最近打敗仗，係公司同屋企不斷咁交叉感染，身體好弱，好耐冇試過病得咁反覆無常，一時好返好多冇乜野，有時訓醒仲辛苦過尋日，不過護膚品照用，產品照試，所以仲有好幾篇試用文要出，呢兩日一次黎過大REVIEW~~~~
首先講 Sofina beaute既花花美白+抗老化系列，試用左成個月，到而家日日都仲用緊，好鐘意用 Sofina beaute 既產品，之前用過幾支既潔面泡泡，又有用抗老化既LOTION，仲有用佢SPF24 同50既防曬，所以今次推出既美白+抗老化系列真係好岩我呢！
又白又滑係每個女仔都想，本身 Sofina beaute 係 for 25歲以上既女生用，因為而家周邊既環境污染日益嚴重，抗老化已經唔係30+, 40+甚至50+既事，正所謂預防勝於治療，皮膚都一樣，你唔好好護理，到出現老化既時，去補救係難過去預防的。
今次除左抗老化之外，仲有埋女生好著重既美白成份，一方面可以抗老化，一方面又可以美白，而因為抗老化可以令皮膚增加彈性，美白又可以令皮膚有透明感。
今次試用，每次洗完面，我會先用美白化妝水II (II 係Light Moist 水潤型)，先倒兩下落手心，再印係面上，等一等又再倒兩下重覆動作，增加滋潤；之後再用美白美容乳液，不過呢個STEP 只係 for 晚上用，因為朝早可以用防曬系列，用大約 2CM 既份量搽係全面，係夏天開冷氣既日子，有足夠既滋潤之餘又唔會太油，所以真係好愛用呢！
如果你怕太潤又或者太乾，Sofina 呢個系列好貼心咁，提供左四種不同既滋潤度比你揀，我就岩用II號，另外佢仲有：
I Fresh 清爽型
II Light Moist 水潤型
III Moist 滋潤型
IV Moist Enriched 豐潤型
可以因應你肌膚既情況，同季節既不同黎選擇，好好呢！
多謝 HKCOSME.COM 同 Sofina 今次提供既試用，今次用完呢 set 我自己都會再買黎用，回購度我比五粒星星呢。
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言