多謝 HKCOSME 既邀請，閃閃參加左 Estee Lauder 既 Makeup Workshop，其他閃閃已經唔係第一次參加，但每次試既野都會有點唔同。好！同大家分享一下今次試既新野啦！^O^//
其實今次係試呢個新品「全新零瑕亮肌修護精華 Idealist Even Skintone Illuminator」，對於新品推出真係好興奮，因為過往用 Estee Lauder 既產品感覺同感受都非常良好，所以對呢個零瑕亮肌修護精華相當期待呢！
全新零瑕亮肌修護精華，以獨家三重光效煥采技術（Triple-Optic Technology），可以多角度提升肌膚的光線折射能力，瞬間淡化痘印、色斑及膚色不均等瑕疵，膚色更見無瑕，充滿光澤，同時都
結合左肌膚調色技術（CorrectTone Technology），揉合專利成分 Glucosamine-DP，可以抵禦因環境侵害及壓力、睡眠不足等而引致暗啞及膚色不均問題。
另外仲有多種成份，包括左強效氧化成份同埋紓緩抗敏因子，再配合埋「修護同滋潤」，可以針對唔同年齡、膚質既女生需要，保濕之餘，亦為肌膚注入養分，2星期內可以改善膚色，令肌膚更透亮！
同閃閃之前用既美白精華好唔同，今次呢個精華淡黃色，有閃閃生輝既感覺，閃閃覺得有啲似水晶呢！而且佢好香添呀，係花香同埋柑橘既香味，平時好少精華有呢個香味呢，所以塗抺既時候心情都好似因為個香味而變得輕鬆又開心咁！好似塗抺，閃閃覺得一塗開就好快吸收左添唷！
另外「冰感亮眼修護精華」都係今次工作坊既亮點呢，睇下呢個廣告，最近熱播唷！
今次呢個首創以「太空冰極按摩棒」即時涼快、按摩、賦活眼部肌膚，告別疲倦浮腫，你可能話放隻SPOON 入冰箱，都可以做到呢個效果啦！！但我覺得其實於入冰箱既SPOON 變得太凍，以呢個冰冷既狀態係放係眼部咁幼嫩既肌膚上其實都幾傷下，一來太凍，二來溫差實在太大！
閃閃試左呢個冰感亮眼修護精華，個太空冰極按摩棒少少涼涼地，唔會話過左火，佢個頭係有設計過，用落好流暢，而且個精華成份有埋三重光效煥采技術 Triple-Optic Technology ，可以瞬間淡化黑眼圈。仲有高濃度黑眼圈深層修復配方（Dark Circle Correcting Complex）發揮長期功效，可減退及預防黑眼圈和眼袋形成呢！
呢個要入手入手！！！！
好啦，介紹完新品要講返呢個化妝工作坊，首先用佢既 iMatch Shade Finder 去搵左岩自己既粉底！
大家估下閃閃岩邊個 Colour ???
閃閃係適合 03 Cool tone 既 Vanilla 色！只要揀岩粉底，其他遮瑕等都有相應既顏色配合呢！
閃閃拍左片同大家分享呢，呢個片主要講底妝，點樣將「全新零瑕亮肌修護精華」同埋「冰感亮眼修護精華」配合埋粉底呀，遮瑕等黎用，好似「全新零瑕亮肌修護精華」咁，原來可以單用黎做 Highlight，真係估唔到呢！今次配合新品有新技巧呢！
後記，唔係第一次上 Estee Lauder 既 Workshop，產品好齊全，不過工具就真係差緊啲，每次都係用啲用完即棄既工具多，好似上粉底咁，示範就用掃，但我地用海綿，想試下用掃會唔會有分別都唔可以，其他品牌都會提供埋工具，感覺好好多呢！
最後多謝 Estee Lauder 送出新品試用，不過閃閃因為試用緊其他產品，要遲啲先可以同大家分享佢2星期既功效唷！
請給個 "LIKE" 加入唷，我會常在 FACEBOOK 更新試用動向唷！
