新羅寶

上上上星期一又去左金羅寶午飯(相關文章)，我們一個月總會吃一回，同事說另一間叫新羅寶也 OK！所以上上星期五就和同事去新羅寶吃午飯唷！



我們一行9人，到位於利舞臺 17樓的新羅寶，一早訂好位，坐在窗邊的長枱，就點菜了，侍應都是韓國人，只會說韓文和英文，不過如果沒有很特別的要求，直接點選餐牌的選擇就可以啦！



餐前的小吃，我很喜歡吃韓國的小魚，但份量很小，反而泡菜有兩款，那個好像卷蛋的東東也好吃，不知叫什麼東東呢！


炆牛排骨套餐 $72
這個炆牛排骨應該和金羅寶差不多，但味道比較淡，汁我見到有杞子，但又冇藥材味喎。牛肉已經炆淋左，都好好味。


軟滑豆腐煲套餐 $68
這個好好送飯，豆腐好滑，不過份量唔係好多，女仔食會好夠，男仔就應該唔多夠飽！



牛肉粉絲煲套餐 $75
又是份量唔多，韓國粉絲好貴嗎？很少呢... 夾兩夾已經冇晒，韓國粉絲較粗身，好入味，牛肉切得薄薄的，好味但又係男仔唔多夠食。


醬炒豬肉套餐 $68 (星期五SPECIAL $53)
這個是星期五特價午餐，但泡菜多過豬肉，要左搵搵右搵搵先搵到豬肉，泡菜炒既會好惹味，呢個都唔例外，不過啲豬肉片呢.... 肥膏多過豬肉，所以成碟真係好少好少肉。睇餐牌既相真係唔知咁多泡菜炒的，其實叫泡菜炒豬肉可能會貼切啲。(因為唔係個個都食泡菜麻.......)



鐵板烤肉套餐 $86
這個最後送上黎的，好在同枱其他男生都係點呢個套餐，應該係牛肉豬肉同雞肉，似去韓燒的肉，不過用鐵板上咁解！呢個好味！



這個餐湯好好味，係海帶湯，正！比起金羅寶的牛肉清湯好味道。



最近是糖水和生果，生果好細心咁起左肉的，食既時候只要咬住一邊就可以食到橙肉，好細心 (可以學黎整生果拼盤用！)但個糖水唔知係咩黎呢？甜甜地，有冇人可以話我知係咩黎？

埋單$731 (包左10% SERVICE) ，唔知點解啲侍應都係冇笑容，冇乜表情，但就好快手既，九個人除返開80幾蚊一個人，OK啦！



新羅寶韓國餐廳 Sorabol Korean Restaurant
銅鑼灣波斯富街99號利舞臺廣場17樓
17/F, Lee Theatre Plaza, 99 Percival Street, Causeway Bay
2881 6823

閃閃的星球 FACEBOOK 專頁已經開動啦！
http://www.facebook.com/littlebluebb
請給個 "LIKE" 加入唷，我會常在 FACEBOOK 更新試用動向唷！