最近看了兩套港產片，第一套是賀歲片《花田囍事》，在情人節那天去看，後來和某友人講起，佢一味話好爛喎 (佢未睇過。。。) 閃閃想，作為一套喜劇，而且是新年的賀歲喜劇，《花田囍事》出黎的效果，真的足夠開心一個晚上，如果你抱住佢好爛喎既心情去睇，的確係好爛，但好笑同開心喎，七十蚊值唔值說見人見智了。編寫笑料雖然沒什麼深度，但都要花心思去度令你笑麻！
另一套港產片《全城熱戀熱辣辣》是在元宵節看的，多謝朗豪坊抽中閃閃送出戲票2張，閃閃連同友人一行四人去看。閃閃沒有預先看內容，只知是一堆演員演出數個故事，沒有期望，反而有驚喜！
首先閃閃強烈提議你，如果你打算看的話，不要看報章或雜誌的影評，因為呢... 有時知得太多，就冇左驚喜！(所以閃閃標題說明下半部有內容，未看就不要看唷) 。
驚喜在於咩呢，就係令到四個人有三個人都因為覺得感動而流淚，當然包括閃閃，另個兩個都是男生。大男人，喊乜鬼呀！所以朋友仔全程打側坐偷偷地抺眼淚，唔比女朋友見到。
下半部。未睇想睇請勿向下拉啦！回主頁吧-> 按此！
其實幾個故事，都令閃閃很感動
吳彥祖呢....，係咪真係針冇兩頭利呢，佢除左生得靚仔有型外，做戲真係唔多掂！佢真係做左好多套戲都係冇乜表情的，但呢套好岩佢，因為佢做一個表情表達既壽司師傅，徐若宣呢，真係好鬼靚同正！呢段故仔冇乜特別！
冷氣維修員（謝霆鋒）和神秘電單車女子（徐熙媛），呢段感情黎得簡單，但喊位係當大S話佢對自己既病有晒心理準備，謝霆鋒答佢：但係我冇！ 呢個係一個喊位，另一半有病要睇住佢既生命倒數係一個好慘既事黎。
小伙子（井柏然）和工廠美少女（Angelababy），呢段感覺係好年輕的，完全表達到年輕人對感情不顧一切既感覺，Angelababy從對上一套花田囍事開始對佢另眼相看，起碼係想用心表達佢既角色，而係佢係火車站分別個一幕又係另一喊位！
總括黎講呢套戲都幾好睇，雖然係好幾個故事，但一啲都冇混亂既感覺！最尾驚喜之處係有 Maggie Cheung既出現，閃閃好不幸咁睇左某雜誌講左，搞到我一啲驚喜都冇！但係段落都唔少，如果你唔知佢會出現實在係一驚喜！
沒有留言:
發佈留言