前排上司問我，仲乜出咁多瘡瘡既你，平時你唔會咁架！
唉..... 我唔想的，平時我已經好注意皮膚既狀況，又唔會食太熱氣既野，但生理期前引致既皮膚變化真係避無可避！
早前收到 PR sent 黎 DR. WU 既產品，係淨痘調理遮瑕膏 (ACNECUR SOOTHGING CONCEALER WITH NIACINAMIDE)，好唔好用？嘻嘻，佢已經成為左我化妝袋入面一定要有既野黎唷！
牙膏裝，用幾多份量好易控制！
官方資料：
| 遮瑕抗痘雙效合一，專利抗痘成份Ac.net™搭配微量水楊酸及多種植物萃取精華，並結合天然礦物質微晶粉體，在遮蓋痘痘的同時發揮調理舒緩肌膚功效，加強角質代謝，改善粉刺以及面皰、痘痘問題。 |
| 產品型號 : PKC |
| 容量 : 10ml |
| 主要成份 : 淨化抗痘複合物Ac.net™、水楊酸、維他命B3、維他命E、茶樹尤加利精油、天然礦物質微晶粉體 |
| 適用膚質 : 所有膚質適用，特別適合醫學美容後或較易敏感的膚質 |
一用既時候，聞到茶樹油既味，原來有茶樹尤加利精油，平時夜晚我都有用 Body Shop 既茶樹油黎點係暗瘡位置，朝早就會用呢枝，專利抗痘成份Ac.net™成份係啲乜野黎呢，我就唔係太清楚了，但每朝化妝時搽左佢黎遮住暗瘡，感覺比用普通遮瑕膏好，因為佢可以邊殺瘡瘡邊遮瑕，可能佢有精油成份，我覺得過一段時間佢會化左，要補搽，所以而家 Keep 住帶起化妝袋內，有見到起瘡瘡就搽佢，佢未至去到其他暗瘡膏好快咁扯乾暗瘡令佢淍謝，但就可以慢慢咁令暗瘡好返！所以如果你平時好似我咁會有暗瘡既煩惱，可以試下喎！
顏色比我膚色深少少，但印開又OK喎，遮瑕度我覺得係中度，唔係話好厚既遮瑕膏！(按圖可放大)
淨痘調理遮瑕膏 $190
沒有留言:
發佈留言