推介：Lancome 速效嫩肌活膚面部護理

本來諗住沖涼去訓，點知去洗面個時，發覺皮膚好滑好滑好滑，點解會滑左，就因為今日約左做
速效嫩肌活膚面部護理 YOUTH ACTIVATING EXPRESS TREATMENT (20 minsutes)。今日朝早起身，雖然呢排用左好野，但係因為太夜訓，睡眠不足，又唔敷面膜，幾樣野夾埋下，皮膚雖然唔係好乾，但都唔係好上到粉，有啲甩粉既情況，已經係度諗緊要回家急救，到中午約人既時候，睇返日程表先記得今日約左去又一城間 Lancome 做一個 mini treatment ，點解 mini？因為佢只係會做二十分鐘，仲要係係SHOP 度做！

呢個係我上次收到 Lancome 既試用品，PR 公司 email 資料過黎時見到的，所以就想約去試做一下。見到個介紹都覺得好吸引。

預約左七點半，去到見到有間房有張Chair，但入面堆滿貨，個 BA Cherry 話因為遲啲 VIP day ，所以入左好多貨係度，所以冇影到個環境呢！

坐底 Cherry 幫我用三合一既潔膚水抺乾淨塊面，就倒 Genifique 支精華出黎，佢倒左好多出黎呀！佢話每次用大約三份一枝！嘩！三份一支喎，咪即係二百幾蚊既精華！佢話因為呢支精華吸收得好快(我都知呢，因為晚晚用緊！)，而且要用超聲波機導入，所以要多啲精華！

用超聲波機導入既時候，暖暖地，好舒服，由額頭開始，一路做到落下巴，冇做眼位因為本身Genifique呢支精華係比面用，唔係眼個精華！做完機就用人手按摩將剩返既精華按摩吸收！


之後就搽返DAY CREAM ，再幫我搽埋有防曬度既 BB BASE，個BB BASE 又好似幾好喎，有少少色，唔會笠，但又有SPF 50！


之後 Cherry 叫我返屋企敷水份面膜，因為做左超聲波導 Genifique，今晚返去搽既野都會更吸收，我就問佢如果敷返 GENIFIQUE Youth Activating Second Skin Mask， 佢話咁更係會更好，仲教我點敷個面膜，原來個面膜係生物纖維面膜，好似一層JELLY 咁，好貼面，入面有成16ml 既 Genifique Youth Activator，即係半支精華！官方建議係每周兩次，等於導入一整枝精華！個GENIFIQUE Youth Activating Second Skin Mask 我搵唔到價錢資料，有其他 blogger 話 $600幾蚊6片，如果以$100 左右黎計，兩次 $200左右，係出面做個 facial 都唔得，但做個 Basic 既 Facial，又冇乜效果喎。如果咁諗，又唔係好貴喎，由其係我呢啲好愛自家護理既女生來說！

好貼面好貼面，大愛呢！

訓之前，再告訴你，速效嫩肌活膚面部護理預約費只係 $100，可全數換回 Lancome產品，仲會送三件SAMPLE 添！我今日乾到呢... 做完之後皮膚白左少少同飽滿左！所以雖然返到黎好累，但都要推介呢！

LANCOME FACEBOOK 上的資料：
根據GÉNIFIQUE護膚概念而設，此項全新面部護理配合超聲波導入技術，將有效成份導入肌膚底層，以提升內部細胞的新陳代謝能力，加上讓你享受極緻舒緩的人手按摩，20分鐘之內你將感受到肌膚由內而外，煥發光澤嫩肌。

預約享用超聲波導入服務 ($100預約費可換購任何LANCÔME產品，完成服務後更可獲贈3件裝夏日美肌試用裝)。
*此服務只適合於指定專門店享用。


地址﹕

專門店地址
G-18 Festival Walk 又一城G-18鋪 (電話﹕2265-8665)
Shop 379 New Town Plaza Phase 1 新城市廣場第一期379鋪 (電話﹕2698-7822)
G4 Telford Plaza Phase 1 德福廣場一期G4鋪 (電話﹕2757-7112)
Shop 2112 Elements, Kowloon Station 九龍站圓方2112鋪 (電話﹕2196-8321)

題外話：本身我對 Lancome冇乜好感，係源於有次去買粉底遇到個黑面唔多想做我生意既BA，個次之後，我好耐冇去 Lancome買野，我自己覺得，服務都好重要，今次去做呢個 Treatment 幫我做既 BA，又溫柔又細心仲好有耐性解答我既問題，原來我一直用錯個 Youth Activating Eye Concentrate，原來呢個係眼部精華黎，搽完佢要再搽其他產品！今晚開始用返正確既方法先得。個BA 叫 Cherry，大家預約做個 Treatment 可以搵佢呢！

好眼訓.... 要去訓，眼訓住打呢篇文係因為唔知個 Treatment Promotion 做到幾時，我自己好鐘意個 Treatment ，唔想大家錯過呢！