早前收到 Jill Stuart 可以優先預訂新品，係 Body Protector ！原本見到個email 都覺得冇乜特別！到第二次再收到，睇真的，先發現佢係閃閃既 Body Protector！
閃閃喎，即刻覺得好好好吸引！唔理岩唔岩用，都打左電話去預訂左先！
星期一返工，一放工就去試呢支 Body Protector，一試上手覺得好水潤，唔駛好多可以搽好大範圍，聞一聞，有一陣花香味，冇平時啲防曬好難聞既化學味！
個質地呢，好水潤，但有點油油地，我擔心夏天用會太油，所以試左上手，出左門口再feel 下個質地，諗諗下呢枝閃閃既body protector 我其實只會用係局部既地方，雖然有點貴 ($220/50ml)，但係閃閃又有花香，好啦！買啦！
相機影到有少少閃既效果！！好幼細既閃閃粉未，好滑既 Body Protector!
仲送一支 Shower Gel 岩晒去旅行用！
之後去 City Super 見到呢支 Sexy Girl 既 UV Perfect Cut Spray SPF50 PA+++，有 Sample可以試下，噴上手聞下冇乜防曬既難聞味喎，而且質地唔厚，$108 都 ok 喎，返到屋企都仲係覺得ok，嘻嘻，返轉頭買先得！
其實一年四季防曬都好緊要，不過夏天陽光更加猛烈，當然要添置防曬新品啦！
沒有留言:
發佈留言