She.com X SOFINA 春夏美白防曬工作坊

So Lucky 抽中 She.com X SOFINA 春夏美白防曬工作坊，最近美白產品真係成行成市呢，不過防曬同美白都係要一齊進行唔可以忽視的！

閃閃係第一場1030 - 1330 既，閃閃一早起身九點就出門口去金鐘，去到金鐘食埋個早餐就上去，去到登記完已經有幾位 Beauty係度做緊皮膚測試，閃閃搵左最頭頭既位(因為冇戴cons 呢....) 就有 BA 埋黎問閃閃做左皮膚測試未，咁閃閃就去左做皮膚測試先！

左邊圖係閃閃最靚既皮膚，係兩面旁，右邊圖係結果，毛孔同肌紋都有4-5粒星，但膚色仲係未好均勻，BA指出皮膚底層既黑色素問題，可能因為閃閃最後都用緊美白產品，去清緊啲黑色素，所以得出呢個結果！


然後就去落妝洗面 (今次有 BA係隔離，一個個 Step 咁教用) 首先用落妝油去落妝，然後用炭酸洗面泡泡洗面，今次有 BA 教閃閃用，覺得比平時係屋企用既感覺好唔同，閃閃本身都有用開呢枝泡泡的，但用完又唔覺得有咩特別，今次有人教住閃閃，果然係有用 (所以workshop 都好多野學！)

不過今次有一樣野安排得唔係咁好係係email 冇講到要落晒妝，有啲朋友之後要去街所以唔想落妝，咁就唔可以好好咁體驗今次既workshop 了，閃閃因為諗到要落妝，所以只係化左好淡既妝去！



今次主要係介紹美白同埋防曬


今次日本方面派左關根智子小姐黎香港，介紹一系列既產品用法！


關根智子小姐介紹各產品使用既手法



同埋有講一個測驗皮膚夠唔夠滋潤既方法，就係搽左護膚品之後，將手掌輕按係面既兩旁，如果放開手時面部皮膚有跟住手掌離開時輕輕 LIM 住既感覺，咁滋潤度就足夠啦


之後就介紹美白系列


其中既重點美白筆，關根小姐介紹我地可以CUT 一小部份出黎，敷係斑點上，咁效果會更好！


取左美白系列外，仲有介紹PRIMAVISTA 個 Long Keep Base，質地好水好潤，好易推，之後Sofina Marketing 既 Josephine ，有介紹呢個 Makeup Base用左好新既技術，可以包住啲油份，定我地既妝唔會咁易溶，更加定妝！閃閃試過呢個產品都很讚唷！


閃閃未用過 Primavista 既粉底，只有用過同品牌其他 Line 既產品，有機會閃閃都會轉用唷！


仲有其實一年四季都好重要既美白護理 TIPS，唔單只係夏天，其實一年四季都要做唷！


今次工作坊既禮物好重手呢，但又真係可以真正咁試用佢地既產品

分別係：
Sofina Beaute 活氧碳酸潔面泡
Sofina Beaute 化妝水 II
Sofina Whitening Essence 全效淨白精華素 體驗裝 22g
Sofina Whitening Stick 淨白重點去斑筆
Sofina Whitening Mask 高濃度淨白面膜 6片/盒
Sofina Beaute Day Protector 抗老化防曬乳液 II SPF24 PA+++
Sofina Beaute Day Protector 抗老化防曬乳液 II SPF50 PA+++
Sofina Primavista Long Keep Base 持久控油妝前底霜

等閃閃又用影片黎介紹我其中兩枝愛用既產品啦！(又係素顏，希望唔好嚇親大家:p)




非常感謝今次抽中左去體驗，閃閃會完成手上既試用品(美白麻...)，去開始試用，到時再同大家分享！