Clinelle 6 Nos 護膚品牌 - 來得正好的 Milk Cleanser

閃閃既皮膚屬於乾性皮膚肌，多年來都用Cleansing Foam洗面，但各朋友都說我皮膚太乾，唔應該用cleansing Foam！我都知，但我太愛洗完面皮膚乾爭爭好似好乾淨咁既感覺(其實係錯的！唔好學我！) 係煩惱緊買邊隻洗面既時候.... 就收到救星了！

早前係《蘋果的化妝箱》登記左試用 Clinelle ！Clinelle 一向都知道話係用天然植物成份的，咁當然第一時間參加，有幸抽中，可以試用佢地既產品！

收到既產品好岩我呢個乾性皮膚肌用呢：

Step 1 Caring Milk Cleanser
Step 2 Soothing Skin Toner
Step 3 Intense Skin moisturiser

Special Treatment
Moisture Booster
Eye Bright


一收到囉回家率先試用既係 Caring Milk Cleanser ，其實之前一路都好抗拒用 Milk Cleanser 黎洗面係因為次次用完都好油咁！我好憎用完洗面好似冇洗咁既感覺，但今次用呢支唔太同我以往用既Milk Cleanser，質地唔太杰，唔會好難沖洗，洗完皮膚仲好滑，一啲都唔油膩！而家日日都用呢支洗面，皮膚真係冇咁乾喎。



洗完面之後用心心水分測試機測下水份先 (我平時得30幾架咋... )


跟住用Soothing Skin Toner，佢係Spary 黎，噴上面，好方便。
呢個Toner 可以舒緩敏感呢(岩我呢啲敏感肌) 可能因為有金盞花成份？

再Intense Skin moisturiser！乳白色Cream，好好推，我用左係AD+ Party學既手法黎搽，塗開係掌心，再印上面！佢既功效係開啟肌膚既滲透渠道，等水分同埋養分送入肌膚底層，滋潤肌膚。




再用埋透明質地的 Moisture Booster，呢個Booster曾經囉到 2008-2009 萬寧健。美大賞同埋 2008 台灣waston's 健康美麗大賞最佳新品架！佢可以為肌膚之親注入水份，提升肌膚既保濕功能，仲可以預防提早衰老既現象添！




用完晒所有野，我再為皮膚做水份測試！由44.4% 提升去到55.2%呢！



Clinelle既系列我覺得好岩我呢啲乾性皮膚，其實只要由洗面開始做好保濕，皮膚就會靚靚！呢個系列既味道唔似一般護膚品有陣好假既香料味！佢既味道係感覺好天然 (咁當然唔係話會好香啦！但唔難聞，我覺得聞落幾舒服。

同埋 Clinelle經醫學測試，我呢啲敏感肌膚用落都放心好多！

多謝 Meling, HKCOSME.COM 同 Clinelle 比我今次試到咁天然既護膚品，呢個星期好病，但皮膚都冇差到！好開心。(平時呢，已經會係本身乾皮膚上再乾啲，好在今次冇... 雖然好病)

BTW 因為病到心跳心震冇乜心機，所以冇乜影相。
All Photo taken by Samsung ST550

無乜期望的麻布茶房

• 
  芝士炸雞咖哩飯
  
  
• 
  明太子鮮蟹肉冷烏冬麵
  
  
• 
  鹽燒鯖花魚配鮮雞蛋飯定食
  
  

我同 Alison & Nakiter 去完 AD+ Tea Party！就去左附近既麻布茶房吃晚飯！

坦白說，吃了這麼多次麻布茶房，我已經不會抱有驚喜既期望 (所以也沒有什麼好說失望)

我自己試吃了一塊芝士炸雞塊，係炸雞夾埋芝士一齊炸！呢個幾好味道，可能侍應好慢，我地叫左三次比多個咖哩汁我地，但到我地食完先比我地！咁要黎仲乜？

另外佢地點左明太子鮮蟹肉冷烏冬麵，我覺得呢個幾好味唷，因為烏冬唔係淋個啲，都彈牙唷！好岩夏天食！

我就叫左鹽燒鯖花魚配鮮雞蛋飯定食，鹽燒鯖花魚燒得太乾，唔好味！個雞蛋飯將蛋白打做泡，但冇左蛋白既味既？蛋黃係蛋白下，伴飯吃又幾好味！


其實三個都唔叫正，但又唔可以叫差既！所以我既評價係一般！

是次消費: 每人約HKD$80 (晚餐) Open Rice Comments : http://www.openrice.com/gourmet/reviews.htm?userid=49115

Jill Stuart Jelly Eye 分裝記

第一次分裝，好緊張，準備好晒工具，同埋密實盒就開工！因為要快手快手，所以冇乜影相！
比大家睇下個過程啦！




黎緊會分 3, 7, 8, 10 但我病緊，為左衛生起見，要我病好先再分了！真係唔好意思呢！

半島的奶黃月餅

今年，買了半島的奶黃月餅來送禮！不過冇買比自己！唔知好唔好味呢！

中秋節快樂唷！





All Photo Taken by Samsung ST550

Makeup Party @BOBBI BROWN The Studio

前日去左BOBBI BROWN The Studio @ FACES 既互動妝藝專區參加 Makeup Party，多謝 Meling 同 BOBBI BROWN，我同愛麗絲同 Alison一齊上左一節化妝派對!

BOBBI BROWN 派出 Makeup Artist Sammy 黎教我地化妝，我地討論左好耐想學化啲乜野，其實我地女生不外乎都係想靚！所以最緊要靚，而化妝好多時我地都唔識點去化對眼，正所謂「靈魂之窗」麻，咁係Sammy既建議下，我地就決定學化 Smoky Eye啦！

據 Sammy講，其實學識化Smoky Eye會好好多變化，Smoky eye 唔一定要係去Party先會化，可以運用唔同既顏色既組合，去化平日返工既 Smoky eye又或者夜晚去街既 Smoky eye ，或者可以加深眼影去做一個去 Party既 Smoky eye！

我地都不約而同話好難化唷！Sammy就分左幾個Step去教我地！

我同愛麗絲都素顏Look到 Studio，但後來揀左學Smoky Eye，冇化底妝。(為左知道化妝前後有分別，我貼左呢張素顏Look比大家睇，希望唔好嚇親.....:P)

未開始前，我地係Studio影相！

每一都有面座枱鏡同埋工具箱

另一邊係大鏡區

好齊全呢！

((冇乜相，因為好專心上堂！))

首先，就係搽 Eye cream打底，但只係搽眼肚位置，因為眼蓋一陣會有好多彩妝係上面，加多一層Eye Cream會好大負擔架唷。

Bobbi Brown Makeup Artist Sammy

我地係四人小組，Sammy會將教化 Smoky eye既過程分成幾Part！我地輪流做 Model!!!去做示範！

睇下佢手呢盒 Concealer 同 Foundation 幾 Pro (我都想要一盒唷:p)

步驟一：遮瑕

Sammy幫我地每個人都會揀好岩用既顏色！

Corrector - Light Peach

Creamy Concealer- Beige

上左Corrector 係眼肚度，件用係光亮左黑眼圈既部份，令眼下既部位明顯變得光亮，再用Concealer 去遮眼袋同黑眼圈！搽埋眼袋至睫毛線同埋內眼角位置，再用手指頭輕輕按壓，令 Concealer 更加平滑貼服。

Creamy Concealer 底層有定妝碎粉

步驟二：眼影

Metallic Long-Wear Cream Shadow - Goldstone

Metallic Eye Shadow - Burnt Sugar

首先用Matallic Long-Wear Cream Shadow去上一個底色，搽晒成個眼蓋，Sunny比左支 Touch-up Bruch 黎上呢個Cream Shadow，我覺得比用手指上更好用！好上色，好易搽！我都諗住買呢個新出既 Cream Shadow！仲有一個tips 係上呢個Cream Shadow要手快！

Sammy話我搽得岩位唷！Yeah!!!

跟住就係上 Eye Shadow啦，用眼影掃，一層層由眼尾"印"去眼頭，越近眼頭要越淺，慢慢由眼線位向上印！做漸變既效果。

每一個Step，Sammy都會睇下我地做得岩唔岩，同埋出黎既效果係咪OK！唔OK佢會再個別去執！

最後就係畫埋一條眼線！睇住 Sammy好快就畫好！我地就手都震埋！但都好成功咁畫到一條合格既眼線！yeah!!!

Meling 做示範啦！

最後我地仲試左呢個粉紅色既 Bronzing Power個Colour好自然好靚！同埋可以當胭脂用又得，全面用又得！燒著左我啦！

影左兩張相，化妝後個樣 Sharp左！

多謝 Meling & Bobbi Brown 今次既安排，可以體驗一次 Bobbi Brown既 Makeup Party服務，我覺得平時幾個女生夾時間黎學化妝絕對係非常實用

This Month Focus - Quick Eye 101

當然係介紹佢最新既 Metallic Long-Wear Cream Shadow啦！有分 GOLD 同 SLIVER 呢個不同既妝容！

見到海報係咪覺得好吸引呢！你可以去Studio裡面既 Self-Learning Concer 自學教室，跟住佢既Step一步一步咁學！　(It's Free)

今次體驗好開心，我之前都有去過其他地方既品牌搞既 Smoky Eye Makeup Class 但今次係學得最成功同埋化得最靚既一次，可能因為 Bobbi Brown 化 Smoky Eye 都好出名之外，MUA Sammy 又好細心咁指導我地，同埋因為人小小好互動咁！上過一次我都想同其他朋友仔或者仲有冇Blogger有興趣我地又自組一個小組去學化妝！而且貴用可以換返產品，好GOOD唷！

再次多謝呢！仲送左小禮物比我地！我地可以多啲練習畫Eye Liner啦！Thank you very much!!!

無我份食既金不換......

去完 Season 4 既Grand Opening，我地去左海港城既金不換食Dinner！

可惜我病緊，只可以食一個札肉金邊粉！好大碗，啲札肉冇乜特別，定可能我口淡淡，食唔到有味道掛。


仲有蝦膏炒通菜，因為唔辣的 (應該好大片辣椒) 所以我可以食！


其他野食我無份食，所以冇comment！

生蝦刺身


海鮮冬陰功 (聽佢地講唔辣架唷！可能就外國人口味)


生菜包


迷你拼盤



嘉迪與椰青:p


椰汁菠蘿




金不換泰國餐廳
尖沙咀廣東道17號海港城海運大廈 2 樓 OT 260 - 263 舖 English Address

Sweet Basil Thai Cuisine
Shop OT 260 - 263 , 2/F, Ocean Terminal, Harbour City, 17 Canton Road (Tsim Sha Tsui)

電話 : 2730 1963


All Photo taken by SAMSUNG ST550