閃閃的星球: Formula 10.0.6 - So Totally Clean Sensitive 防敏深層潔膚水

星期六, 10月 23, 2010

Formula 10.0.6 - So Totally Clean Sensitive 防敏深層潔膚水

病左幾個星期，以為自己好返又冷不防又暈又想嘔，好難搞，閃閃的星球更新也變得很慢，真的對不起來看的朋友們，好了，呢兩日會一連出幾篇文章，本來想放埋一篇出，不過想想還是分開介紹好了。

之前 PR 送來一隻我之前係萬寧見過的新品(就是一見到有新野要睇下啦！習慣黎咯！)，黎自澳洲既 Formula 10.0.6 ，我收到既試用品係 So Totally Clean Sensitive 防敏深層潔膚水，以往我都有用過唔同牌子既潔膚水，所以都叫做可以比較一下。

之前我用既潔膚水都係透明冇色的，呢支潔膚水就藍藍地綠綠地咁，因為完全冇酒精成份，所以我用得都放心，好怕啲酒精成分令皮膚變得好乾。佢既主要成份係：

小黃瓜 (Cucumber)

深層清潔，鎮靜及舒緩肌膚
淨化及緊緻毛孔，減少油脂分泌
修護肌膚天然酸性保護膜
令肌膚柔滑亮澤

塔斯曼尼亞海藻 (Tasmanian Sea Kelp)

產自澳洲塔斯曼尼亞海洋
潔淨及清理皮膚毒素
修復及潤澤肌膚，平衡水份
保護肌膚免受感染

洋甘菊 (Chamomile)

鎮靜及收斂肌膚
減少油脂分泌

呢款係專為亞洲人幼嫩膚質設計，2合1潔膚水，只要一次過就可以做到深層精潔同埋爽膚既效果，仲可以平衡油脂，每次倒係化妝棉上用，連眼同埋頸都可以用，唔當洗面都可以當爽膚水用。

我係好好好趕既朝早，會貪方便用佢黎清潔過左一晚既肌膚，一晚都可以分泌油脂同污垢，諗起冬天連面都唔想洗既朝早，呢個就真係好方便，最近好病，病既日子起身唔想洗面(因為暈麻)，就一定係用佢，用完佢皮膚唔會拉住拉住好乾咁，仲有點滋潤感添。