早前收到品牌方面 PR 的邀請，去返上次係中環既專門店，試佢地新出既眼影！
上星期放工最大雨個日，閃閃一放工就趕去 Laneige！
去到PR 安排左 Make Up Artist 化佢地最新出既眼影，本來上次我試用完佢地既眼影相介紹返比大家，點知原來因為係限量版，所以到春天我想介紹既時候... 已經售罄！！今次 Laneige 新出既左13 種顏色既眼影 ，唔係限量版，13種顏色可以任意配搭！
一去到，見到呢個天藍色好sharp ，即刻囉黎睇下！
試下手，都ok 顯色唷！
MUA 首先用 Eye Designer Cream 幫我落眼上面既眼妝，據了解，呢個方法最岩成日要轉妝既時候，呢個 Eye Cream 我覺得有點似水份mask 咁！
之前就用佢地既 Water Sleeping Pack黎敷眼，我好驚訝佢可以用係眼部皮膚度，因為之前既 Sleeping Pack 都有酒精既成份，一定唔可以用係眼度，但係今次既新VERSION 就冇左酒精成份，性質溫和到可以用係眼度，可以當佢係eye mask 添！
MUA幫係敷係眼上面，係化妝品店內敷 EYE MASK 個感覺都幾得意！用過 Water Sleeping Pack 黎敷眼，一陣上眼妝會更加貼架！
化眼妝既過程影唔到相，呢張係化左一半既時候影！
呢張係一隻眼化好了！好明顯一隻係sharp 左好多，眼睫毛都長左好多，個mascara其實好好用的，但係閃閃唔鐘意要用油性落妝油先可以落眼妝既用品．．．可惜！
呢個眼妝，我就係用呢幾盒眼影！最頂個盒係 #SRY432 Skin Beige -Primer，係白白地色既打底眼影，乳霜狀質感，勁推介！我用左幾日，只要用左佢黎打底，個眼妝會比平時 KEEP得耐啲，到夜晚都仲keep 到啲色！
同靚靚既PR & MUA影相！ MUA 好似韓國女生唷！
多謝 Laneige 送左 Water Sleeping Mask , Primer 同埋自選既兩色眼影，我都係揀左 MUA 幫我化既顏色！
新出眼影各 $120
右邊既 #B652 Glam Navy 色，可以充當眼線粉，藍藍綠綠的，用來做輪廓好正！
Professional Selection 全新眼影系列共有13種顏色，讓客人自然配搭出屬於自己的眼影妝容。
沒有留言:
發佈留言