theztyle.com x Dr. Renew

之前抽中左 theztyle.com x Dr.Renew 夢想成真大行動，去試做纖體既試做，不過個試做只係做左一半，本來約左黑雨個日去試做埋下半部份，但係個日黑雨，佢地冇再打比我約，所以我唯有只係分享做左一半既療程。


當日去到，consultant 安排左我去磅重，我都幾重呢，成123磅，其實我最理想既體重係115磅，以返我身高去計算，所以都要減成八磅架！但因為我脂肪其實唔多，所以就唔係用機去減脂肪，而係去收緊返啲肌肉。

房間都幾大下，有埋沖涼設備，不過我只係做機，又唔係做全身，所以唔駛沖涼啦！

主要係做大腿後面，佢地話分兩次做，一次做後面，一次做前面，其實我都唔知點解要分兩次做，我其實都唔係第一次係做機呀，未試過要分開兩次一前一後咁得意，佢用一個儀器首先打通淋巴位，然後再用另一個儀器好似吸住啲肉咁一下下拉住，痛到呢.... 痛到我叫停呀！真係為左靚靚都要付出代價架！

做完之後左右腳都減左0.5吋，應該係收緊左啲肌肉！

見到我啲相勁少，因為佢地唔比我影相。我要打去 theztyle 問先話可以影相，但個時都做完咁濟！

其實啲STAFF 都幾好的，不過今次試做實在太奇怪了，明明知係試做做宣傳用，應該知道有咩係可以比BLOGGERS 影得有乜唔影得，如果只係可以影門面，咁其實真係好冇意思！

BTW，都多謝 theztyle.com x Dr.Renew 安排既活動！