個方法！

就係係預計黎 PERIOD 既前五日食阿膠條，Period 期間唔食，完左 Period 後食多兩條。
(而家有好多 Apps 可以計住自己既 Period ，閃閃 iPhone 用既係 P Tracker)

中醫學認為，阿膠性味甘、平，有滋陰補血、安胎的功效。據研究，阿膠含有多種蛋白質、氨基酸、鈣等，能改善血鈣平衡，促進紅細胞的生成。此外，阿膠還能升高血壓，防止失血性休克，滋陰補血性味甘平係好岩閃閃，而且閃閃血壓低，所以好岩閃閃。

而另一樣就係黑糖薑母茶，閃閃呢包係係台北買的。

但就黎飲完，C-dou 都有黑糖薑母茶賣，大家係其他地方買到都可以飲唷！

呢個呢我會係 Period 前幾日開始飲！

黑糖薑母茶對女生好，應該唔駛閃閃講啦麻.......

呢個阿膠條+黑糖薑母茶既組合，上兩次既 Period 其間閃閃冇經痛呢！

但今次 Period 因為正值去完旅行柯左好耐，唔敢飲同食呢個組合.... 今次痛到 >.<"""""

希望閃閃呢個測試可以幫到同閃閃一樣受經痛困擾既女生，咁樣計下，其實一個月都只係用百幾蚊就可以做到，當然你有多餘錢既，可以好似其他人咁日日食一條阿膠條！

你又有冇啲小偏方可以分享下？？？

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

純天然腸之清道夫 ❤ 優果纖試食

千呼萬喚始出來，Big Deal 尋日終於都開張了，佢地既頭炮係從未做過團購既 Super Sandwiches 呢 (❤相關文章❤)！原價接近 200 大洋既二人餐只要 HK$88蚊咋，閃閃個人覺得就好抵啦！雖然 Super Sandwiches 都係連鎖店黎，但佢既風格同食物既質素一直都把關得好好，每次閃閃食都覺得好好食，今次仲有咁抵既優惠，閃閃同 Honey 都決定入手數張黎返幾晚超級三文治餐！你今日 Deal 左未呢！？

如果大家有留意就會見到 Big Deal 右邊有 Blogger 陣容，多謝 Big Deal 既邀請呢，對閃閃黎講係一個新嘗試，有朋友問閃閃，咁商業化，會唔會全部讚好？閃閃思考，如果一直是閃閃的讀者，都會知道，閃閃試過岩自己的，會作分享，所有東西都在於嘗試，可幸是，閃閃遇到的品牌都適合閃閃，有些產品如果閃閃覺得原來不適合我，閃閃也不會作出推介，當然是有些收到邀請時已知不適合會直說出原委婉拒！而當初接觸 Big Deal 的時候，Big Deal 的老闆們說出的理念時，著實和坊間的不同，他們會認真的試過，審查過，才會將產品或服務面世，所以閃閃對 Big Deal 有信心呢！(有看報導嗎？有記者放蛇原來有些團購網不會作出審查的，對消費者來說，實在很危險唷！)



好了 @.@ 講左好耐閃閃既 ❤ 聲，入正題了！今次試食左好岩都市人食既優果纖！


(試食時未買相機，唯有用 iPhone 影住先~)

一包細細包，入面有幾粒呢張相手上既東東，其實佢都係一啲天然既食材，閃閃睇過成份，有洛神花啦，芭樂，草莓，藍莓，酵母，普洱茶，乳酸菌等等，如果你有便秘既問題，即管試下啦！閃閃間唔中都有呢個問題，有時日日都會黎探下閃閃，有時又幾日都唔黎搵閃閃，呢個問題都會幾困擾的，但又好忙喎，你話係咪日日有生果落肚又唔係喎，咁對身體真係唔係咁好，而且而家腸癌既病症多左好多呢，閃閃諗唔多唔少都因為都市人既生活習慣有關。閃閃試過不同既產品，有啲係會去到便便，但係會令你肚柯，好痛咁！

試左呢個優果纖幾日，其實撞正咁岩閃閃已經兩三日冇去過，食左第一日已經有便便去，可能你會話咁岩0者，但閃閃連食四天，四天都有便便，仲要有兩日是一日去兩次，閃閃覺得係清理緊我既腸腸，你話係咪好有效果，閃閃個人覺得有，不過優果纖既建議係連食三個月，細細包，每日一包，當零食，酸酸地咁幾醒神，好岩工作既時候食！

閃閃都等緊 Big Deal 出團購呢，大家快啲登記，咁大家就唔會錯過優質既優惠唷！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

粉紅色的 Chocola BB

我諗冇人唔知上面呢枝係咩黎啦麻，周圍都係佢既廣告，電視又賣行晒廣告，一句：「Vitamin B, B for Beauty」真係聽到識念！

冇睇過？唔緊要比你睇多次！



由日本過黎既 Chocola BB ，係含有 Vitamin B2 同 B6 既維他命B 飲品！其中 Vitamin B2 係可促進成長和細胞的再生，令皮膚、指甲、毛髮健康生長，仲可以燃燒體內脂肪並轉化成能量添唷！

又可以美肌，又可以幫助燃燒體內脂肪喎，一物二用，我將會飲一個月，再同大家分享唷！




見到粉紅色既 Chocola BB，我又要 Show 下我有既粉紅色野！
我諗冇乜女仔唔鐘意粉紅色既野，呢度只係我一部份咋！HAHAHAHA~ 你又有啲乜野係粉紅色呢？？

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

簡單方便的 ♥ Charming Enzyme亮麗天然植物複合酵素液

其實好耐好耐之前，係 Winifred 既 Blog (雜誌專欄都好似有介紹過) (相關文章) 已經有睇過有關 Charming Enzyme 既資料，但一直都懶去買.... 因為初出既時候，成支藥酒咁重呀！點囉返屋企？？？(對！我家住得遠，附近冇卓悅)！

最近上 Facebook 係 Bonjour Cosmetics 度先知，原來佢出左輕便裝，所以就報名參加，順便試下咩味都好！好好彩，抽得中！(多謝 Bonjour Cosmetics )！

Enzyme ，你同我讀書都讀過，但大概大家都忘記左係乜野黎，其實簡單啲講，就係我地生物裡面化學反應的必需品，雖然人體可以製造酵素，食物都可以攝取部份酵素，但係係煮野食加熱既過程中，酵素會被破壞，其中食物吸收方面會大打折扣，所以就有左酵素補充劑既出現啦！



廣告方面都係以瘦身為焦點，但其實我覺得係而家咁多污染，要黎作為保健，都非常之好！♥♥
睇下成份，好多不同既野組成，精華所在呀！

一盒入面有兩格，各有15包，每朝都飲既野，可以飲到一個月！我將係放左係公司，另外帶左幾包返屋企WEEKEND 飲！




一包有15ML，每日係公司食完早餐就會囉一包出黎飲！呢個可以直接飲用又得，加5倍冷水或者溫水(唔好熱水呀~ 會殺成晒啲 Enzyme 架！) 黎飲！




你估下我直接飲定係溝水飲呢？








哈哈，就係直接飲啦，因為方便，快脆！飲完掉左佢就OK~~~~~~味道少少酸，我自己都好鐘意呢個味道！(初初仲以為好難飲！) ♥♥♥♥



試飲後感：便便好左！(好似BB 奶粉廣告)，有時未必好定時日日都有得去，但飲左呢個就日日都有得去！身體係咪好左呢，又未咁快試到，因為呢啲健康內服飲品都係長遠計，唔係話飲幾包就咁快見效，但短期效果都有見到，另外前幾日失眠訓得唔好，第二日肝火上升，但一飲左佢就即刻冇咁熱氣喎！
皮膚我自己就覺得係生理期出粒粒既情況少左啲添唷！

呢個真係推介推介！

亮麗天然植物複合酵素液-輕便裝
Health & Young Enzyme-Travel Pack
15ml x 30Pack 特價HK$268

其實佢仲有一枝裝 750ML 特價HK$396，我覺得買一枝係屋企飲，而輕便裝放係公司就夠晒方便！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

Trivani 無毒害產品

哈哈哈哈，真係唔好意思，我呢排更新的很慢很慢....希望可以追返進度，加油唷 (@@和自己說.........) ，TRIVANI 之前有介紹過 (相關文章)，當日有四款產品，可以比我地返屋企試用，而家同大家分享返啦！

滋養洗髮水 Nourishing Shampoo $158/250G
採用 Capispheres 配方，可以自然地與頭髮緊密結合，用後能夠長久滋養頭髮和強健髮質。我們的獨特配方有助於減少頭髮靜電，有保濕功效，讓您的頭髮更柔軟和健康，並易於打理。

這個半透明不易起泡既洗髮水，可能因為冇添加化學起泡劑，所以唔會太多泡，不過都冇影響使用。

滋潤護髮素 Nourishing Conditioner $158/250G
專門用於補充頭髮水分及改善髮質，可有效地清除頭髮油脂，您用過之後一定愛不釋手。我們的配方包含大豆蛋白和多種天然萃取物，讓您的頭髮保持柔軟，有光澤，並易於打理，還能夠保護頭髮免受紫外線之侵害。

護髮素呢，冇假滑感，頭髮好柔順咁。用左呢套洗頭用品一段時間，都幾好用，頭髮都好滑咁。

純淨牙膏 Toothgel $124/145G
Trivani 潔牙凝膠是安全無害的，可以替代普通牙膏。我們的潔牙凝膠遵循嚴格的「Do No Harm Philosophy™ (對健康害)」理念，包含功效與氟化物相同之安全成分，不會健康造成任何危害。我們的潔牙凝膠還加入天然薄荷味道，您的口腔保持無比清爽的感覺。最好的一點是，本產品對於任何年齡的人士都是安全無害的，這樣您現在就可以自己小孩養成刷牙的習慣，而不會給他們帶來任何傷害。

我地平時用既牙膏都好多化學同有毒既物質，用係口既野可能食左啲落肚添！呢個牙膏我用左一段時間，間唔中轉返用平時啲牙膏就覺得啲牙膏好大陣化學味.... 睇黎...用完呢支都要再買......

純淨漱口水 Mouth Rinse $113/500ML
最新研製的含天然薄荷的漱口水後，您會感覺非常舒服。我們的配方成分包括經驗證之天然皂樹皮萃取物和 Anthium Dioxide®，能夠促進口腔健康，而且全天然薄荷味道讓您早晨在漱口時心情爽快，感覺舒服。

清到好似水咁，我好鐘意佢入口唔"拿"口，之前EX BF 用李XXX 既漱口水，"拿"到條脷冇左知覺，我叫佢轉用OXXX B，好好多，但我諗用呢個會仲好，佢個味有啲古怪但唔係難入口，重點係佢唔"拿"口！而且又係無毒害產品！我諗$113 有500ML 都唔算太貴既.....

不過呢個品牌係以傳銷形式經營，所以大家買既時候就應該小心選擇唔好因為傳銷關係大量買入，應該揀岩自己既產品用。

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

腸腸告訴你的事.....

我很喜歡看 NOW一個節目，叫做「恐怖醫學」，裡面介紹不同既病，原來有好多病初初出現既時候，係好細微既一啲小病徵，但你忽略左佢，就會引發好嚴重既疾病。我一直都有好留意呢個節目，因為了解多啲，咁第日對屋企人既照顧就會更好。

我又諗起睇書講過，腸道既健康，係反映一個人既健康，腸腸健康，人會比較健康。但係平時我地因為飲食不均衡，食菜又比較少，纖維又比較少，平時又少做運動，搞到條腸好懶，咁就好易形成「便秘」，然後皮膚唔好，身體又唔好，所以我地應該要好好注意下腸腸既健康。



在網上找來資料：大腸的運動

「為自小腸運送來的食糜吸收水份及電解質，為大腸主要功能之一，功能之二為儲存糞便，和小腸相比，大腸的蠕動較 遲滯，但這已足夠達成大腸活動的功能，大腸的肌肉分成內環肌及外縱肌，結腸的縱肌分佈不均，部分縱肌匯聚變厚形成三條明顯的肌束，合稱為結腸帶，當環肌和 縱肌同時收縮時，使結腸出現一系列膨大的袋狀構造，及結腸袋，糞便在這肌肉收縮之間逐步前進，原本自小腸進入大腸液體狀的食糜每天約有1500ml，食糜 中的水份及電解質在盲腸及升結腸中逐漸被吸收，當水樣的糞便到達肝彎附近時，已呈現半液態的糞便，到橫結腸時，糞便更進一步濃縮成粥狀，到降結腸及乙狀結 腸時，糞便已是固態狀，到直腸時就是成形硬的糞便了。每天若有1500ml的食糜進入大腸，到最後糞便排出時只剩下80ml到150ml。

食 糜自迴盲瓣進入大腸後，要花8小時到15小時才能到達橫結腸，這時如前所述，糞便已呈現粥狀或半固體狀。正常的人在早餐之後15分鐘有便意，這是因為這時 自橫結腸至乙狀結腸有一陣腸收縮，這種收縮以約莫20公分為一段來收縮，不形成結腸袋，將糞便強力往前推進，持續10分鐘到30分鐘，最後將糞便送到了直腸，這時即有便意。

當人進食後，食物進入胃及十二指腸，也能引起神經反射刺激大腸的收縮，當大腸有病灶，如腫瘤或炎症時，也能刺激大腸引起收縮，造成排便習慣的異常。

便秘就是糞便在大腸停留的時間過久，造成水份被過度的吸收，後果就是過硬的糞便及排便障礙。大腸神經反射的退化及腸肌無力或自主神經系統失調，才是更多便秘 患者的病因。 排便 大部分時間裡，直腸中是沒有糞便的，然而當糞便到達直腸之後，將引起神經反射讓人有便意，而掌控糞便使之不會失禁地排出，主要靠肛門兩條擴約肌。」


但有時工作好忙，唔好話去便便，連去尿尿都會忍住，咁係好唔健康，我公司呢，得一格女仔用既廁所，有時好急好急，但又有人，本來好想去便便，又錯過左！後來睇左本書，佢話應該去習慣每日某一個時間去便便，但點去習慣呢，有啲難度喎，因為唔係每次想去便便既時候，會有便意，試過朋友介紹一啲草本茶，本來諗住天然啲，點知變左係咁肚柯！係可以去到廁所，但個肚好痛，好痛先去到，咁又係唔正常喎.......

最近試左一隻叫 DULCOLAX®「樂可舒」通便丸，初初有擔心，會唔會好似草本茶咁架，但見資料好似好正常喎，咁就接受左呢次試食。

官方資料：
每粒Dulcolax®「樂可舒」通便丸有獨特的保護外層（「適意外層」），能夠抵禦胃酸侵蝕，直至進入結腸方溶解。「適意外層」溶解後會釋出活性成分，針對有需要的部位──結腸──發揮作用（見圖1）2,3，恢復大腸的自然規律性蠕動，讓身體自然產生便意，幫助舒暢排便的同時又避免刺激胃部或小腸肌9。

圖1. 「適意外層」的作用模式歷時6小時，最後在結腸溶解，釋出活性成分。

Dulcolax®「樂可舒」適意外層

圖2. 胃腸結構，顯示通便劑發揮作用的地方：大腸及小腸


大家可以入去 http://toilet-tips.mixmedia.com/tips.html 學下正確大便姿勢，防便秘tips同埋單
撈樂可舒e-coupon。入面仲有產品介紹。

我試左幾日，冇肚痛既感覺，不過可能我消化系統慢少少，我大約要七個鐘左右先有作用，係正常咁去便便，冇唔舒服或者肚痛既感覺。本來我問 PR 哥哥如果有副作用我就唔寫呢篇文架啦！但係試左又OK 喎。哈哈，又做左白老鼠添。

我覺得，如果你係日日都去到既，咁就冇需要，但如果你唔係日日都有，可能幾日先一次，咁可以試下，等條腸習慣左每日都郁動，咁第日就可以唔駛食，當然如果你係好嚴重個啲，梗係睇醫生啦！


產品: Dulcolax樂可舒通便丸 ( 一排30粒裝，每次一次兩粒)
性質: 口服通便丸 (不需醫生紙, otc drug)
$37

呢篇文好長呢.... 因為要解釋下條腸要黎做乜麻.....查實你有幾了解你身體呢？

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

慘慘.... 身體年齡變了40歲了 「21世紀回春之旅 (1)」

早前 Elyze 的PR 打來，問我有冇興趣試做佢地既療程，一向胖胖的我，當然有興趣啦！但開心過後，收到資料先知要去驗血....嘩！我好怕好怕比針拮，因為我血管太幼，冇乜經驗既姑娘會拮我幾針的，不過答應了，唯有頂硬上，苦。

不過後來睇完個報告，又覺得拮一針都抵既，因為今次既驗血，令我可以發現左身體出左問題(明明上年尾先做完驗身架)，不枉我去化驗所拮一針(對了，不是在Elyze 驗血的，是在驗身中心做化驗，報告交回 Elyze)

之後第一次約見治療師同營養師..... 那日見完之後，連飯都唔想食，因為結果太令我害怕了。

「機能老化指數測試」(HK$800) ，透過驗血，從血液中，分析三項可以反映身體年齡既指數，分別係：

三酸甘油酯 (Triglycerides) - 心血管的健康指數
脫氫異雄固酮 (Dehydroepiandrosterone Sulfate-DHEAS) - 荷爾蒙既健康水平
糖化血色素 (Hemoglobin Level A1C-HbA1c) - 測試糖尿病的風險

三酸甘油酯同脫氫異雄固酮既指數好理想，心血管我仲好年輕添；荷爾蒙既指數都符合我既年齡，唯一出問題既就係糖化血色素 HbA1c﹐我去到前期糖尿病既階段，聽到都好驚，因為HbA1c偏高，所以將我既平均年齡拉高左十年！

聽到前期糖尿病，咁我梗係好擔心咁問營養師，其實呢個化驗係化驗緊我呢2-3個月既血糖水平，我諗起我呢期食小蜜蜂既夾糖食得好多下，我諗係呢個係主要既原因，仲有原來有好多食物既GI都好高，咁會拉高個升糖指數，所以要揀低GI 既食物黎食。營養師話只要我乖乖地忍口唔好食咁多高糖既食物，就會降低個 HbA1c 指數。(戒口戒口，我已經兩星期去夾糖食，我唔有糖尿病.... 嗚嗚)

這些都可以吃的，SUGAR FREE.....NO FAT!!!!


網上找來的，不太清楚，大家可以SEARCH 下高GI值的食物表應該會找到相關資料。


分享到這裡，下次再同大家講下我身體有幾多團這麼大的脂肪吧！


有冇想體驗一下這個「21世紀回春之旅」呢，而家可以免費體驗一下，等你了解多點自己的身體！(我覺得呢個係重點！)

http://www.elyze.com.hk/edm/201007/EBUFF0710G/form.aspx?ref=EBLOB1010K

可以得到一次 Elyze 「機能再生」系統體驗一次 (HK$2,230)，體驗後仲有機會得到1個月既「機能再生」系統 (HK$7,640)添呀。

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

您的骨骼很堅固嗎？

一直知道鈣對預防骨質疏鬆好重要，但係自細我就唔鐘意飲奶，大左雖然都會間唔中飲下，但又真係間唔中，年紀越黎越大，有啲問題都必需正視，正好 HKCOSME.COM 抽中可以去做一次「超聲波骨質密度測試」



超聲波骨質密度測試好快就做完，大約只係需要五分鐘左右，會係你平時少用力既手，手踭至手指尖一半既位置，做超聲波骨質密度測試，我既測試結果係低危偏中危，開始有危機呢！




正值30歲既我，係骨質密度的高峰期，然後就會一直下跌，35歲前係可以將鈣儲起，過左35歲後就有得再儲，只可以靠攝取鈣黎「維持」住骨骼既健康，所以呢五年對我黎講完來好緊要了，因為我平時真係好少飲高鈣奶類既飲品黎補充鈣質呢！


嘩！呢啲係咪金玉其外，敗絮其中？當骨質流失的速度大於重造，會令骨質密度下降，骨骼變得疏鬆脆弱，容易會導致骨折呢！


展銷除左超聲波骨質密度測試外，仲即場可以因應自己喜好買黎飲，我因為其實都幾怕奶，所以買左豆奶，一樣有鈣質呢！


多謝HKCOSME.COM & 安怡送左奶粉，仲有一包包既倍濃系列方便帶出街，自己仲入左好幾包豆奶添唷！



您的骨骼很堅固嗎？平時飲食唔均衡既你，都要注意骨骼既健康啦！取左係飲食攝取足夠既鈣外 (例如我，需要每日1000 毫克)，仲需要做適量既負重運動。咁個人就健健康康啦！仲要留意下身邊既人例如爸爸媽媽，佢地未必會注意骨骼既健康，到骨折既時候就手尾好長啦~

查詢電話：2958 3203

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！