碎碎念

這是上季水彩畫班最後一堂的作品，我..... 很喜歡，我是一個貪新鮮的人，這是未畫過的，所以很有心機去畫，出來的效果對我的程度來說是很好，很喜歡很喜歡！

夏季的課程上星期已經開始了，因為已經不停在初班中班上了一年的我，本來想不再去工聯會報名的，但看到另一同學仔畫的話，我又心郁郁想去畫。

最初的我，對畫畫是沒有什麼信心的，但上了幾堂後，又覺得畫畫很開心，短短個半鐘頭，要完成一幅小畫作，時間是不知不覺地過去﹐感覺既集中又放鬆。但又很緊張，因為水彩不同油畫，下了筆，就不是可以用厚厚的顏料可以蓋得住！

好爭札，我想學落去，但最近好忙咁，點好呢？

昨天和朋友到 Applegreen 吃晚飯，聽到一首歌，很熟，回家問妹妹，原來是一首很久以前喜歡看的劇集 {ROSWELL} 主題曲，和大家SHARE 一下！

還有好幾篇試用文未寫，還有自己買來用的妝物想和大家分享。還有小抽獎的禮物未定。很多事想做呢。

有些事情，被 inception 得很深入，在潛意識的底層。在現實不用在夢也可被潛植意念呢！找時間分享一下 inception 唷！近期最愛電影！

BE x「reenex膠原自生整合療程」體驗之旅- TRF膠原強效緊緻療程

黎到最後 1 Part 既膠原自生整合療程系列既 TRF膠原強效緊緻療程，今次開始療程既時候，搞到我好緊張，因為治療師話如果一覺得熱就要出聲！搞到我好驚.....

首先講下呢個療程先！

TRF 射頻技術獨有「雙重緊緻效能」，是全港唯一結合單極及雙極的射頻技術；分別針對肌膚真皮層及皮下組織，令骨膠原受熱，即時收緊及鞏固底層結構；有效即時緊緻肌膚、撫平皺紋、提升臉形輪廓。TRF 射頻技術所使用的頻率與輸出能量較市面其他射頻療程更為有效改善膚質，療程效果更見顯注、持久。



TRF 係分左兩部份，每次都先用香薰油搽面，再用儀器係面上面滾動，用熱能黎扭緊返皮層下既骨膠原，達至緊緻既效果！


其實兩部份都係同一個儀器，同一個動作，分別只係個頭唔同，第一個頭可以連眼位都用到，但第二個頭就唔可以，所以都係用熱能刺激膠原再將佢扭緊，其間治療師會不斷咁用儀器量度住皮膚既溫度，但每個人受熱既感覺都唔同，一覺得過熱就要出聲！




做完之後都係照例敷返個面膜先走，其間治療師服務好好，本來話塊面可能會紅紅地但我都冇，化返少少妝就可以出街，不過我覺得第二次做既療程效果比較出！不過今次以緊緻為主，治療師都有做完一邊面再比我比較另一邊面，的確係FIRM 啲架！


多謝 BE x Reenex 今次提供既體驗，都多謝 Reenex 會送出「CPS更生活膚療程」大家可以按下圖去登記試做，除左可以試做 CPS 既療程外，體驗完之後仲會送BIODERMA 防敏深層卸妝潔膚水添唷！

免費體驗
$730的「CPS更生活膚療程」

$ 198 BIODERMA 防敏深層卸妝潔膚水 (250ml)

*$500 discount for any net purchase over $10,000
(this one for if you join the service)

第三集問題係：用乜野方式去扭緊皮膚下既組織呢？

有興趣既朋友請記底答案，再連同其他既答案，填寫表格！(冇睇過？咁你要係我個BLOG搵返其餘兩篇文出黎啦！)



截止日期：2010/08/16
到時我會抽一位朋友送出小禮物一份！希望大家都參加唷！

如有任何問題，可以 email to littlebluebb@gmail.com 給我唷！

L'Oreal Paris 日夜修護眼睫毛組合- 油眼人必備的 Mascara

多謝 HKCOSME.com 同 L'Oreal Paris 提供既試用，本來上個月生日既我都準備入手 (因為生日月有七五折麻... 好像是，如果沒有記錯的話！)，現在好像收生日禮物一樣，好開心！

過往我也有用 L'Oreal Paris 的產品，由其係 Mascara ，因為過往出也有出暖水落的 Mascara (之前那支是紅白色的唷)，用過很多支了！

Renewal Lash Serum 美睫醒煥增生精華 HK$129

"喚醒85%處於沉睡中的睫毛毛囊，為睫毛提供生長能量，促進增生；激發眼面肌膚膠原蛋白增生，令眼面肌膚緊握睫毛根部，減少睫毛脫落；精華匙刷頭：由睫毛根部至末梢仔細塗遍，弧形設計體貼呵護每根睫毛"

我地每日都會用 Mascara，落 Mascara 有時難免會唔小心整甩眼睫毛，又有時眼好痕，無意識咁摔下對眼，又甩.... 重點係，眼睫毛有幾多條呀，一眼睇晒，頭髮就話可以戴帽0者，冇眼睫毛.... 咪唯有痴假眼睫毛啦！但係痴假眼睫毛我自己始終覺得好傷眼皮，而且要貼近眼睫毛，又係傷到眼睫毛既毛囊，所以一直都想買一枝專係比眼睫毛既精華，但上網搵黎啲不知明既牌子，你敢用我又唔敢用喎，起碼， L'Oreal Paris我會放心用囉！(你要知用左唔知乜野既野係眼度，又可能令眼睫毛冇晒之外，唔小心仲會令眼晴發炎架，小心小心)

可以看到它是弧形設計，可以用尖端搽在眼睫毛根部，然後可以用弧形那搽在每根眼睫毛上！
早晚都可以用佢架！不過呢，朝早就要搽完佢等起碼 2 mins 先可以再搽 Mascara ！


唔知點搽，網上找來片段，可以睇下點搽呀！(我都係咁樣學架咋)


覺得朝早搽完個SERUM 要等兩分鐘好耐又唔想等？咁就要用呢支雙頭既 Double Extension Renewal serum inside Mascara，一邊係 Renewal Lash Serum 成份既底霜，另一邊係增長既眼睫毛液，過往用暖水落既 Mascara膠質好重，令到眼睫毛過粗，唔靚，今次呢枝，佢搽完之後唔會好粗，一條條好分明，好長既管去包住眼睫毛，又唔會過重！不過呢，都係搽完之後又要再夾，呢個始終都係暖水落產品既缺點！(但今次呢枝已經進步左架啦！)


未搽之前，夾好眼睫毛！



搽上底霜，白色既精華，包住眼睫毛！


再搽 Mascara ！


可以睇到未搽同搽左分別都大架！！！



最開心既落妝既時候，有啲用暖水落既產品佢一落既時候，會搞到眼肚位好似有個黑眼圈咁，好似色素沉積咁，好難落，但呢 Mascara 就冇呢個問題，佢會好似一枝枝管咁甩出黎！好正！！！！係油眼人必備的 Mascara，推介程度係四粒星 (點解唔係五粒星呢，因為佢無CURL 既效果，但佢既賣點係長麻....)

可以修護眼睫毛又可以有我想要既效果，用完我會再買唷！！！

頭皮都要按摩！試用最新 Head & Shoulder Hair & Scalp 系列

唔知大家仲記唔記得，月初既時候有提到頭皮都需要按摩(相關文章)，唔知大家有冇留意到張艾嘉幫 Head & Shoulder 拍既廣告？


(唔講都唔覺旁白把聲係鄭子誠)

到香港出左既時候，我收到一套 Hair & Scalp 系列，一套四枝，其實以往我都有用過 Head & Shoulder 既產品，因為見當時既男友用，頭髮質素不錯，所以有一段時間我也買了在家用！

其實係日本同台灣，除左美髮外，都好興頭部皮膚既護理，身體既皮膚我地要關注外，頭部皮膚直接都會影響頭髮既健康，所以都不容忽視架！

今次試用左幾日，我其實對 Head & Shoulder 既產品都幾滿有信心的，因為我曾用過麻，今次這一套，我有仔細看過洗髮乳岩一般髮質用，但係潤髮乳就係適合中性/油性髮質用，過往呢，我都曾經用過一啲洗髮用品用完個頭好返就好油，雖然今次用呢個潤髮乳係岩中性/油性髮質用，但我左幾日又唔覺得個頭會好油！又或者太乾！

最近都好忙，朝朝都好快手洗完頭就閃，所以仲未用個密集滋潤髮膜，但一分鐘 Hair SPA Cream 就好愛用，因為只係一分鐘，唔浪費時間，質地不油不膩，而且帶點涼涼地既感覺，同埋我覺得每朝早用佢黎按摩一下頭皮，個人都精神啲架唷！

因為只係用左幾日咋，所以未係話髮質好大改善，但頭髮柔順，可能是按摩令頭髮質素好了一點點 (只是幾日當然是一點點啦！)產品要持久用先可以見效既~~~~~




頭皮頭髮按摩霜（HK$89.9/200g）係重點推介，我覺得就算你唔用返同一系列既洗髮用品，都可以買呢個黎幫頭皮做 MASSAGE，唔駛 $90 蚊，而且仲成200g 添呀！有排用！



囉啲出黎，用手指幫頭皮按摩按摩！雖然對手有啲累，不過都係一分鐘0者，咪當瘦手臂囉！一舉兩得！


頭皮頭髮按摩霜（HK$89.9/200g）
特含1.5倍礦物元素頭皮修護成分，配合1分鐘頭皮按摩，加強修護頭皮問題，可助減輕壓力、舒緩情緒，讓頭皮恢復健康，適合各種髮質使用。

Lancome 送來的禮物

收到 PR 送來的時候，真係好驚喜，因為包裝得好靚，而且有米白色玫瑰配桔梗，禮物仲裝住一套三件既 Lancome 產品，真係未開黎用，只係睇住啲花，都已經好開心，所以話，無論邊個送花都好，女人收花都係開心的！



過往曾經都受過一啲品牌既邀請，去了解品牌既創立同理念，從以更加深入了解產品，今次收到 Lancome 送來的產品，只有簡單既介紹，所以對產品了解不多，唯有上網再找來一些資料給大家，但資料都及不過試用的感受。



由上星期收到開始，已經開始用了 GENIFIQUE Youth Activator 嫩肌活膚面部精華露 一星期了，這是我用過最快見效的產品之一，唔係因為收到花賣口乖，係因為每晚用完後第二朝起身比我既感覺，一般情況下，我每次試用都會好認真跟指示使用，然後每朝係鏡前面仔細研究下皮膚既狀態！


精華素好透明好水，好快吸收，用三滴搽全面！

其實用頭幾日，我都仲未有好大既感受的，只係覺得皮膚唔會好似平時一朝早起身咁好油，平時係因為太乾所以係咁標油黎保護皮膚，但係到試用左近一星期，就發現皮膚帶有光澤，呢排成日捱夜，皮膚都冇變到好差！！我覺得佢係我既神仙精華素唷！！！

見到佢個包裝好華麗咁，心諗實好貴啦，我覺得好用，已經諗緊用完佢要再買要出血了，另外我亦叫埋媽媽一齊試用，自己又諗如果媽媽都覺得好用，要去買呢！上網查下售價，原來只係HK$620 (30ml)，作為好用既產品，呢個價錢又OK喎 (當然作為消費者梗係平啲好啲啦)！

但要注意既係，呢個活膚精華露要再配搭其他精華素 (如果我冇理解錯的話，當然係如果你皮膚超好，就應該可以單用再搽適合自己既面霜)，諗諗下，我應該好好搞清楚佢先得，放工去COUNTER 問下先！(下篇面膜再補充)

Lancome Genifique Yeux 嫩肌活膚眼部精華露 都係用左一星期，但仲未見到好明顯效果，所以我覺得精華素比較快見效，但眼部皮膚始終唔同，要用多排先知好唔好用，到時再同大家報告！


另外面膜呢.... 嘩.. 好似好華麗，成個星期都未開黎用，睇介紹話入面有好多精華素，等我今晚就開黎用，再同大家報告！

《閃閃的星球》迎接 50,000 pageview - 截圖 + 小抽獎 + 出清(會再更新)

不經不覺，雖然我冇計住幾時開始寫 Blog ，但轉黎 Blogspot 為我既 Main Blog 已經大約有年半了，其實係其他網站寫 Blog 已經有好多年，但以往都係以生活為主，成為 Beauty Blogger 我想可能快 3年多了！

有一些沒有寫 Blog 既朋友問過我點解會寫 Beauty Blog 既時候，我之前曾經寫過一篇文章講過下(相關文章) 而家又好想再寫返，其實早期我用過好多唔同既BLOG ，例如 Xanga, Amy Blog, Yahoo, Msn Space ....... etc. 我本身好少睇本地雜誌，是有一次買 AMY MAGAZINE 黎睇，知道佢地有 AMY Blog ，我嘗試係 AMY Blog 貼文，仲曾經刊登係 Amy Magazine (相關文章)內，得到一份禮物，然後又因為寫用後感，所以開始左美容 Blog 呢個方向！

而家香港既美容博客越黎越多，水準亦都很高，我亦有看台灣或一些外國 Bloggers 們的美容 blog ，看美容 Blog 的原因是因為網上的資訊很快的，想買一樣東西前上網 Search 一下，很多時都已經有 review，對消費者黎講係一種幫助黎，不過都要注意每種產品對每個人既皮膚都唔同，有人用左好好，但可能用係我度會冇反應！

另一個原因係因為當時常追 Meling's Blog，後來她開設《蘋果的化妝箱》，那時早上都會在家裡邊化妝邊追看才出門上班，好像追看電視劇一樣，所以我成為 Beauty Blogger , 看 Meling 的 《蘋果的化妝箱》是其中原因唷，大家要成為 Beauty Blogger 可以看 Meling 《蘋果的化妝箱》的文章：我要寫好美容 blog ! <-Beauty Blogger 入門必看文章唷！ 因為《閃閃的星球》，這兩年識左好多朋友，你以為 Beauty Blogger 只會識到女性的朋友嗎？又不會和，其實男仔既 bloggers 係香港都好多架，不過比較少係 beauty blogger，多數都會係係一啲唔係 beauty events 認識。識多左好多朋友，多左好多分享，有時活動完結一齊去食飯，Girl Talk 一下，好鬼開心！ 《閃閃的星球》就黎 50,000 page-view 啦！係 Blogger界中 50,000 其實只係好少數目，但我感謝每一個黎過我部落格的網友，也感謝每一個留過言給我鼓勵的網友們唷！謝謝你們！(有時工作很忙，很少更新，但看到 page-view 不斷上升，感覺就有點對不起來看我更新的網友們) 也感謝給我試用過產品的品牌們，還有美容網站提供的試用，還有早前的相機品牌，還有飲食的，還有航空的，你讓我認識更多，了解更多唷！ 過往我也曾經搞過出清文 (但都是抽獎得來的禮物)，因為試用的關係，好多東西試用過後緊接下一個試用而放在一邊！另外又因為自己留意多了各品牌的動向，取了很多SAMPLE 放在家裡！籍此借呢個機會給想試用的網友們，不想浪費產品唷！ 另外也有兩個有獎遊戲，都是小禮物兩份，說明一下吧！ (因為就黎五萬啦！所以出左文先，禮物會補上)


Game A : 50,000 page-view 截圖遊戲，我的部落格 http://littlebluebb.blogspot.com 右上角的 page-view ，見到 50,000 請 print screen 然後傳到 littlebluebb@gmail.com 給我，以我收 email 時間為準！

禮物： JILL STUART JELLY EYE 2, 3, 8, 10 +小禮品包 (<-因為仲未諗到呢 :P) Game B: 截圖截唔到？唔緊要，仲有小問題問大家，答中可以參加抽獎唷！
這個登記次數不限，截止日期為8月31日

禮物： 我未揀好呢，我會呢幾日更新的，但大家可以先登記唷~





出清會今個星期內分好再影相放上這篇文，這個月這篇文會每日置頂唷！

最後，因為閃閃早前參加 A New Me! SHISEIDO MAQuillAGE 彩粧體驗列車既 A New Me ! 有我份呢... 請大家投票比我呀... 每日可以投一次架，唔該唔該唷~~~~~~~~KISS ALL!!!!!(ROUND 1 只係投票去到6號晚咋，每個EMAIL 每日都可以投一次，黎參加閃閃的星球小抽獎外都可麻煩大家VOTE TAMMY TSANG 一票唷！

http://www.shiseidomaquillage.com.hk/vote.php

非常感謝大家呢！

讓肌膚喝香檳

之前係《蘋果的化妝箱》看到介紹 Colette 既紅酒同香檳面膜(相關文章)，已經好想試，見到可以登記換領試用裝，就即刻登記左，好快就收到一包紅酒面膜試用裝，我係沖涼既時候，敷黎沖涼，洗完面滑滑地！

後來見到招募 Bloggers ，第一時間報名參加，好幸運抽中左，首先多謝《蘋果的化妝箱》同 Colette 既安排！

收到兩款面膜，等我都介紹一下佢地先！(在網上抓來的，好詳細唷！)

Colette 紅酒多酚超水嫩美白抗氧化面膜
Colette Red Wine Anti-Oxidising Moisture Mask


Colette 香檳超水嫩鎮靜舒緩面膜
Colette Champagne Calming Moisture Mask


我首先試用左香檳面膜，我本身唔係太飲酒，紅酒香檳好少好少飲，係間唔中會有紹興酒煮下野食，我將佢地雪左係雪櫃度，每次要用既時候，就囉佢出黎敷，有時係睇電視，有時係沖涼個時敷，唔知係咪有酒精既關係，個心理面總係覺得用左佢個面好似做左輕微既運動咁，血液運行？哈哈，咁就唔清楚，但係就覺得用完佢滑滑地好水嫩既感覺。

我出文既時候，佢好似已經做完左$98既優惠了，但佢原價$138 都唔係貴，唔駛就住黎用，我敏感皮膚用左都冇事，但始終係酒做的，所以最好就係試下係手上面睇下會唔會敏感啦！

同埋我自己覺得，敷面膜係真係要勤力的，我除左會用紙面膜外，呢種GEL狀既面膜我都好愛用，沖涼個時更加可以借助蒸氣黎令面膜更加吸收添唷！

話明係Moisture Mask，咁梗係要黎一個水份測試，呢一款知道是什麼嗎？

色澤較淡，係香檳MASK 唷！看到嗎，左邊是未敷先的皮膚水份，右邊是敷了十分鐘的水份指標，高出了 24.7%唷！

你也來讓肌膚喝香檳唷~~~~~~~

這是品牌故事，按圖進入