早前同海港城既公關吃飯，先知原來有間叫做「廣東茶居」既食店，本來話去食「海南少爺」，但其實我食過海南少爺真係覺得唔抵食，今次去食「廣東茶居」，原來又幾好味喎~^O^「廣東茶居」就係「尚膳潮州小廚」隔離，原來佢地兩間係打通左，你係其中一間都可以叫另一間既野食，一間食廣東野食，另一間食潮州野食，選擇多好多呢！
先黎上湯先，廣東茶居係老火湯來，但我冇影到相，湯品每日都唔同，而潮州既湯，梗係胡椒豬肚湯啦！我兩款湯都好鐘意，老火湯當晚係雞腳湯，個湯感覺膠質重，好好味！
鹵水鵝肉三拼盤，三款都係我鐘意食既，最面既係墨魚片，好有咬口，鵝片同豆腐又好入味，鵝片又係潮州菜必食。
鹵水拼盤，又係我好鐘意食既鴨舌同豬手，細個唔鐘意食豬手，但而家覺得豬手既膠質好重，鹵水好入味。
沙律明蝦球，平時食得多，但呢個真係好好好好味，個蝦夠爽又彈牙，個沙律醬應該係處理過，薄薄咁包住蝦球，勁正！
潮式蠔仔烙，又係必食 Item，煎得夠香口又唔，好味道！
油泡龍躉球，識我都知我勁愛吃魚，呢個油泡龍躉球，好鬼正，雖然話係油泡，但佢既獻汁又唔太油膩，我食左一片又再食多片！(而家諗起都好想再去食！)
脆皮炸子鷄，炸得色水好靚呢，個皮好脆，肉質得好滑，好好味！
冰梅烤小骨，呢個個味有啲似鎮江排骨，但佢比起排骨多肉，酸酸地，我個人好喜歡，因為我鐘意食啲酸酸地既野食。
方魚炒芥蘭，個人喜歡芥蘭，同埋食左咁多肉，係時候食下菜！
糖醋伊麵，我第一次食呢個伊麵，炸得乾身唔油膩，點醋食，好鬼好味！
豉油皇炒麵，平時我唔食呢個炒麵，但係聽佢地講話呢個好好味！所以我都食一口，一食先覺得又真係好好味喎，然後我同點點講，你都食下唷，好味喎~
之後就係甜品上場，反沙芋我好鐘意食，呢個亦得做得好好味！
係咪好壯觀呢，雪糕紅豆冰同上 Milk Top 北海道牛奶雪糕加北海道十勝紅豆，大部份 Bloggers 都點左呢個食，應該好好味吧，我因為唔飲凍品所以冇點，大家如果去，記得留肚啦！
最後多謝海港城既款待，仲送左禮物比我地，多謝王子既邀請呢！^^
所以話呀...我又點可以唔肥呀..... 但係食好野，肥多幾磅我好願意的唷！^^
請給個 "LIKE" 加入唷，我會常在 FACEBOOK 更新試用動向唷！
-2.jpg)
