第三集既 eclipse ，我已經去戲院睇左兩次！哈哈，平時唔係成日入戲院既我，竟然入左戲院睇兩次，完全係中晒毒！
其實第二集我冇入戲院睇的，係套戲就黎上既時候，我記起我有 DVD，就囉出黎睇，一睇覺得第二集比第一集更加吸引，我睇左隻 DVD 三次，然後就好期待第三集 eclipse上畫！
仲要係起未上畫前，我就左去搵 New moon 同 eclipse 既小說，因為唔想睇翻譯本，所以去左買原著，所以到而家都未睇完，到我睇完要買埋第四集黎追先得！
講返今集先，今集多左好多笑位，而且冇上集因為 Edward 既離開 Bella 睇到心都痛埋！Jacob 今集好主動咁爭取自己所愛，雖然知 Bella 唔會同佢一齊都幾可惜，但 Edward 如果再同 Bella 分開都唔知會再發生乜野事！
睇呢啲 Vampire 既戲咁吸引係因為現實唔會發生麻！仲要相方都覺得對方係自己既生命，呢種感情而家已經好少有了！
Edward 求婚呢一段，真係好好好感動唷！
Jacob, Bella & Edward 呢個三角既關係，其實都睇得幾傷感的......
Eclipse -All Yours 既歌詞好能體驗到 Bella 既心情！好聽！
沒有留言:
發佈留言