淘寶淘寶淘寶寶 小心得 「集運篇」

最近都還是淘寶熱，在香港商店購物都不忘在淘寶淘一淘，有幫朋友淘，有的是自己淘，淘呀淘，都有點心得唷。

不過要說心得，就必要看《蘋果的化妝箱》的淘寶淘上癮 精華區，之前有網友介紹過集運，我都有跟住步驟向該集運中心付錢買服務，但最後發覺唔係咁好用，所以係度介紹岩岩用過既另一間。

首先同大家分享集運既服務，之前有其他BLOGGER 介紹過 「淘1站」，用過一次，我覺得服務唔夠快，同埋有啲亂，集齊左之後磅重又等好耐，比左錢再等佢出貨又要48小時，好慢，而且每次最多五間貨，下下要計住，好麻煩，所以唔推介用。

之後搵呀搵，就搵到另一間 「广州-香港快递服务」，等我講下程序啦。

首先，揀好你要買既貨品，付款，收货地址寫：

地址： 广东省广州市白云区新市萧岗明珠北路16号1楼
姓名： 何长武转：《你的淘寶戶口名及姓氏》
电话：13416220680
邮编：510410

唔好怕麻煩，要係附註度加埋：
因為安排物流中心集運，請在快遞單上注明：《你的淘寶戶口名及姓氏》 852-《你的聯絡電話》，及付運後請給我快遞單號，因為物流中心收件是以快遞單號取件的。沒有正確快遞單號先不能取件，謝謝！

另外呢，因為中國各地付運去廣州都有快遞收費，有些賣家冇SET 好佢地收費既費用，最好CHECK 一CHECK 快遞費岩唔岩，我有一次經驗係佢寫左RMB$14，但個個地區好近廣州，我就問個賣家個快遞費會唔平啲，咁就係支付費確定付款前改運費，亦有些賣家買夠指定金額免運費添喎~

用呢間 「广州-香港快递服务」既好處係唔駛限定五間，你可以幾多間都得。

一路都CHECK 住 查看物流既情況，只要見到何生簽收左，就可以記底資料。

物流公司 & 运单号码

假設你揀左六間貨都到齊，就可以將六項資料用對話方式(又或者留言)告訴何生，佢地基本上一收到資料就會搵齊啲貨，再磅重，再話返你知幾錢同幾錢。咁你就去付款比埋你香港既地址佢。

要注意係，呢間可以送住宅架，都係貴每KG貴五蚊左右，岩晒係屋企做靚太既網友們，不過佢地送住宅區唔係送上門，要落樓下囉。

工商業區就好似一般速遞咁，以我為例，我星期三晚比資料佢地，星期四早上用支付寶付款，星期五朝就收到貨了，好快唷。


集運既好處：
運費較平
　　　　　 集運　　　順豐
賣家A　　　$10　　　$35
賣家B　　　$10　　　$35
賣家C　　　$10　　　$35
賣家D　　　$10　　　$35
集運　　　 $20 (1.8KG)
_____________________
　　　 　$60　　　$140

每間店直接用順豐出貨係貴好多架。不過唔好處係比較多程序，同埋會比賣家用快遞直接黎香港慢，因為如果有一間啲貨遲左，其他貨都要等埋一齊先出得！