素顏美女養成 - 試飲 CUPAL Beauty 瑞士膠原蛋白美肌精華

以前我也有飲過明治出既 Collagen，但唔知點解原味我覺得怪怪地，所以只飲限定版既檸檬味，但限定版冇再出之後，我就冇再飲過 Collagen了！

早前 She.com 既 PR 打黎問我有冇興趣試飲 CUPAL Beauty 瑞士膠原蛋白美肌精華，CUPAL Beauty？未聽過喎，但即時諗起最近係雜誌見到由阿嬌做代言既膠原蛋白產品，哈哈，因為我喜歡阿嬌，我覺得佢輪廓好細緻好靚女，所以不期然就留下印象，那時我還想這產品可以試試唷，呵呵！雖然明星效應後我連品牌名字都記不起，但就有了印象，所以當PR問我的時候，知道是阿嬌做代言既膠原蛋白產品，就答應試用了。

呢張相影得好靚，我好鐘意

最近看雜誌調查
男生們原來喜歡清淡自然的妝，最怕煙燻眼妝，超大眼仔，和勁長假眼睫毛
所以女生們，要養成素肌唷！

雖然話 Collagen 既產品經消化後，未必吸收左好多，但係因為我地一般飲食唔係吸收到好多膠原蛋白產品，而我地既身體大小腸既作用都係吸收養分，所以點都會吸收到啲，所以作為女生，點都要額外吸收膠原蛋白，因為自20歲起，我地既皮膚內既膠原蛋白就慢慢一點一滴咁流失 (嘩...三十歲既我...都已經流失左好多了！！)所以呢啲補充品我自己覺得就算唔日日食，都要KEEP 住一星期食幾次 (咁當然知日日食最好，但係我... 成日都唔記得)。以前媽媽都會煲花膠湯，我就會食啲花膠，但下下要浸又煲又要時間，所以呢類補充劑就係養成美女既補給品！(哈哈，又是養成美女，我不是美女，但也要KEEP麻)

CUPAL Beauty Switzerland Collagen++ 源自瑞士，成份天然，內含的活性膠原蛋白是以先進科技抽取自無污染的深海魚，確保活性膠原蛋白精華純潔無污染。而每包精華素包含5000mg膠原蛋白，能有效提升肌膚含水量及彈性，擴大肌膚儲水空間。

已經試飲左一個星期，雖然話要養成美女唔可以懶，但係最近真係好忙，唯有係自己飲既野中，加入CUPAL Beauty 瑞士膠原蛋白美肌精華。

加入水：其實我比較接受加入水，原味比某品牌易入口
加入茶：因為我飲茶多，所以會順便加入茶，但同茶味唔太夾！

加入咖啡：最近好渴睡，但又要計數喎，就飲早前STARBUCK PR 送來的BLACK COFFEE，但太眼訓... 冇影相 (不知還會不會飲BLACK COFFEE呢.. 再飲補相吧)

這是我的習慣唷，當然這個可加入如花茶、亦可製成JELLY或布甸唷！

最近都在試新品，但我飲用這個膠原蛋白美肌精華的頭三天只是用普通護膚品，但每次摸面總覺得肌膚滑了！之後就算用新品，皮膚質素亦很好，感覺皮膚冇之前咁乾，又滑左喎！我想護膚品和美肌補給品都起了相輔相成的作用呢！

再次感謝SHE.COM 既邀請，原本我好怕難飲而有唔想買既念頭，但試過之後又覺得OK喎！



官方資料：
CUPAL Beauty 瑞士膠原蛋白美肌精華

源自瑞士的全效美肌飲料，成分天然，不含糖分及脂肪，其生產過程均符合歐盟嚴格標準，絕對安全、健康，有效補充肌膚每日所需。CUPAL Beauty 瑞士膠原蛋白美肌精華的主要成分以最新科技提取自無污染的深海魚，並以低溫噴霧乾燥技術提鍊而成，確保活性膠原蛋白精華能有效提升肌膚含水量及彈性。
產品特點
　　　　　　　-較一般膠原蛋白更易被身體迅速吸收，有效補充肌膚因長時間流失的膠原蛋白。
　　　　　　　-5000mg 的膠原蛋白能補充全身肌膚所需，全方位美肌，細小如軟骨、毛髮及指甲均能獲得所需，時刻保持亮麗健康。
　　　　　　　-CUPAL Beauty 瑞士膠原蛋白美肌精華內含獨特專利配方 Pro-NAGyl、高濃度透明質酸、輔酶 Q10、膠原蛋白及多種有效成分，配合先進科技提煉而成，令成分發揮相互協調作用並易於被身體吸收，有效擴大肌膚儲水空間，令肌膚回復柔滑有彈性，全面提升全身肌膚質素。
　　　　　　　-能調節體內膠原蛋白，促進肌膚更生，更能美白淡斑、改善皮膚暗啞，修復臉上的歲月痕跡。
　　　　　　　-提升肌膚的防禦保濕機能，有效改善粗大毛孔及缺水乾紋等問題，增加肌膚的光澤及緊緻度。
　　　　　　　-本飲料質感豐盈可口，絕不含糖分，美肌之餘更可保持健美體態。
主要成分　　　獨特專利配方 Pro-NAGyl、膠原蛋白、輔酶 Q10 及透明質酸。
沖調方法　　　建議每日一包，加入 1/3 杯暖水拌勻飲用或加入任何飲品飲用。
容量　　　　　14 沖包，每包 5.5 克
原產地　　　　瑞士


後話：看到素顏美女養成這標題，我想說的是，除了補給品，如昨天我介紹的活顏馥莓飲，每種成份都不同，活顏馥莓飲是抗氧化。而這個膠原蛋白美肌精華是補給膠原蛋白，提升肌膚含水量及彈性，所以應因應自己的需要選擇唷！