記得我上個月我去左 Reenex 試左佢既 CPS 更生活膚療程嗎？(相關文章)上一次，係用CPS水基酸黎去角質，今次既高效膠原自生組合療程究竟係乜東東呢？
今次我都係揀返上次係北京道1號 Reenex 既分店，治療師都係甜美既 Ah Wing, 高效膠原自生組合療程其實係由「冷凍光學膠原自生療程」同「HGF 激活細胞增生療程」等我講下個日做過啲乜野黎先！
(圖片，年輕肌膚因底層有彈性，形成三角肌紋理，但當肌膚老化，底層骨膠原流失，三角肌紋理消失！皮膚失去彈性)
今次唔駛做皮膚分析，一開始就入房開始療程，首先都係做左卸妝同清楚既程序，一邊做一邊講解等下要做既療程，「冷凍光學膠原自生療程」透過1540nm 既冷凍光學，能夠深入真皮層的骨膠原所在位置 200-500 微米，活化纖維母細胞 fibroblast 增生骨膠原，提升肌膚彈性同承托力，有效咁改善同預防各種老化徵狀，同時更能變細過於發達既皮脂線，改善過盛既油脂分泌！Ah Wing 進行療程先，有提過話可能有少少痛，如果痛就出聲，但因為佢有「Koolburst」既科技，以5度冷凍既技術保護同鎮靜皮膚，所以成個過程我都唔覺得仲涼涼地，令一向唔想做激光等光學既療程有所改觀，而且令細胞增生既概念實在係好，底層皮膚識增生膠原，皮膚先更有彈性呢！
之後就係做「HGF 激活細胞增生療程」，就係利用真空水漾煥膚淨肌，用真空吸頭，一邊注入營養煥膚液，另一邊就吸就角質同污垢黑頭等等‧再用另一吸頭，去係鼻頭呢啲多黑頭同油垢既地方再吸，咁皮膚就更加乾淨！
(圖片：上圖都係用吸頭吸污垢既情況，下圖就係吸出黎既污垢既水)
(this pic from She.com)
而呢個療程貴係光學冷凍光學外，另一樣就係同上圖有關，見到嗎？呢枝野呢，最下面有個頭既導入頭，而治療師手楂住套入左導入頭既係專比導入用既「人體生長因子Human Growth Factors」，成枝導入百多種既人體生長因子會全部導入肌膚內，為肌膚注入各種營養！
做完呢個療程一次，雖然治療師話效果唔會好明顯，都係要做多幾次先有明顯既效果，但我覺得比上一次做 CPS既時候，感覺明顯好多，有光澤左，而吸黑頭既過程比一般坊間其他用針清黎得乾淨而且唔傷皮膚，做先導入人體生長因子後，仲會敷多一個面膜，由刺激底層到骨膠原再到深層清潔然後到比肌膚補品，係一個好全面又好有效既療程！
多謝 BE x Reenex 今次提供既體驗，都多謝 Reenex 會送出「CPS更生活膚療程」大家可以按下圖去登記試做，除左可以試做 CPS 既療程外，體驗完之後仲會送BIODERMA 防敏深層卸妝潔膚水添唷！
免費體驗
$730的「CPS更生活膚療程」
$ 198 BIODERMA 防敏深層卸妝潔膚水 (250ml)
*$500 discount for any net purchase over $10,000
(this one for if you join the service)
又到問問題既時候了，記得上一回 CPS 篇既問題嗎？
今集既問題係：高效膠原自生組合療程係由邊兩個療程組成？
有興趣既朋友請記底答案，再連同其他既答案，係最後一篇既時候回答！
到時我會抽一位朋友送出小禮物一份！希望大家都參加唷！
如有任何問題，可以 email to littlebluebb@gmail.com 給我唷！
沒有留言:
發佈留言