大家有冇興趣分裝 Jill Stuart Jelly Eye 呢！

係 Jill Stuart 既 counter 試過好上色，返黎上網搵下有冇其他網友仔話好用啦！見原來可以將佢分裝，都好喎，分裝可以一盒有幾隻色！

因為見其他Beauty Blogger話一盒其實自己用唔完！會乾，唔知有冇Beauty想同我share，我想分四色既Jelly Eye~



未決定要咩色住，睇下有冇Beauty有興趣啦！有興趣請留言。
GROUP A - 2, 3, 8, 10
OR
GROUP B -3, 7, 8, 10
$165 /4色

40 C Neutrogena Deep Clean 深層淨化抗黑頭溫感膜

早前剛出的時候，好多 Beauty Bloggers 都寫左試用文，令我對佢有啲心動！
好啦！上兩星期，閃閃都去買左黎用。

一盒有8支，每支5g！我用三次先用完一支，因為黑頭粉刺都係集中係T字位，保持皮膚濕潤，擠左適量係指尖，就要即刻放上T字位，一塗開，即刻感到熱力！！！都維持到十秒左右架！

之後洗完面就敷返個保濕Mask(最好係雪櫃雪一雪)！一星期Keep住用兩次，好似又真係冇咁多黑頭喎。

呢個Mask呢，我覺得佢有啲好幼細既粒粒係入面，可以做埋磨砂添唷！！

愛心延續。美麗延續。八八水災捐款。

我想不用多講，大家都知道莫拉克重創台灣。「八八」水災令好多人失去親人，受傷同失去家園，看到電視的畫面，報紙的報導，我也忍不住哭。

原本之前去聚會或活動時得到的用品，因為我一個人用不了這麼多，試用完寫完用後感後，就會放在一旁(因為閃閃本身也有買護膚用品麻)，原本呢，是打算轉送給朋友試用，現在放上網誌，希望給有興趣的網友用。另外有一些是我買來送給大家的。

再原本，是打算要求大家用完後，寫回用後感，好讓大家分享用後感，但現在，希望大家捐少少錢給台灣的同胞。

閃閃沒有很多的用品，只有幾款。因為之前要寫試用文，所以開過，但大部份是泵裝，很衛生的。(我想每支泵過兩三次吧)，其他不是泵裝又或者閃閃持續用了，所以不能轉送了。

請有興趣的朋友，留以下資料。

姓名：

電郵：

想要的產品：

可選擇面交(銅鑼灣，尖沙咀) 或平郵給你。


1. IPSA METABOLIZER WHITE ME white 1 Sample 8ml x 6 (48ml) (100% NEW，樽口有啲黃，但我囉既時候已經是這樣)
六支Sample，1號適合油性皮膚



2. OLAY White Radiance restoring emulsion (100% NEW) (印象中沒有用過的)



3. OLAY White Radiance UV Blocker SPF30 PA++ (99% NEW)



4. OLAY White Radiance UV Protective Lotion SPF20 PA++ (99% NEW)



5. Invigorate Balm (Roll this aroma balm on your temples to help you relax) (100% New)



6. Fa “Golden Star” 香體止汗露 (這不是我的試用文的，FA有多款香味，可以留下你想要啲香味，我會買新的。) (100% NEW)




希望大家可以捐款到香港紅十字會，據紅十字會網上寫到：本會所收「台灣風災2009」的指定捐款將悉數用作支持台灣紅十字會的救災、災後重建和備災等相關活動。

捐款
本會正密切留意災情及賑災工作的發展，暫未就這次風災發出募捐呼籲。如市民欲就是次風災進行捐助，請以以下方法進行：

1. 以抬頭「香港紅十字會」之劃線支票，於支票背後或以其他紙張清楚註明捐助「台灣風災2009」；
2. 直接存入滙豐銀行「香港紅十字會－賑災及發展專戶」，戶口號碼002-205490-006，並寄回存款收據正本，於收據背後或以其他紙張清楚註明捐助「台灣風災2009」。
市民請把支票或收據正本寄往香港夏愨道33號香港紅十字會國際及賑災服務部。如欲取得正式收據，請提供捐款者姓名、地址、聯絡電話及捐款者號碼（如有）。

紅十字會捐款詳情：http://www.redcross.org.hk/tc/disasterrelief_prepard/appeal_update_detail.html?year=2009&id=566

這是閃閃的一點心意，希望大家可以捐款給台灣的同胞，捐一元，十元也好，集腋成裘麻！

不統一的感覺

前幾日到葵芳的大眾買書，一入門口被一本全藍色的封面吸引，細看下原來是張小孄的新作「吸血盟2 - 花開魔幻地 」，吸血盟... 好熟好熟... 但又勾不起了回憶，就把書放下，在書局內行了一圈，再在書架看見這本書，連同吸血盟1放左一起，噢... 原來是「吸血盟1 ─ 藍蝴蝶之吻 」的系列... 是我望穿秋水，等左好耐都未見出既第二集唷！！


這是新被的藍蝴蝶之吻，其實我不明白為什麼是紅色封面.....


話說呢，當年...(真係當年唷..... )原來我當年買的「吸血盟1 ─ 藍蝴蝶之吻 」是2004年出版的，即是就是五年前唷！！！當年我是因為被藍蝴蝶之吻這書名而買下，又因為知道這本風格有異於張小孄其他的著作(書上介紹說奇情魔幻手法麻~ hahaha)，就這樣，我買下了張小孄的小說，這亦是我買的第一本張小孄的著作。

(我書架上是這本封面，五年前的了！)


想不到，看完藍蝴蝶之吻後，一等就是若干年後的今天，才出第二集，還把第一集的封面改版，嗚嗚.... 我喜歡看書，也喜歡書香，還喜歡書本在書架上整齊排列的感覺，這樣風格不一的封面放在書架上，很不喜歡呢！！！

甜甜的溫柔的女生 - Macaron

大部份女生呢，應該都喜歡甜甜的食物吧，雖然甜吃易肥，但都抵抗不了甜甜的引誘。

第一次食Macaron係食係中環Antique Patisserie，小小巧巧的圓餅，實在唔捨得一口食左佢！之後呢，因為佢係sogo 有分店，所以間唔都有買黎食，但自從佢啲分店Closed之後，我就有再食過了！曾經有朋友仔買左一盒11種味道既Macaron給我，和媽媽及妹妹分享，滿足到不得了！

前兩星期，因為有事要到elements！經過Le Gouter Bernardaud，嘩！Macaron！

一個個色彩繽紛既 Macaron 係度呼喚我！！！唔得，要即刻打比妹妹！！
最後我買左五個回家，因為妹妹都勁愛吃！

我自己買左FRAMBOISE 同ROSE！



呢個係Rose，睇下啲Cream，外脆內軟既口感，勁正！我喜歡Rose味，因為我喜歡吃玫瑰既香氣，好像將花吃下！！！

我同妹妹都一致認為Le Gouter Bernardaud既 Macaroon 比 Antique更好味！！！入面既Cream口感更新鮮，甜度適中，巧味唷~~~~~~~感覺好像一個甜甜的溫柔的女生唷！！！


Le Gouter Bernardaud
尖沙咀柯士甸道西1號九龍站圓方2009 號鋪

Macaron @$15

Kanebo 開架彩妝 Lavshuca Eye Shadow

以前閃閃唔搽眼影的，因為總覺得好難搽得好，亦因為閃閃既眼係油眼(眼摺位會出油！)，而且係內傷眼皮(哈哈，係內雙眼皮，仲乜咁多問題架....) 所以閃閃好少搽眼影。

最近閃閃變得貪靚，開始唔係只係搽粉底同胭脂再搽眼睫毛液了，開始研究眼影同眼線，仲有假眼睫毛！因為閃閃覺得對眼Sharp啲，個人會Sharp啲！

早排同妹妹行街街，經過銅鑼灣莎莎，去試左Kanebo既開架彩妝，個名叫Lavshuca！


試左啲盒花型既眼影組，閃閃買左BU-1, 妹妹買左BR-1, 因為閃閃怕粉紅色令我眼腫！

首先講下點閃閃要推介呢，因為閃閃對眼係有油，好多防水既產品都會因為出油而溶化，眼影都因為咁每每搽上眼都會起摺！但呢個Lavshuca既眼影，閃閃用左全日，都只係有少少甩左既情況，但眼影既色彩依然係眼蓋上！所以閃閃推介比同閃閃一樣都係油眼既女生唷！



花型既眼影組 $98


仲有其他眼影組呢！！

DR. WU - 玻尿酸保濕精華液

幾回前提到閃閃去過Shiseido做 Skin Test，得到既結果，係超乾同超缺油既乾性皮膚(從來都冇諗過自己Dry得咁緊要)，咁閃閃就勤力啲，做多啲保濕既面膜外，最近就買左支袁彌明介紹 (相關文章)，DR. WU既玻尿酸保濕精華液！

其實Dr.Wu 已經登錄左香港，但奈何價格偏貴，其實係台灣買便宜好多架！閃閃就係經Y拍向賣家購買。 $160 / 15ml (香港賣$280 / 15ml)

返黎即刻急不及待使用，無辦法啦！原來肌膚缺水引伸好多問題，例如會令毛孔粗大，皮膚太乾會失去光澤，肌膚會變得暗啞，總之就係唔靚啦！
所以想皮膚好，首先皮膚唔可以缺水！

根據維基既資料：
玻尿酸（Hyaluronan），又稱醣醛酸、透明質酸，基本結構是由兩個雙糖單位D-葡萄糖醛酸及N-乙醯葡糖胺組成的大型多醣類。與其它粘多糖不同，它不含硫。它的透明質分子能攜帶500倍以上的水分，為目前所公認的最佳保濕成分，目前廣泛的應用在保養品跟化妝品中。

根據袁彌明所講，市面上有好多玻尿酸/透明質酸分子太大，根本滲入唔到肌膚裡面，都因為經佢用過同研究介紹下，閃閃就買左黎試，用左兩個星期，感覺肌膚有之前咁乾，水嫩左好多，但冇水份測試機，所以唔知水份係咪提升左好多，但每晚用完之後第二朝上妝，好明顯感覺到粉底更貼面！！！連同事都見到我皮膚冇咁乾！！！

下星期會再到Shiseido做Skin Test，到時就知呢兩個月既肌膚有冇改善到啦！Yeah!!!


官方產品資料

Intensive Hydrating Serum With Hyaluronic Acid

含高濃度玻尿酸、海洋膠原蛋白，可強力鎖水保濕，提升肌膚保水機能；再添加活性酵母精華，具有修護及活化功效，使肌膚恢復緊實、有彈性。全效溫和配方，是一般及敏感性質膚都適用的保濕聖品。

產品型號 : PHS

容量 : 15ml

主要成份 : 高濃度玻尿酸、海洋膠原蛋白、活性酵母精華

適用膚質 : 缺乏水份及彈性肌膚、敏感性膚質

保存方法 : 避免置於陽光直射處，並存放於陰涼處。

登記字號 : 99-697274-01

衛署粧廣字號 : 97020156

產品功效:

‧ 高濃度玻尿酸，經嚴選完整立體結構的大分子，可抓住高量的水份，能在肌膚表層
形成一道 水分子網膜，維持並加強角質層保水機能，達到強力鎖水保濕效果。
‧ 海洋膠原蛋白，可以強力鎖水保濕，提升肌膚保水機能，常保肌膚柔嫩有透明感。
‧ 活性酵母精華，具有修護及活化功效，使肌膚恢復緊實、有彈性的細幼膚質。

使用方式：
每天早晚使用，臉部清潔後，取適量精華液於手掌心，輕輕按壓於臉部及頸部肌膚。

使用順序：
卸妝清潔→舒緩液→玻尿酸保濕精華液→乳液面霜→防曬隔離

注意事項：
避免產品入眼若不慎入眼，請以清水沖洗。使用時如有皮膚刺激出現，請停止使用並聯絡皮膚專科醫師。

Skin Product Sample & Service

前日去SOGO 9/F既ICY Summer Beauty Fair，同埋同事一齊去囉coupon 換Sample，個個去排隊囉，我地分路行事，唔駛半個鐘囉完要囉既Skin Product Sample，有啲BA 姐姐好nice咁介紹啲Product 既用法，有啲就黑晒面咁！

其實我家都有好多Sample，間唔中因為冇用過定期要清左去(會過期架麻)，但係呢，又會不停咁囉 Sample黎用，何解呢！？

有啲人會覺得貪小便宜，但係我就覺得，有時有啲產品，試都未試過，你未必會真係去買返黎(除非有非常好既口碑)，其實小小既sample，試用未必即時有效果，但起碼可以試到自己會唔會敏感，用完會唔會唔岩自己皮膚，會唔會起粒粒，會唔會唔爽，會唔會太笠...........(我要試架，因為我係敏感皮膚)

試過好用，就會有信心去買，咁都係令消費者有推動力去買產品既其中一種方法。

而BA姐姐們，唔好係比 Sample就係咁Sale，好討厭的，我連試都未試，叫我點買呢！你服務態度好，我用過又好用，自然會返黎買！
但如果你黑面，我就即刻唔想返黎幫襯你，仲會記住左你態度唔好！

我自己都做過Sales！係有麻煩既客，個個客消費能力都唔同，但你服務態度好，不論咩客都好，都會記起你搵你買野，但你黑面唔好態度就會記住你，唔再幫襯你！

我做 sales 時都試過比客勁鬧，可能係另一個 sales 有問題，佢都走黎鬧架！又或者有啲客人係無理取鬧，但係點呢，唔通黑面可以解決問題嗎？

要留住客人，係要有優質既服務態度架！

另外就係一啲岩用既 Sample可以留黎去旅行，咁就唔駛帶咁多野到外地，留返啲位比買野返黎啦！hahahhaha~

最近我感受過優質既服務態度有
TST YSL 既 Jack (我冇買野只係問野，但係佢態度勁好，冇辦法，我去完Gucci，啲Sales好串，相對下阿Jack好好多！大家去YSL買野可以搵佢！高大既男仔黎)
係金伯利2/F一間造鞋店既靚女店員(係靚女個個，佢態度真係好好，但唔知叫咩名)
Benefit @CWB Lane Crawford 既男店員( 唔知叫咩名，但係我去問野，佢好nice咁答！我如果要買野，都會返去搵佢買)
Origins @ CWB (我去囉Sample的，其實我係有興趣佢既系列，個 sales姐姐好nice 呀！)

好既服務真係可以令人回頭幫襯架！所以各位BA，唔好睇小一包小小既Sample唷！

Olay White Radiance intensive brightening essence 透視美白精華露

七月尾有幸出席OLAY為 Beauty Bloggers搞既美的聚會，送了全系列 OLAY White Radiance 一套十件Olay美白產品。其中包括最新推出，由周迅做產品代言人的廣告，你有印象嗎？冇印象，可以睇下以下既廣告，會Call Out返你啲印象返黎！





除非你喜歡Tan Skin，如果唔係的話，每個女生都想擁有白嫩既肌膚，白嫩既肌膚除左先天因素外，後天既保養都好重要，大家都唔想做黃面婆吧？

透視美白精華露透明樽身設計，見到入面既粒粒嗎？分別係白色同同粉紅色既粒粒，係啦！佢地就係今次透視美白精華露既主角！獨特雙色透視因子，能主動直擊表面與肌膚底層的美白問題如斑點，暗沉及皮色不均等(呢啲問題我全部都有喎......)

白色透視因子含有維他命C及E，仲有桑白皮、忍冬花、百合花等天然植物萃取既精華，能夠深入滲透肌膚，幫助累積係肌膚表既黑色素新陳代謝，提升肌膚亮度，改善表面美白既問題。

粉紅色透視因子含有高濃度5% Niacinamide (維他命B3)，水溶維他命能煥發能量，抑制深層黑色素，減緩黑色素自底層傳送至表層，深入肌膚底層還原已生成的黑色素，減少斑點，均勻膚色，幫助減低潛在美白危機。

見到白色同粉紅色因子，諗住按出黎睇下啦！

原來呢...係特殊按壓設計，一按既同時，會擠壓因子，令佢地混合，更加容易滲透肌膚。每次使用都非常新鮮呢！！！所以擠出黎既時候，見唔到有粒粒的！

按一下既份量，就足夠面部塗抹及吸收，我會按多一下按摩入頸既肌膚，因為頸同胸口都時常受到太陽既照射，要好好護理架！！佢既質地都好水水，好快就吸收左，皮膚變得滑滑咁！


從來都冇諗住買OLAY的，細個既時候，佢仲係叫玉蘭油(Oil of Olay)，對佢仲係好抗拒，因為油喎... 感覺好似有層油去封住皮膚咁呀！好唔鐘意，到而家大左，有時收到Sample，都係連試都唔會試，今次叫正式第一次去試Olay，發現原來又唔係想像中既感覺，而且當日P&G既Marketing Manager既講解後，發現原來Olay咁多年多，不斷咁做科研，推陳出新，對呢個品牌重建左信心啦！

在網上找到一篇文章：100-year-old lady credits Oil of Olay for her youthfulness

多謝OLAY方面全出一套White Radiance試用。


Olay White Radiance intensive brightening essence 透視美白精華露 $169.9 (50ml)


延伸閱讀：

閃閃 - Olay & Beauty Bloggers 美的聚會 - 美食篇
Meling - 試用：OLAY White Radiance 透視美白精華露
Katy Beauty - 香港OLAY♥Blogger Gathering
Candy - olay與我:美的聚會
Michelle -OLAY 美麗聚會 , OLAY 蜜桃色美白精華
Hidee -Olay 美的約會

Tika - OLAY x HK Beauty Bloggers的美麗聚會
Alison - 部落小聚:吃了令你更美麗的OLAY 美麗飯局

Mane 'n Tail x HKCOSME.COM VIP event

上星期尾，收到電郵說抽中參加Mane 'n Tail & hkcosme.com 搞既 VIP event，星期一晚放工食啲野(閃閃食左個好耐冇食既麥當當加大餐[加大閃閃好似未試過]咪就係換個隻玻璃杯囉) 閃閃係第三場八點鐘的，一上去就見到上一場既Little Ka, 一啲都認唔到係上次見過既Miss, Alice, 同埋好危險人物Look既Liz (我冇問佢個名點串添... 錯左話比閃閃知！)，仲有好日本女生Feel既 Nakiter，當然仲有Mane 'n Tail品牌既負責人莫天使同Meling & Alan ，仲有係Twitter有傾過計既Dick！

同我同一場既呢，就有愛麗絲同Hidee，一去到，就傾計傾唔停，好開心。到Alan提我地兩次已經比預定時間遲左半個鐘了，要開始啦！

首先係莫天使講解Mane 'n tail呢個品牌既誕生，比張相大家，就可以了解晒呢！


聽完之後，就係髮型師 Andrew對我地個別髮質既講解，其實佢睇完我髮質之後，係建議我用草本系列，同我而家用緊既一樣 (相關文章) ，我既髮質係因為經過電染，所以係受損髮質，同埋因為我有染髮，草本系列可以做到鎖色既功效，岩晒我！！

跟住就係去體驗呢隻洗頭水啦！

洗完頭之後，係吹頭之前，會係我頭髮上面噴上草本精華噴霧，咁可以抵抗熱力對頭髮既傷害，亦到可以令頭髮更順滑。

然後呢，就係造型啦，我本身頭髮係曲曲地既頭髮，係向前curl的，Andrew用電髮捲將我啲頭髮
捲向後。

偷拍，hahahha，真係唔好意思，但我想影。。。

((呢兩張係在場既攝影哥哥影架！))


造型之後，用Treatment 黎做修護(我都有買呢個呢)，係唔駛洗的，幾時都用得，我記得上次電話CS有好細心咁教我要囉足夠既份量，係手掌抺開，先摸落頭髮到架！！


完成啦！好女人呀！！！未試過咁curl的，第一次唷！好有新鮮感唷！


到Meling 啦！裝作中。
下圖係完成作品，好Cute唷！


多謝Mane 'n Tail & hkcosme.com搞呢次 event，我當初買既時候都係抱住試下既心態，對品牌唔係咁了解，今次有莫天使既介紹，又有 Muse Hairdressing 既 Stylist Andrew Siu 建議，又有講解點用喎！真係好開心。

走既時候莫天使仲好細心咁問我用既係咩系列，送左一套洗頭水同草本精華噴霧，仲有一套旅行裝比我地！佢仲有介紹品牌既Hoofmaker（Hand & Nail Therapy），據講可以強化指甲，好期待可以試用呢！(我啲指甲成日搽指甲油所以好軟咁了！) (Meling 相關文章)

Mane'n Tail : http://www.manentail.hk/index.php
屈臣氏, CitySuper, Log-On, Wing On有售


延伸閱讀：
Alice : 部落小聚:閃閃亮亮的Mane’n Tail X HKCOSME.COM 聚會

Olay & Beauty Bloggers 美的聚會 - 美食篇

尋晚出席左Olay為Beauty Bloggers 搞既美的聚會，多謝Meling帶埋我出席
Olay安排左我地係尖沙咀加連威老道既一個上樓餐廳：Misto Restaurant


約五千呎既地方，用摺門輕紗做屏障，可以劃分唔同既區域，而我地係VIP ROOM進餐，呢間餐廳係主打東南亞菜同西菜，店名Misto 係意大利文，有「混合」既意思。

VIP ROOM用黑色黎做椅子既主色，外面用餐區用白色！好靚的唷！

今次有部份既Bloggers之前已經見過面，亦有新相識既朋友仔，一聚優雅既女生，大家一邊進餐，一邊傾計，各大美容品牌，品牌情報，日常生活甚至連鬼估都有講，話題多多。好一個Happy Friday !!!!

八點半左右，我地開動食美食唷

首先係炸珍珠蟹雜菜沙律 (Deep-fired Baby Crab with Mixed Green)
好香脆既蟹仔加酸酸地既雜菜沙律，好開胃！


南瓜忌廉湯 (Butternut Squash Soap)
甜甜地又唔太Creamy，幾好飲唷！




炭燒美國特級肉眼扒配百里香燒汁
(Char-Grilled "US" Top Choice Rib Eye Steak with Thyme Gravy)
我揀左Rib Eye Steak，要左Medium ，但係呢... 我覺得係7成了.....
有點失望耶....



New York Cheese Cake
個Cheese Cake 個Cheese 味唔夠濃，可能我鐘意好香濃既芝士味啦！

其間我點左西柚汁，不過飲左兩啖我就覺得想咳，睇黎唔飲得凍野，所以叫左杯暖水。

其他blogger 點既野食


香煎銀鱈魚配些厘杏仁汁 (Pan-fired Cod Fish with Sherry Almond Sauce)


白酒忌廉汁煮紐西蘭青口伴天使麵
(Angel Hair with Fresh "NZ"Mussel in White Wine Cream Sauce)







係度食野，唔似有啲餐廳呢，好似好趕一次起晒啲野上枱(有啲地方真係連次序都可以上到亂晒)，仲食得好Relax，我諗我會同Dearest黎食唷！

再次多謝Meling , P&G PR 等等！今晚有好味既野食，了解左Olay呢個品牌，有小遊戲玩，仲有產品試用，好開心唷！

等我試用完產品，再寫Report先！