迷戀高踭鞋

最近和朋友的對話

朋友
我

「你已經唔矮，仲要加埋你個幾吋高踭鞋....」
「咁著高踭鞋真係靚好多麻....」
「(點頭)咁又係！」
「咪係囉，你都話係呢！」


「嘩！你對鞋好高呀！」
「係咩？我又唔覺喎，咪同平時差唔多，可能前面多左防水台掛！」
「係喎！不過都真係幾靚！」
「但係而家唔著，唔同老左先著咩，第日大把機會著平底鞋呀！」
「咁你又岩！」

其實都唔係刻意一定要買高踭鞋，但係呢，每次去買鞋試鞋，試上腳既平底鞋永遠都買唔落手，見朋友著啲平底鞋靚靚，去試下啦！唔知係睇唔慣呀！定真係唔岩我，次次一照魔鏡就自動放棄，比朋友話我已經高，唔駛著高踭鞋啦！但係我真係覺得著高踭鞋會拉長返我啲啲，冇咁胖！一著平底鞋就好似好矮咁，好似一隻船係海上面向前推進！(你唔好問我點解會有咁既比喻，我每次著平底鞋都冇咁既諗法....)

雖然好多時著住出街既鞋都未必對對舒服，但一諗到靚啲，就覺得寧願靚啲，唔係咁舒服已經係次要！

你鐘意著平底鞋定高踭鞋？